١ يُوحَنَّا 3:16 - كِتاب العَهد الجَّديد مِن الكِتاب المُقَدَّس

¹⁶ بِدا، بِنَعرِف المَحَبَّه، أن يَسُوع المَسيح أدّا نَفسو عَشان خاطِرنا. و واجِب عَلينا أن نَدّي نُفوسنا عَشان خاطِر الأخوان.

١ يُوحَنَّا 3:16 Iomraidhean Croise

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

يُوحَنَّا 10:11

أنا هو الرّاعي الصّالِح. و الرّاعي الصّالِح يَدّي حَياتو فِشان الخِرفان.

يُوحَنَّا 10:15

زي ما الأبو بِيَعرِفني، أنا بَعرِف الأبو. و أنا بَدّي حَياتي عَشان الخِرفان.

يُوحَنَّا 13:34

أنا بَدّيكُم أمر جَديد، عَشان تَحِبّو بَعضَكُم بَعض. زي ما أنا حَبّيتكُم، إنتو كَمان تَحِبّو بَعضَكُم بَعض.

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

رُومِيَه 16:4

الخاطَرو بِحَياتُم عَشانّي. و مُش أنا وَحدي بَشكُرُم، لَكِن كُلّو كَنايس الأُمَم كَمان.

رُومِيَه 5:8

و لَكِن الله وَرّا مَحَبَّتو لينا، عَشان لَمّا نِحنا لِسَّع كُنّا خاطيين، المَسيح مات فِشانّا.

٢ كُورِنْثُوس 4:12

عَلَشان كِدا الموت بِشتَغِل فينا، لَكِن الحَياة فيكُم.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أفَسُس 5:25

يا رُجال، حِبّو نِسوانكُم، زي المَسيح كَمان حَبَّ الكَنيسَه و أدّا نَفسو فِشانّا،

فيلِبّي 2:17

و إذا يَكُبّوني زي تَقديم عَلى ضَبيحَة إيمانكُم و خِدمَتو، أنا مَبسوط و أفرَح مَعَ كُلُّكُم.

فيلِبّي 2:30

عَلَشان هو كان قَريب مِن الموت فِشان عَمَل المَسيح، و خاطَر بِحَياتو عَشان يَكَمِّل خِدمَتكُم النّاقصَه لَي.

١ تَسَالُونِيكِي 2:8

كِدا، عَشان مَحَبَّتنا ليكُم، كُنّا رَضيانين نَدّيكُم مُش إنجيل الله بَس، و لَكِن نُفوسنا كَمان، عَشانكُم بِقيتو مَحبوبين لينا.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

١ بُطْرُس 1:18

عَشان تَعرِفو أن الله فَداكُم مِن طَرِيقَة حَياتكُم الما ليها فايدَه الأخَدتوها مِن أبَهاتكُم. و دا ما كان بِحاجات تَخسَر مِثِل الفِضَّه و الدَّهَب،

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ يُوحَنَّا 2:6

البقول هو بِسكُن فيهو، لازِم يَمشي زي ما هو مَشى كَمان.

١ يُوحَنَّا 2:9

البقول هو في النّور و يَكرَه أخوهو، هو لِسَّع في الضُّلُمَّه.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.