١ يُوحَنَّا 2:24 - كِتاب العَهد الجَّديد مِن الكِتاب المُقَدَّس

²⁴ خَلّو السِّمِعتوهو مِن البِدايَه يِستَمِر يَعيش فيكُم. إذا كان السِّمِعتوهو مِن البِدايَه يَسكُن فيكُم، إنتو كَمان بِتَسكُنو في الإبن و في الأبو.

١ يُوحَنَّا 2:24 Iomraidhean Croise

لُوقَا 1:2

و النّاس الشّافوها بِعُيونُم مِن الأوَّل و كانو خَدّامين الكِلمَه سَلَّموها لينا.

لُوقَا 9:44

”خَلّو الكَلام دا يَكون في إضنينكُم! عَشان إبن الإنسان يِتسَلَّم لِإيدين النّاس.“

يُوحَنَّا 14:23

يَسُوع رَدَّ عَليهو: ”إذا واحِد بِحِبّني، هو بِحفَظ كَلامي. و أبوي بِحِبّو. و نِحنا بِنَجي ليهو و نَعمِل بيتنا مَعاهو.

يُوحَنَّا 15:7

إذا تَسكُن فِيني و كَلامي يَسكُن فيكُم، إنتو بِتَطلُبو الدّايِرينو، و يَكون ليكُم.

يُوحَنَّا 6:56

الياكُل جِسمي و يَشرَب دَمّي يَسكُن فِيني، و أنا فيهو.

يُوحَنَّا 8:25

قالو ليهو: ”إنتَ مِنو؟“ و يَسُوع قال ليهُم: ”أنا هو الكَلَّمتَكُم بيهو مِن الأوَّل.

فيلِبّي 4:15

و إنتو، يا ناس فيلِبّي، عارفين في بِدايَة الإنجيل، لَمّا مَرَقتَ مِن مَكِدونيَّه، ما في كَنيسَه واحدَه شارَكَت مَعاي تَدّيني و تاخُد مِنّي، إلّا إنتو بَس.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

عِبرانيين 2:1

عَلَشان كِدا، لازِم نَخَلّي بالنا أكتَر لِلحاجات السِّمِعناها، عَشان ما نَخَلّيها تَمرُق مِنَّنا.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

١ يُوحَنَّا 1:3

و نَخَبِّركُم بِالشُّفناهو و سِمِعناهو، عَلَشان تَكون ليكُم كَمان شَرِكَه مَعانا. و شَرِكَتنا هي مَعَ الأبو و مَعَ إبنو يَسُوع المَسيح.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

١ يُوحَنَّا 2:7

يا مَحبوبين، ما بَكتِب ليكُم أمر جَديد، لَكِن أمر قَديم كان عِندَكُم مِن البِدايَه. الأمر القَديم، هو الكِلمَه السِّمِعتوها.

١ يُوحَنَّا 3:24

و كُل البِحفَظو أوامِرو يَسكُنو فيهو و هو فيهُم. و بِدا بِنَعرِف هو يَسكُن فينا، بِالرّوح الأدّاهو لينا.

١ يُوحَنَّا 4:13

بِدا بِنَعرِف نِحنا نَعيش فيهو و هو فينا، عَشان هو أدّانا مِن روحو.

١ يُوحَنَّا 4:15

البِعتَرِف بِيَسُوع هو إبن الله، الله بِسكُن فيهو و هو في الله.

١ يُوحَنَّا 4:16

و نِحنا عِرِفنا و صَدَّقنا مَحَبَّة الله الهو عِندو لينا. الله مَحَبَّه، و البِسكُن في المَحَبَّه بِسكُن في الله و الله فيهو.

٢ يُوحَنَّا 1:2

عَشان خاطِر الحَق البِسكُن فينا و بِكون مَعانا لِلأبَد.

٢ يُوحَنَّا 1:9

و الما بِستَمِر في تَعليم المَسيح و يَجري قِدّامو، ما عِندو الله. و البِستَمِر في تَعليم المَسيح، هو عِندو الأبو و الإبن، هُم الإتنين.

٣ يُوحَنَّا 1:3

فِرِحتَ جِدّاً لَمّا بَعض مِن الأخوان جو و شِهِدو لِلحَق الفيك، و كيف إنتَ تَمشي بِالحَق.

رؤيا 3:11

أنا جاي قَوام، أمسِك بِالحاجَه العِندَك، عَشان واحِد ما بِشيل تاجَك.

رؤيا 3:3

عَلَشان كِدا، إتزَكَّر كيف إنتَ قِبِلتَ و سِمِعتَ، و أحفَظ و توب. و إذا ما تحرِس، بَجي ليك زي الحَرامي، و إنتَ ما بِتَعرِف ساعَه كَم أنا بَجيك.