١ يُوحَنَّا 5:9 - كِتاب العَهد الجَّديد مِن الكِتاب المُقَدَّس

⁹ إذا نَقبَل شَهادَة النّاس، شَهادَة الله أعظَم، عَشان دي شَهادَة الله الشِّهِد بيها عَن إبنو.

١ يُوحَنَّا 5:9 Iomraidhean Croise

مَتَّى 17:5

و وَكِت ما كان لِسَّع يتكَلَّم، شوف! سَحابَه لامعَه عَمَلَت ضُل عَليهُم. و صوت مِن السَّحابَه قال: ”دا هو إبني الحَبيب، و أنا مَبسوط مِنّو. أسمَعو ليهو.“

يُوحَنَّا 10:38

لَكِن إن كُنتَ أنا بَعمِلا، و إنتو ما بِتآمِنو بي، آمِنو بِالأعمال، عَشان تَعرِفو و تَفهَمو الأبو فِيني و أنا في الأبو.“

يُوحَنَّا 5:39

إنتو تَفَتِّشو الكُتُب، عَشان إنتو تَفتَكِرو عِندَكُم فيهُم الحَياة الأبَديَّه. و هُم البِشهَدو لَي.

أعمال الرُّسُل 17:31

عَشانو إختار يوم فيهو بِيَحكُم عَلى الدُّنيا بِالعَدل بِالإنسان الجَّهَّزو. و أدّا لِلكُل بيّنَه، لَمّا قَوَّمو مِن بين المَيِّتين.“

أعمال الرُّسُل 5:32

و نِحنا شاهِدين ليهو بِالحاجات دي، و نِحنا و الرّوح القُدُس الأدّاهو الله لِلبِطيعوهو.“

عِبرانيين 2:4

و الله كَمان شِهِد بيهو مَعاهُم بِالعَلامات و العَجايِب و القُوّات المُختَلِفَه و هَدايات الرّوح القُدُس، الهو قَسَّمُم حَسَب إرَادَتو.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.

١ يُوحَنَّا 5:8

و اليَشهَدو، هُم تلاتَه. الرّوح، و المويَه، و الدَّم. و التّلاتَه ديل، هُم في الواحِد.