١ يُوحَنَّا 5:7 - كِتاب العَهد الجَّديد مِن الكِتاب المُقَدَّس

⁷ و الرّوح، هو البِشهَد، عَشان الرّوح هو الحَق.

١ يُوحَنَّا 5:7 Iomraidhean Croise

مَتَّى 17:5

و وَكِت ما كان لِسَّع يتكَلَّم، شوف! سَحابَه لامعَه عَمَلَت ضُل عَليهُم. و صوت مِن السَّحابَه قال: ”دا هو إبني الحَبيب، و أنا مَبسوط مِنّو. أسمَعو ليهو.“

مَتَّى 18:16

لَكِن إن ما بِسمَع ليك، أُخُد مَعاك واحِد ولّا إتنين تانيين حَتّى كُلّو كِلمَه تَكون ثابِتَه بِخَشم إتنين ولّا تلاتَه شاهِدين.

مَتَّى 28:19

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

يُوحَنَّا 1:1

في البِدايَه كان الكِلمَه، و الكِلمَه كان عِند الله، و الكِلمَه كان الله.

يُوحَنَّا 10:30

أنا و الأبو واحِد.“

يُوحَنَّا 12:28

يا أبوي، مَجِّد إسمَك.“ بَعدين جا صوت مِن السَّما و قال: ”مَجَّدتو، و بَمَجِّدو كَمان.“

يُوحَنَّا 14:17

ناس الدُّنيا ما بِقدَرو يَقبَلوهو، عَشان هُم ما يَشوفوهو و لا يَعرِفوهو. لَكِن إنتو بِتَعرِفوهو، عَشان هو قاعِد مَعاكُم و بِكون فيكُم.

يُوحَنَّا 15:26

و لَمّا المُساعِد يَجي، الأنا بَرَسِّلو ليكُم مِن الأبو، يَعني روح الحَق البِجي مِن الأبو، هو بِشهَد لَي.

يُوحَنَّا 5:26

عَشان زي ما الأبو عِندو حَياة في نَفسو، هو كَمان أدّا لِلإبن عَشان تَكون ليهو الحَياة في نَفسو.

يُوحَنَّا 8:18

أنا أشهَد لِنَفسي، و الأبو الرَّسَّلني يَشهَد لَي.“

يُوحَنَّا 8:54

يَسُوع رَدَّ و قال ليهُم: ”إذا بَمَجِّد نَفسي، مَجدي ما ليهو فايدَه. أبوي هو البِمَجِّدني، الإنتو تَقولو هو إلَهكُم.

أعمال الرُّسُل 2:33

عَلَشان كِدا، هو كان مَرفوع بِيَمين الله، و أخَد مِن الأبو الرّوح القُدُس الوَعَد بيهو، و كَبَّ دا، الهَسَّع بِتشوفو و بِتسمَعوهو.

أعمال الرُّسُل 5:32

و نِحنا شاهِدين ليهو بِالحاجات دي، و نِحنا و الرّوح القُدُس الأدّاهو الله لِلبِطيعوهو.“

٢ كُورِنْثُوس 13:14

نِعمَة رَبَّنا يَسُوع المَسيح و مَحَبَّة الله و شَرِكَة الرّوح القُدُس يَكون مَعَ كُلُّكُم.

١ يُوحَنَّا 1:1

نَخَبِّركُم بِكِلمَة الحَياة. و الكِلمَه كان مِن البِدايَه. و نِحنا سِمِعناهو و شُفناهو بِعُيونّا، و عايَنّا ليهو و إيدينّا لِمسَتو.

١ يُوحَنَّا 5:6

دا هو الجّا بِمويَه و دَم، يَسُوع المَسيح. ما بِالمويَه بَس، لَكِن بِالمويَه و الدَّم.

١ يُوحَنَّا 5:8

و اليَشهَدو، هُم تلاتَه. الرّوح، و المويَه، و الدَّم. و التّلاتَه ديل، هُم في الواحِد.

رؤيا 19:13

و هو لابِس توب مَغَطَّس بِالدَّم، و إسمو، كِلمَة الله.