١ يُوحَنَّا 3:10 - كِتاب العَهد الجَّديد مِن الكِتاب المُقَدَّس

¹⁰ بِدا، أولاد الله مَعروفين و أولاد إبْلِيس مَعروفين. كُل الما بيَعمِل البِر ما مِن الله، و كِدا الما بِحِب أخوهو كَمان.

١ يُوحَنَّا 3:10 Iomraidhean Croise

مَتَّى 13:38

و الزِّراعَه هي الدُّنيا، و التّيراب الكَويس يَعني أولاد المَلَكوت. و القَش هُم أولاد الشَّرّير.

لُوقَا 6:35

لَكِن حِبّو عُدوانكُم، و أعمِلو الخير ليهُم و أدّو سُلفَه، و ما تَنتَظِرو حاجَه. و أُجرَتكُم تَكون كَبيرَه، و إنتو تَكونو أولاد الله العالي. عَشان هو عِندو نِعمَه لِلما يَشكُروهو و الشَّرّيرين.

يُوحَنَّا 1:12

و لَكِن القِبلوهو، هو أدّاهُم سُلطَه عَشان يَبقو أولاد الله، يَعني النّاس البِآمِنو بِإسمو.

يُوحَنَّا 11:52

و ما عَشان الأُمَّه بَس، لَكِن عَشان يَجمَع أولاد الله المَفَرّقين لِواحِد.

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

يُوحَنَّا 8:47

هو المِن الله يَسمَع كَلام الله. عَشان كِدا، إنتو ما بِتَسمَعو، عَشان إنتو ما مِن الله.“

أعمال الرُّسُل 13:10

”يا مَليان كُلّو غِش و كُلّو كِضِب! يا وَلَد إبْلِيس، يا عَدو كُلّو بِر! ما تَوَقِّف أبَداً تَغَيِّر طُرُق الله العَديلَه؟

رُومِيَه 13:8

ما تَكونو مَديونين لِواحِد بِحاجَه إلّا يَحِب بَعضَكُم بَعض. عَشان البِحِب قَرِيبو، هو كَمَّل القانون.

أفَسُس 5:1

أعمِلو زي ما الله بيَعمِل، زي أولاد مَحبوبين.

كُولُوسِّي 3:14

و فوق دا كُلّو، لَبِّسو المَحَبَّه، الهي رُباط الكَمال.

١ تِيمُوثَاوُس 1:5

و نِهايَة الأمر مَحَبَّه مِن قَلِب نَضيف و ضَمير كوَيس و إيمان مُخلِص.

١ يُوحَنَّا 2:29

إذا كان بِتَعرِفو هو بار، بِتَعرِفو كُلّو واحِد البِعمِل البِر مَولود مِنّو.

١ يُوحَنَّا 3:1

شوفو نوع المَحَبَّه الأدّانا الأبو لِغايَة ما يَسَمّونا أولاد الله. و نِحنا كِدا. عَلَشان كِدا، الدُّنيا ما بِتَعرِفنا عَشان الدُّنيا ما عِرفَتو.

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

١ يُوحَنَّا 4:21

و عِندَنا الأمر دا مِنّو أن البِحِب الله يَحِب أخوهو كَمان.

١ يُوحَنَّا 4:6

نِحنا مِن الله. و البِعرِف الله يَسمَع لينا، و الما مِن الله ما بِسمَع لينا. بِدا بِنَعرِف روح الحَق و روح الكِضِب.

١ يُوحَنَّا 4:8

و الما بِحِب، ما بِعرِف الله، عَشان الله مَحَبَّه.

١ يُوحَنَّا 5:19

بِنَعرِف نِحنا مِن الله، و الدُّنيا كُلَّها تِحِت سُلطَة الشَّرّير.

١ يُوحَنَّا 5:2

بِدا بِنَعرِف نِحنا بِنحِب أولاد الله، إذا بِنحِب الله و بِنَحفَظ أوامِرو.

٣ يُوحَنَّا 1:11

يا حَبيبي، ما تَتبَع الشَّر، لَكِن الخير. البِعمِل الخير هو مِن الله، و البِعمِل الشَّر هو ما شاف الله.