١ يُوحَنَّا 4:10 - كِتاب العَهد الجَّديد مِن الكِتاب المُقَدَّس

¹⁰ و دي هي المَحَبَّه: مُش نِحنا الحَبّينا الله، لَكِنّو هو الحَبّانا و رَسَّل إبنو عَشان يَكون ضَبيحَة دَفع عَن خَطايانا.

١ يُوحَنَّا 4:10 Iomraidhean Croise

يُوحَنَّا 13:34

أنا بَدّيكُم أمر جَديد، عَشان تَحِبّو بَعضَكُم بَعض. زي ما أنا حَبّيتكُم، إنتو كَمان تَحِبّو بَعضَكُم بَعض.

يُوحَنَّا 15:16

إنتو ما إختِرتوني، لَكِن أنا إختِرتَكُم و عَيَّنتَكُم عَشان تَمشو و تَجِيبو ثِمار، و ثَمَركُم بِستَمِر. عَشان الأبو بِدّيكُم كُل البِتَطلُبوهو بِإسمي.

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

يُوحَنَّا 6:51

أنا هو العيش الحَي النَزَل مِن السَّما. إذا واحِد أكَل مِن العيش دا، هو بِعِيش لِلأبَد. و العيش الأنا بَدّيهو، هو جِسمي البَدّيهو لِحَياة الدُّنيا.“

عِبرانيين 2:17

و عَلَشان كِدا، هو كان لازِم يَكون زي أخوانو في كُلّو حاجَه، عَلَشان يَكون رَئيس قُسُس رَحيم و أمين في حاجات الله. و عَشان يَدفَع عَن خَطايا النّاس.

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

١ يُوحَنَّا 3:1

شوفو نوع المَحَبَّه الأدّانا الأبو لِغايَة ما يَسَمّونا أولاد الله. و نِحنا كِدا. عَلَشان كِدا، الدُّنيا ما بِتَعرِفنا عَشان الدُّنيا ما عِرفَتو.

١ يُوحَنَّا 4:19

نِحنا بِنحِب، عَشان هو حَبّانا في الأوَّل.

١ يُوحَنَّا 5:11

و دي الشَّهادَه، الله أدّانا حَياة أبَديَّه، و الحَياة دي في إبنو.