١ يُوحَنَّا 2:19 - كِتاب العَهد الجَّديد مِن الكِتاب المُقَدَّس

¹⁹ هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا.

١ يُوحَنَّا 2:19 Iomraidhean Croise

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

مَرْقُس 13:22

عَشان مُسَحَه كَضّابين و أنبياء كَضّابين بِقومو، و بيَعمِلو عَلامات و عَجايِب حَتّى يَغِشّو المُختارين (إذا مُمكِن).

لُوقَا 8:13

و ديلاك العَلى الحَجَر، هُم البَعَد ما سِمِعو، يَقبَلو الكِلمَه بِفَرَح. و ديل ما عِندَهُم عُروق، اليأَمِنو لِمُدَّه، و وَكِت التَجرِبَه، يَرجَعو.

يُوحَنَّا 15:2

كُلّو فَرَع فِيني الما بِجيب ثِمار، هو بِقطَعو، و الفَرَع البِجيب ثِمار، هو بِنَضِّفو عَشان بِجيب ثِمار أكتَر.

يُوحَنَّا 4:14

لَكِن البِشرَب مِن المويَه الأنا أدِيها ليهو، ما بِيَعطَش تاني أبَداً. عَشان المويَه الأنا بَدّيها ليهو، بَتَبقى فيهو عين مويَه يَطلَع لِلحَياة الأبَديَّه.“

أعمال الرُّسُل 15:24

سِمِعنا بَعض النّاس مَرَقو مِنَّنا و حَرَّكوكُم و حَيَّرو نُفوسكُم بِكلماتُم. و نِحنا ما أمَرناهُم يَسَوّو كِدا.

أعمال الرُّسُل 20:30

و مِنَّكُم نُفوسكُم، بِقومو رُجال يِتكَلَّمو بِحاجات مَعَوَّجَه، عَشان يَجُرّو التَّلاميذ وَراهُم.

رُومِيَه 9:6

أنا ما بَقول الله ما عَمَل زي ما هو قال. عَلَشان مُش كُلُّهُم المِن إِسْرَائِيل هُم ناس إِسْرَائِيل بِالحَق.

١ كُورِنْثُوس 11:19

عَشان لازِم يَكون في بينكُم إنقِسامات حَتّى ديل الحَق مَعاهُم، بِكونو بيّنين بينكُم.

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

٢ تِيمُوثَاوُس 2:19

و لَكِن أساس الله الثّابِت يَقوم، و فوقو الخِتِم دا: ”الرَّب بِيَعرِف النّاس بِتاعو،“ و: ”كُلّو واحِد البِعتَرِف بِإسم الرَّب لازِم يَكون بَعيد مِن الخَطيَّه.“

٢ تِيمُوثَاوُس 3:9

لَكِن هُم ما بِتقَدَّمو بَعَد دا، عَلَشان بَلادَتُم تَكون بَايِنَه لِكُل النّاس، زي ما بَلادَة ديلاك كانَت بَايِنَه كَمان.

عِبرانيين 10:39

و لَكِن نِحنا ما مِن النّاس اليَرجَعو لِوَرا لِلخَراب، لَكِن نِحنا مِن النّاس البِآمِنو لِخَلاص النَّفس.

٢ يُوحَنَّا 1:7

عَشان ناس كُتار البِغِشّو مَرَقو لِلدُّنيا. و هُم ما بِعتَرِفو بِيَسُوع المَسيح إنّو جا في الجِّسِم. دا هو البِغِش و هو ضِد المَسيح.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.

يَهُوذَا 1:19

ديل، هُم البِسَوو أقسام بينكُم، و أفكارُم في حاجات الدُّنيا، و ما عِندَهُم الرّوح.