١ يُوحَنَّا 5:13 - كِتاب العَهد الجَّديد مِن الكِتاب المُقَدَّس

¹³ كَتَبتَ دا ليكُم، إنتو المؤمِنين بِإسم إبن الله، عَلَشان تَعرِفو عِندَكُم حَياة أبَديَّه.

١ يُوحَنَّا 5:13 Iomraidhean Croise

يُوحَنَّا 1:12

و لَكِن القِبلوهو، هو أدّاهُم سُلطَه عَشان يَبقو أولاد الله، يَعني النّاس البِآمِنو بِإسمو.

يُوحَنَّا 2:23

و لَمّا كان في أُورُشَلِيم في عيد الفِصَح، ناس كُتار آمَنو بيهو لَمّا شافو العَلامات العَمَلا.

يُوحَنَّا 20:31

لَكِن دي مَكتوبَه عَشان تَآمِنو إن يَسُوع هو المَسيح إبن الله. و لَمّا تَآمِنو، تَكون ليكُم حَياة بِإسمو.

يُوحَنَّا 21:24

دا هو التِّلميذ البِشهَد بِالحاجات دي، و الكَتَب الحاجات دي. و بِنَعرِف شَهادَتو حَق.

يُوحَنَّا 3:18

الإنسان البِآمِن بيهو، الله ما يَدينو. و الإنسان الما بِآمِنو بيهو، هو مَديون عَليهو مِن قُبّال، عَشان هو ما آمَن بِإسم إبن الله.

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

أعمال الرُّسُل 3:16

و الرّاجِل دا بِقى شَديد بِالإيمان بِإسم يَسُوع. و إنتو بِتشوفو و بِتَعرِفوهو. و الإيمان بِيَسُوع أدّا الرّاجِل دا العافيَه التّامَّه قِدّام كُلُّكُم.

أعمال الرُّسُل 4:12

و ما في خَلاص بِأي واحِد تاني. عَشان في كُل الدُّنيا الله ما أدّا لِلنّاس إسِم تاني البيهو لازِم نَلقى الخَلاص.“

٢ كُورِنْثُوس 5:1

عَشان بِنَعرِف إذا بيت خيمَتنا المِن الأرض يَخسَر، عِندَنا بُنا مِن الله، بيت أبَدي في السَّما، ما مَعمول بِإيد.

غَلَاطِيَّه 4:6

عَلَشان إنتو أولاد، الله رَسَّل روح إبنو لِقُلوبنا، البِكورِك: ”أبّا، يَعني يا أبوي.“

١ بُطْرُس 5:12

كَتَبتَ ليكُم بِكِلمات قَليلَه بِإيد سِلْوَانُس، الحَسبتو أخو أمين. أنا عاوِز أشَجِّعكُم و أشهَد ليكُم إنّو بِالحَق، دي نِعمَة الله. إستَمِرّو فيها.

١ يُوحَنَّا 1:4

و نَكتِب ليكُم دا عَشان فَرَحنا يَكون كامِل.

١ يُوحَنَّا 2:1

يا أولادي، أكتِب ليكُم دا عَشان ما تَعمِلو خَطيَّه. و لَكِن إذا واحِد يَعمِل خَطيَّه، عِندَنا وَسيط مَعَ الأبو، يَسُوع المَسيح البار.

١ يُوحَنَّا 2:21

ما بَكتِب ليكُم عَشان ما بِتَعرِفو الحَق، لَكِن عَشان بِتَعرِفوهو، و عَشان تَعرِفو كُلّو كِضِب ما مِن الحَق.

١ يُوحَنَّا 2:25

دا هو الوَعد الهو وَعَدنا بيهو، الحَياة الأبَديَّه.

١ يُوحَنَّا 2:26

أكتِب دا ليكُم عَن البِغِشّوكُم.

١ يُوحَنَّا 3:23

و دا هو أمرو أن نآمِن بِإسم إبنو يَسُوع المَسيح و نَحِب بَعَضَنا بَعض، زي ما أدّانا أمر.

١ يُوحَنَّا 4:9

بِدا، ظَهَرَت مَحَبَّة الله فينا. الله رَسَّل إبنو الوَحَيد لِلدُّنيا عَشان نَحياى بيهو.

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.

١ يُوحَنَّا 5:11

و دي الشَّهادَه، الله أدّانا حَياة أبَديَّه، و الحَياة دي في إبنو.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.