١ يُوحَنَّا 3:12 - كِتاب العَهد الجَّديد مِن الكِتاب المُقَدَّس

¹² و ما نَكون مِثِل قايين الكان مِن الشَّرّير و كَتَل أخوهو. و لِشِنو كَتَلو؟ عَشان أعمالو كانَت شَرّيرَه و لَكِن أعمال أخوهو بارَّه.

١ يُوحَنَّا 3:12 Iomraidhean Croise

مَتَّى 13:19

لَمّا أي واحِد يَسمَع كِلمَة المَلَكوت و ما يَفهَما، الشَّرّير يَجي و يَمسِك المَزروع في قَلبو. دا الكان مَزروع عَلى الطَّرِيق.

مَتَّى 13:38

و الزِّراعَه هي الدُّنيا، و التّيراب الكَويس يَعني أولاد المَلَكوت. و القَش هُم أولاد الشَّرّير.

مَتَّى 23:35

و كِدا، كُلّو دَم البارين الجَّرى عَلى الأرض بِجي عَليكُم، مِن دَم هابيل البار لِدَم زَكَرِيَّا إبن بَرَخِيّا الإنتو كَتَلتوهو بين المَحَل القُدّوس و مَحَل الضَّبيحَه.

مَتَّى 27:23

و هو قال: ”لِشِنو؟ خَطِيَّتو شِنو؟“ لَكِن كورَكو أكتَر و قالو: ”أصلُبوهو.“

مَتَّى 5:37

خَلّي كَلامكُم بِكون أيوَه ولّا لا بَس. و الأكتَر مِن داك، هو مِن الشَّرّير.

لُوقَا 11:51

دا بِكون مِن دَم هابيل لِغايَة دَم زَكَرِيَّا الكان مَكتول بين مَحَل الضَّبيحَه و مَحَل المُقَدَّس. أيوَه، أقول ليكُم ناس الزَّمَن بِكونو مَسؤلين.

يُوحَنَّا 10:32

يَسُوع رَدَّ عَليهُم و قال: ”أنا وَرّيتكُم أعمال طَيبَه كَتيرَه مِن الأبو. عَشان ياتو مِن الأعمال ديل تَضرُبوني بِالحُجار؟“

يُوحَنَّا 8:40

لَكِن إنتو هَسَّع دايرين تَكتُلوني، و أنا هو القال ليكُم الحَق السِّمِعتو مِن الله. و إِبْرَاهِيم ما عَمَل حاجَه زي دي.

يُوحَنَّا 8:41

إنتو تَعمِلو أعمال أبوكُم.“ قالو ليهو: ”نِحنا ما كُنّا مَولودين مِن زِنا. عِندَنا أبو واحِد، و هو الله.“

أعمال الرُّسُل 7:52

ياتو نَبي مِن الأنبياء، أبَهاتكُم ما طَرَدوهو؟ و هُم كَتَلو النّاس الإتنَبّو مِن قُبّال بِالبار الجّاي. و هَسَّع إنتو نَكَرتوهو و كَتَلتوهو.

١ تَسَالُونِيكِي 2:14

عَلَشان إنتو، يا أخوان، بِقيتو زي كَنايس الله الفي اليَهُودِيَّه الفي المَسيح يَسُوع. عَشان إتحَمَّلتو نَفس الحاجات مِن ناس بَلَدكُم زي ما هُم إتحَمَّلو مِن اليَهود.

عِبرانيين 11:4

بِالإيمان هابيل قَدَّم لِلَّه ضَبيحَه أحسَن مِن قايين. بِالإيمان كان مَشهود ليهو إنَّهو راجِل بار، عَشان الله شِهِد لِتَقدِمَتو. و بيهو كَمان هو لِسَّع يتكَلَّم و لَو هو مات.

عِبرانيين 12:24

و لِيَسُوع وَسيط الإتِّفاق الجَّديد، و لِرَش الدَّم اليتكَلَّم حاجَه أحسَن مِن دَم هابيل.

١ بُطْرُس 4:4

هُم يِستَغرَبو أنَّكُم ما بِتَجرو مَعاهُم لِزيادَة السَّفاهَه زاتا. و يَشتِموكُم.

١ يُوحَنَّا 3:8

البيَعمِل الخَطيَّه، هو مِن إبْلِيس، عَشان إبْلِيس مِن البِدايَه كان يَخطى. إبن الله ظَهَر لِلسَّبَب دا، عَشان يَخرَب أعمال إبْلِيس.

يَهُوذَا 1:11

يا مُصِيبَتُم! عَلَشانُم مَشو في سِكَّة قايين، و سَلَّمو نُفوسُم لِغَلطَة بَلعام لِلرِّبِح. و هُم ماتو في فِتنَة قُورَح.

رؤيا 17:6

و شُفتَ المَرَه كانَت سَكرانَه مِن دَم القِدِّسين و مِن دَم شاهِدين يَسُوع. و لَمّا شُفتَها، كُنتَ مُستَغرَب جِدّاً.