١ بُطْرُس 1:17 - كِتاب العَهد الجَّديد مِن الكِتاب المُقَدَّس

¹⁷ إن كان تَنادو الأبو البِحكُم عَلى أعمال كُلّو واحِد، و ما بِشوف الوشوش، عيشو بِخوف زي غَريبين في الدُّنيا.

١ بُطْرُس 1:17 Iomraidhean Croise

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

مَتَّى 22:16

و هُم رَسَّلو ليهو تَلاميذُم مَعَ الهيروديسين. و هُم قالو: ”يا مُعَلِّم، نِحنا عارفين إنتَ تَقول الحَق، و تَعَلِّم سِكَّة الله بِالحَق. و إنتَ ما تَغَيِّر كَلامَك عَشان فِكر النّاس، عَلَشانَك ما تَعمِل فارِق بين النّاس.

مَتَّى 6:9

عَشان كِدا صَلّو زي دا: أبونا الفي السَّما، خَلّي إسمَك يَكون قُدّوس.

رُومِيَه 11:20

طَيب. لَكِن قَطَعوهُم عَلَشان ما كانو عِندَهُم إيمان، و إنتَ بِالإيمان تَقوم. ما تَكون مِتكَبِّر لَكِن خاف.

٢ كُورِنْثُوس 1:2

نِعمَه و سَلام ليكُم مِن الله أبونا و الرَّب يَسُوع المَسيح.

٢ كُورِنْثُوس 5:6

عَلَشان كِدا نِحنا دايماً مَليانين بِشَجاعَه، و بِنَعرِف ما دام نِحنا في بيتنا في الجِّسم هِنا، نِحنا بَعيدين مِن بيت الرَّب الفي السَّما.

٢ كُورِنْثُوس 7:1

و عَشان عِندَنا الوُعود ديل، يا مَحبوبين، خَلّونا نَنَضِّف نُفوسنا مِن كُلّو نَجاسَة الجِّسم و الرّوح، و نَكَمِّل القَداسَه في خوف الله.

٢ كُورِنْثُوس 7:11

و شوفو كيف الحُزن دا زاتو، المِن الله، إشتَغَل فيكُم. و كان عِندَكُم إهتِمام عَشان تَكونو بِدون لوم. و كان عِندَكُم زَعل و خوف و مَحَبَّه و غيرَه و إنتِقام. و وَرّيتو نُفوسكُم بِدون غَلَط في الحاجَه دي كُلُّها.

غَلَاطِيَّه 2:6

و لَكِن المُحتَرمين ما زادو و لا شي لِبِشارتي. و المُحتَرمين كانو شِنو ما بِهِمّني، عَشان الله ما بِشوف الوشوش.

أفَسُس 1:17

عَشان إلَه رَبَّنا يَسُوع المَسيح، أبو المَجد، يَدّيكُم روح الحِكمَه و رؤيا عَشان تَعرِفو مَعرِفَه كاملَه.

أفَسُس 3:14

بِالسَّبَب دا، أنا بَركَع عَلى رُكبتيني قِدّام الأبو،

أفَسُس 6:9

و إنتو، يا أسياد، أعمِلو ليهُم زات الحاجات، و خَلّو التَّهديد، عَشان إنتو تَعرِفو إنّو سَيِّدُم و سَيِدكُم هو في السَّما. و هو ما بِقبَل الوشوش.

فيلِبّي 2:12

عَلى كِدا، يا أصحابي المَحبوبين، زي ما سِمِعتو كَلامي كُلّو وَكِت، كَمِّلو خَلاصكُم بِخوف و رَجف، مُش لَمّا أنا في مَعاكُم بَس، لَكِن أكتَر بِكَتير هَسَّع، وَكِت أنا ما في.

كُولُوسِّي 3:25

و أي واحِد العَمَل الذَّنب، هو بِرَجِّع ليهو زي ما هو عَمَل. و ما في فارِق بين النّاس.

عِبرانيين 12:28

عَلَشان كِدا، إذا نَقبَل مَلَكوت ما مُمكِن يَهِزّوها، خَلّونا نَشكُر الله. و خَلّونا نَقَدِّم لِلَّه خِدمَه مَقبولَه بِإحتِرام و خوف.

عِبرانيين 4:1

الله ساب لينا وَعد عَشان نَدخُل في راحَتو. عَلَشان كِدا، خَلّونا نَخاف عَشان ما نَلقى أي واحِد مِنَّكُم الما قِدِر يَدخُل.

١ بُطْرُس 2:11

يا مَحبوبين، أطلُب ليكُم زي غَريبين و مِسافِرِين تَرفُضو الشَّهوات الجِّسميَّه البِتحارِب النَّفس.

١ بُطْرُس 3:15

لَكِن قَدِّسو الرَّب المَسيح في قُلوبكُم. و كونو جاهِزين دايماً عَشان تَرُدّو عَلى كُلّو واحِد البِسألكُم عَن سَبَب الرَّجاء الفيكُم. و لَكِن أعمِلوهو بِوَداعَه و إحتِرام.