١ يُوحَنَّا 1:8 - كِتاب العَهد الجَّديد مِن الكِتاب المُقَدَّس

⁸ إذا نَقول: ”ما عِندَنا خَطيَّه،“ نَغِش نُفوسنا، و الحَق ما فينا.

١ يُوحَنَّا 1:8 Iomraidhean Croise

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

رُومِيَه 3:10

زي ما هو مَكتوب: ”ما في إنسان بار و لا واحِد.

رُومِيَه 3:23

عَشان كُل النّاس عَمَلو خَطيَّه و إحتاجو لِمَجد الله.

١ كُورِنْثُوس 3:18

ما تَخَلّي واحِد يَغِش نَفسو. إذا أي واحِد فيكُم يَفتَكِر هو عِندو حِكمَه في الزَّمَن دا، خَليهو يَبقى بَليد، عَشان يَكون عِندو حِكمَه.

غَلَاطِيَّه 6:3

و إذا واحِد يَفتَكِر نَفسو حاجَه، و هو ما حاجَه، هو بِغِش نَفسو.

١ تِيمُوثَاوُس 6:5

و يَجيب الشَّكلات المُستَمِرَّه بين رُجال عَقلُم خَربان، الاَخَدو مِنَّهُم الحَق. و هُم يَفتَكِرو خوف الله طَريق عَشان يَبقى غَني.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

يَعْقُوب 1:22

و لَكِن كونو عامِلين بِالكِلمَه، ما سامعين ليها بَس، و كِدا تَغِشّو نُفوسكُم.

يَعْقُوب 1:26

إذا واحِد يَفتَكِر نَفسو ديني، و هو ما عِندو سُلطَه عَلى لِسانو، هو يَغِش نَفسو. دين الزّول دا بِدون فايدَه.

يَعْقُوب 3:2

عَشان كُلُّنا نَقَع في حاجات كَتيرَه. و إذا كان واحِد ما ليهو غَلطَه في الكَلام، هو راجِل كامِل، و يَقدَر يَغلِب عَلى كُل الجِّسِم كَمان.

٢ بُطْرُس 2:13

و بِدفَعو ليهُم تَعب زي أُجرَة التَّعب الهُم عَمَلوهو. هُم يَحسِبوهو سُرور أن يَعِيشو حَياة ناعِمَه بِالنَّهار. و هُم نُقَط وَسخانَه و عُيوب، و عِندَهُم فَرَح شَديد في غِشُّم لَمّا ياكُلو في العَزومَه مَعاكُم.

١ يُوحَنَّا 1:10

و إذا نَقول: ”ما عَمَلنا خَطيَّه،“ نَعمِلو كَضّاب، و كلمَتو ما فينا.

١ يُوحَنَّا 1:6

إذا نَقول: ”عِندَنا شَرِكَه مَعاهو،“ و نَمشي في الضُّلُمَّه، نَكَضِّب، و ما بِنَعمِل الحَق.

١ يُوحَنَّا 2:4

البقول: ”أنا بَعَرفو،“ و هو ما بِحفَظ أوامِرو، هو كَضّاب، و الحَق ما فيهو.

١ يُوحَنَّا 4:20

إذا واحِد يَقول: ”أنا بَحِب الله،“ و بِكرَه أخوهو، هو كَضّاب. عَلَشان الما بِحِب أخوهو الشّافو، ما بِقدَر يَحِب الله الهو ما شافو.

٢ يُوحَنَّا 1:2

عَشان خاطِر الحَق البِسكُن فينا و بِكون مَعانا لِلأبَد.

٣ يُوحَنَّا 1:3

فِرِحتَ جِدّاً لَمّا بَعض مِن الأخوان جو و شِهِدو لِلحَق الفيك، و كيف إنتَ تَمشي بِالحَق.