١ يُوحَنَّا 2:15 - كِتاب العَهد الجَّديد مِن الكِتاب المُقَدَّس

¹⁵ ما تَحِبّو الدُّنيا ولّا الحاجات الفي الدُّنيا. إذا واحِد بِحِب الدُّنيا، مَحَبَّة الأبو ما فيهو.

١ يُوحَنَّا 2:15 Iomraidhean Croise

مَتَّى 4:8

مَرَّه تانيَه إبْلِيس اَخَدو لِجَبَل عالي جِدّاً و وَرّاهو مَمالِك الدُّنيا كُلَّها و المَجد بِتاعتا.

مَتَّى 6:24

واحِد ما يَقدَر يَخدِم سَيِّدين، عَشان يا بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.

لُوقَا 16:13

ما في خَدّام يَقدَر يَخدِم سَيِّدين، عَشان بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.“

يُوحَنَّا 15:19

إذا كُنتو مِن الدُّنيا، ناس الدُّنيا كانو بِحِبّوكُم. و إنتو مُش مِن الدُّنيا، لَكِن أنا إختِرتَكُم مِن الدُّنيا. عَلَشان كِدا، ناس الدُّنيا بِكرَهوكُم.

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

أفَسُس 2:2

و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

١ تِيمُوثَاوُس 6:10

عَشان مَحَبَّة القُروش عِرق كُل الحاجات البَطّالَه. و بَعض مِن النّاس الطَّلَبوهو، ضَلّو عَن الإيمان و طَعنو نُفوسُم بِوَجَع كَتير.

يَعْقُوب 1:27

الدّين النَّضيف و البِدون عيب قِدّام الله الأبو، هو زيارَة اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.

يَعْقُوب 4:4

يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

١ يُوحَنَّا 3:17

و لَكِن العِندو بُضاعَة الدُّنيا و يَشوف أخوهو مُحتاج و يَقفِل قَلبو مِنّو، كيف تَكون مَحَبَّة الله فيهو؟

١ يُوحَنَّا 4:5

هُم مِن دُنيا. و عَلَشان كِدا، هُم يِتكَلَّمو عَن حاجات الدُّنيا، و الدُّنيا تَسمَع ليهُم.

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.