١ يُوحَنَّا 3:15 - كِتاب العَهد الجَّديد مِن الكِتاب المُقَدَّس

¹⁵ كُل البِكرَه أخوهو، هو كاتِل. و إنتو بِتَعرِفو كُلّو كاتِل ما عِندو حَياة أبَديَّه فيهو.

١ يُوحَنَّا 3:15 Iomraidhean Croise

مَتَّى 5:28

و لَكِن أنا أقول ليكُم، كُل اليَعاين لِمَرَه بِفِكر بَطّال عَمَل زِنا مَعاها خَلاص في قَلبو.

مَرْقُس 6:19

كِدا، هِيرُودِيَا كانَت زَعلانَه شَديد في قَلبَها مِن يُوحَنَّا، و كانَت عاوزَه تَكتُلو. و لَكِن ما كانَت تَقدَر.

يُوحَنَّا 4:14

لَكِن البِشرَب مِن المويَه الأنا أدِيها ليهو، ما بِيَعطَش تاني أبَداً. عَشان المويَه الأنا بَدّيها ليهو، بَتَبقى فيهو عين مويَه يَطلَع لِلحَياة الأبَديَّه.“

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

أعمال الرُّسُل 23:12

و في الصَّباح، اليَهود عَمَلو تَرتيب بِالسِّر، و حَلَفو بِلَعنَه. و قالو: ”ما ناكُل ولّا نَشرِب حَتّى نَكتُل بُولُس.“

أعمال الرُّسُل 23:14

و هُم مَشو لِلقُسُس الكُبار و الشُّيوخ و قالو: ”حَلَفنا بِلَعنَه ما ناكُل حاجَه حَتّى نَكتُل بُولُس.

يَعْقُوب 1:15

بَعدين الشَّهوَه إذا حِملَت تَجيب خَطيَّه. و الخَطيَّه لَمّا تَكبَر تَجيب الموت.

١ بُطْرُس 1:23

عَشان إتوَلَدتو مَرَّه تانيَه، ما مِن تيراب يَخسَر، لَكِن مِن الما يَخسَر، بِكِلمَة الله الحَيَّه و المُستَمِرَّه.

١ يُوحَنَّا 2:11

و لَكِن البِكرَه أخوهو، هو في الضُّلُمَّه، و بِمشي في الضُّلُمَّه، و ما بِيَعرِف ماشي وين، عَشان الضُّلُمَّه عِمَّت عُيونو.

١ يُوحَنَّا 2:9

البقول هو في النّور و يَكرَه أخوهو، هو لِسَّع في الضُّلُمَّه.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“