١ يُوحَنَّا 5:4 - كِتاب العَهد الجَّديد مِن الكِتاب المُقَدَّس

⁴ عَشان كُلُّ واحِد مَولود مِن الله يَغلِب الدُّنيا. و دي هي الغَلَبَه التَّغلِب الدُّنيا، أيمانّا.

١ يُوحَنَّا 5:4 Iomraidhean Croise

يُوحَنَّا 1:13

ديل هُم النّاس الكانو مَولودين، مُش بِدَم، و لا بِإرادَة جِسم، و لا مِن إرادَة راجِل، لَكِن مِن الله.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 3:3

يَسُوع رَدَّ و قال ليهو: ”الحَق الحَق أقول ليك، إن كان واحِد ما يِتوَلَد مِن فوق، هو ما بِقدَر يَشوف مَلَكوت الله.“

١ كُورِنْثُوس 15:57

لَكِن شُكراً لِلَّه البِدّينا الغَلَبَه بِرَبَّنا يَسُوع المَسيح.

١ يُوحَنَّا 2:29

إذا كان بِتَعرِفو هو بار، بِتَعرِفو كُلّو واحِد البِعمِل البِر مَولود مِنّو.

١ يُوحَنَّا 3:9

كُلّو واحِد المَولود مِن الله ما بيَعمِل خَطيَّه، عَشان حَياة الله تِستَمِر فيهو، و ما بِقدَر يَخطى، عَشان هو مَولود مِن الله.

١ يُوحَنَّا 4:4

إنتو مِن الله، يا أولاد، و غَلَبتوهُم. عَشان هو الفيكُم أكبَر مِن الفي الدُّنيا.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

١ يُوحَنَّا 5:18

بِنَعرِف أن كُلّو واحِد مَولود مِن الله ما بِختى، لَكِن المَولود مِن الله يَحفَظ نَفسو، و الشَرِّير ما يَلمَسو.

١ يُوحَنَّا 5:5

مِنو هو البِغلِب الدُّنيا؟ بَس البِآمِن أن يَسُوع هو إبن الله.

رؤيا 12:11

و هُم غَلَبوهو بِدَم الحَمَل و بِكِلمَة شَهادَتُم. و ما حَبّو حَياتُم كَتير و ما أبو يَموتو.

رؤيا 15:2

و شُفتَ حاجَه زي بَحَر مِن قِزاز مَلَخبَط بِالنّار. و شُفتَ ديل، الغَلَبو الوَحَش و صَنَمو و عَدَد إسمو، واقفين عَلى بَحَر مِن قِزاز، و عِندَهُم رَباب الله.

رؤيا 2:11

العِندو أضان، خَليهو يَسمَع البِقولو الرّوح لِلكَنايس. و هو البِغلِب، الموت التّاني ما بِضُرّو.

رؤيا 2:17

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو مِن المَنّا المَدسوس. و بَدّيهو حَجَر أبيَض، مَكتوب عَليهو إسم جَديد، ما في واحِد يَعرِفو إلّا البِقبَلو.

رؤيا 2:26

و ليهو البِغلِب و بِحفَظ أعمالي حَتّى النِّهايَه، أنا بَدّيهو سُلطَه عَلى الأُمَم.

رؤيا 2:7

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو أن ياكُل مِن شَجَرَة الحَياة الفي جَنَّة الله.

رؤيا 3:12

الزّول البِغلِب، أنا بَعمِلو عَمود في هيكَل إلَهي. و هو أبَداً ما بِمرُق مِنّو مَرَّه تانيَه. و بَكتِب عَليهو إسم إلَهي و إسم مَدينَة إلَهي، أُورُشَلِيم الجَديدَه، النّازلَه مِن السَّما مِن إلَهي، و إسمي الجَّديد.

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.

رؤيا 3:5

و كِدا، الزّول البِغلِب، هو بِلبَس هِدوم أبيَض، و أنا أبَداً ما بَشيل إسمو مِن كِتاب الحَياة. لَكِن أنا بَعتَرِف بِإسمو قِدّام أبوي و قِدّام مَلائكَتو.