١ يُوحَنَّا 4:17 - كِتاب العَهد الجَّديد مِن الكِتاب المُقَدَّس

¹⁷ بِدا، المَحَبَّه تَبقى كاملَه فينا، عَشان بِكون عِندَنا تأكيد في يوم الحُكم. عَلَشان زي ما هو، نِحنا كَمان كِدا في الدُّنيا دي.

١ يُوحَنَّا 4:17 Iomraidhean Croise

مَتَّى 10:15

بِالحَق أقول ليكُم، في يوم الحُكم، حالَة سَدوم و عَمورَه بِتكون أحسَن مِن حالَة المَدينَه ديك.

مَتَّى 10:25

كِفايَه لِلتِّلميذ أن يَكون زي مُعَلِّمو، و الخَدّام زي سيدو. إذا كان سَمّو رَب البيت بَعلَزَبول، كيف بِالأكتَر ناس بيتو.

مَتَّى 11:22

و لَكِن أقول ليكُم، في يوم الحُكم، حالَة صُور و صَيدا بِتكون أحسَن مِن الحالَه البِتكون ليكُم.

مَتَّى 11:24

و لَكِن أقول ليكُم، في يوم الحُكم حالَة أرض سَدوم بِتكون أحسَن مِن الحالَه البِتكون ليكي.“

مَتَّى 12:36

أقول ليكُم، في يوم الحُكم، النّاس بِدّو حِساب عَن كُلّو كِلمَه بَطّالَه الهُم إتكَلَّمو بيها.

يُوحَنَّا 15:20

إتزَكَّرو الكَلام القُلتو ليكُم: الخَدّام ما أكبَر مِن سيدو. إذا طَرَدوني، هُم ماشين بِطرُدوكُم. و إذا كانو حَفَظو كَلامي، هُم بِحفَظو كَلامكُم.

يُوحَنَّا 17:22

و أنا أدّيتُم المَجد الأنتَ أدّيتو لَي، عَشان يَكونو واحِد زي ما نِحنا واحِد.

رُومِيَه 8:29

عَشان ديل الإختارُم الله مِن قُبّال، هو عَيَّنُم كَمان عَشان يَبقو زي إبنو، عَلَشان إبنو يَكون الأوَّل بين أخوان كَتيرين.

عِبرانيين 9:27

و مُعَيَّن لِلنّاس أن يَموتو مَرَّه واحدَه. و بَعَد دا يَكون الحُكم.

يَعْقُوب 2:13

عَشان الحُكم بِدون رَحمَه هو عَلى الما يَعمِل رَحمَه. الرَّحمَه تَغلِب عَلى الحُكم.

يَعْقُوب 2:22

إنتَ تَشوف أن الإيمان كان بِشتَغِل مَعَ أعمالو، و الإيمان بِقى كامِل بِأعمالو.

٢ بُطْرُس 2:9

و كِدا الرَّب بِيَعرِف كيف يَخَلِّص البِخافوهو مِن التَجرِبَه، و يَحفَظ الشَّرّيرين لِيوم الدّينونَه عَشان يَعاقِبُم.

٢ بُطْرُس 3:7

و لَكِن السَّماوات و الأرض المَوجودَه هَسَّع، بِالكِلمَه ديك زاتا، مَخزونَه لِلنّار. و بِتكون مَحفوظَه لِيوم الحُكم و خَراب النّاس الما بِخافو الله.

١ يُوحَنَّا 2:28

و هَسَّع، يا أولاد، أسكُنو فيهو، عَشان إذا يَظهَر، يَكون عِندَنا تأكيد، و ما نَخجَل مِنّو لَمّا يَجي.

١ يُوحَنَّا 2:5

لَكِن البِحفَظ كلمَتو، بِالحَق مَحَبَّة الله كَمَلَت فيهو. بِدا بِنَعرِف نِحنا فيهو.

١ يُوحَنَّا 2:6

البقول هو بِسكُن فيهو، لازِم يَمشي زي ما هو مَشى كَمان.

١ يُوحَنَّا 3:1

شوفو نوع المَحَبَّه الأدّانا الأبو لِغايَة ما يَسَمّونا أولاد الله. و نِحنا كِدا. عَلَشان كِدا، الدُّنيا ما بِتَعرِفنا عَشان الدُّنيا ما عِرفَتو.

١ يُوحَنَّا 3:3

و كُلّو واحِد العِندو الرَّجاء دا فيهو، يَنَضِّف نَفسو زي ما هو نَضيف.

١ يُوحَنَّا 3:7

يا أولاد، ما تَخَلّو واحِد يَغِشّكُم. البيَعمِل البِر، هو بار مِثِل ما هو بار.

١ يُوحَنَّا 4:12

ما في واحِد شاف الله أبَداً. إذا نَحِب بَعَضَنا بَعض، الله يَسكُن فينا و مَحَبَّتو تَبقى كاملَه فينا.