١ يُوحَنَّا 1:6 - كِتاب العَهد الجَّديد مِن الكِتاب المُقَدَّس

⁶ إذا نَقول: ”عِندَنا شَرِكَه مَعاهو،“ و نَمشي في الضُّلُمَّه، نَكَضِّب، و ما بِنَعمِل الحَق.

١ يُوحَنَّا 1:6 Iomraidhean Croise

مَتَّى 7:22

في اليوم داك، ناس كَتيرين بِقولو لَي: يا رَب، يا رَب، ما بَشَّرنا بِإسمَك؟ و ما طَلَّعنا شياطين بِإسمَك؟ و ما عَمَلنا أعمال كَتيرَه بِقُدرَه بِإسمَك؟

يُوحَنَّا 11:10

لَكِن إذا يَمشي في اللّيل، هو بِقَع، عَشان النّور ما في.“

يُوحَنَّا 12:35

و يَسُوع قال ليهُم: ”لِسَّع النّور مَعاكُم لِمُدَّه قِصَيرَه. أمشو ما دام ليكُم نور، قُبّال ما الضُّلُمَّه تَجي عَليكُم. و البِمشي في الضُّلُمَّه ما بِيَعرِف هو ماشي وين.

يُوحَنَّا 12:46

أنا جيت عَشان أكون نور لِلدُّنيا، عَشان كُل البِآمِن بي ما بِستَنّى في الضُّلُمَّه.

يُوحَنَّا 8:12

مَرَّه تانيَه، يَسُوع إتكَلَّم مَعاهُم و قال: ”أنا هو نور الدُّنيا. البِتبَعني ما يَمشي في الضُّلُمَّه أبَداً، لَكِن يَكون ليهو نور الحَياة.“

يُوحَنَّا 8:55

و إنتو ما بِتَعرِفوهو، لَكِن أنا بَعرِفو. و إذا كان قُلتَ ما بَعرِفو، أكون كَضّاب زيَكُم. لَكِنّي أعرِفو و أحفَظ كلمَتو.

١ تِيمُوثَاوُس 4:2

تَعليم زي دا بِجي مِن ناس كَضّابين البِغِشّو، و ضَمايرُم مَحروقين زي بِمَكوَه سُخنَه.

يَعْقُوب 2:14

شِنو الفايدَه، يا أخواني، إذا واحِد يَقول إنّو عِندو إيمان و لَكِن ما عِندو أعمال؟ الإيمان داك يَقدَر يَخَلِّصو؟

يَعْقُوب 2:16

و واحِد مِنَّكُم يَقول ليهُم: ”أمشو بِالسَّلام، إدَّفّو و أشبَعو.“ لَكِن هو ما بِدّيهُم البِحتاجو ليهُم لِلجِّسِم، الفايدَه شِنو؟

يَعْقُوب 2:18

لَكِن واحِد بِقول: ”إنتَ عِندَك إيمان و أنا عِندي أعمال. وَرّيني إيمانَك بِدون أعمال، و أنا بَوَرّيك إيماني بِأعمالي.“

١ يُوحَنَّا 1:10

و إذا نَقول: ”ما عَمَلنا خَطيَّه،“ نَعمِلو كَضّاب، و كلمَتو ما فينا.

١ يُوحَنَّا 1:3

و نَخَبِّركُم بِالشُّفناهو و سِمِعناهو، عَلَشان تَكون ليكُم كَمان شَرِكَه مَعانا. و شَرِكَتنا هي مَعَ الأبو و مَعَ إبنو يَسُوع المَسيح.

١ يُوحَنَّا 1:8

إذا نَقول: ”ما عِندَنا خَطيَّه،“ نَغِش نُفوسنا، و الحَق ما فينا.

١ يُوحَنَّا 2:4

البقول: ”أنا بَعَرفو،“ و هو ما بِحفَظ أوامِرو، هو كَضّاب، و الحَق ما فيهو.

١ يُوحَنَّا 4:20

إذا واحِد يَقول: ”أنا بَحِب الله،“ و بِكرَه أخوهو، هو كَضّاب. عَلَشان الما بِحِب أخوهو الشّافو، ما بِقدَر يَحِب الله الهو ما شافو.