١ كُورِنْثُوس 9:5 - كِتاب العَهد الجَّديد مِن الكِتاب المُقَدَّس

⁵ ما عِندَنا سُلطَه أن ناخُد مَعانا مَرَه مِآمِنَه؟ زي باقي الرُّسُل و أخوان الرَّب و بُطْرُس؟

١ كُورِنْثُوس 9:5 Iomraidhean Croise

مَتَّى 13:55

دا ما إبن النَّجّار؟ و ما إسِم أُمّو مَرْيَم؟ و ما أخوانو يَعْقُوب، و يُوسِف و سِمْعَان و يَهُوذَا؟

مَتَّى 8:14

و لَمّا يَسُوع جا لِبيت بُطْرُس، شاف أُم المَرَه بِتاعَت بُطْرُس راقدَه في السَّرير و عِندَها حُمَّه.

مَرْقُس 1:30

و كانَت أُم مَرَة سِمْعَان راقدَه، عَيّانَه بِحُمَّه. و طَوّالي كَلَّموهو عَنّا.

مَرْقُس 6:3

دا ما هو النَّجّار؟ وَلَد مَرْيَم، و أخو يَعْقُوب، و يُوسِي، و يَهُوذَا، و سِمْعَان؟ و أخواتو ما هِنا مَعانا؟“ و بِقو زَعلانين مِنّو.

لُوقَا 6:15

و مَتَّى، و تُومَا، و يَعْقُوب إبن حَلْفَى، و سِمْعَان البِسَمّوهو الغَيُور،

لُوقَا 8:20

و قالو ليهو: ”أُمَّك و أخوانَك واقفين بَرَّه دايرين يَشوفوك.“

يُوحَنَّا 1:42

و جابو لِيَسُوع. و يَسُوع عايَن ليهو و قال: ”إنتَ سِمْعَان وَلَد يُوحَنَّا. إنتَ إسمَك صَفا،“ يَعني بُطْرُس.

يُوحَنَّا 2:12

و بَعَد كِدا، نَزَل لِكَفْرَنَاحُوم، هو، و أُمّو، و أخوانو، و تَلاميذو. و قَعَدو هِناك أيام قَليلَه.

أعمال الرُّسُل 1:14

و ديل كُلُّهُم كانو بِستَمِرّو في الصَّلاه بِفِكر واحِد مَعَ النِّسوان و مَرْيَم أُم يَسُوع و مَعَ أخوانو.

رُومِيَه 16:1

بَحمَد ليكُم فيبي، أُخُتنا، خَدّامَة الكَنيسَه الفي كَنْخِرِيَا،

١ كُورِنْثُوس 1:12

يَعني كُلّو واحِد مِنَّكُم يَقول: ”أنا لِبُولُس،“ ولّا: ”أنا لِأَبُلُّوس،“ ولّا: ”أنا لِبُطْرُس،“ ولّا: ”أنا لِلمَسيح.“

١ كُورِنْثُوس 7:15

و لَكِن إذا الما مؤمِن مَشى، خَليهو يَمشي. الأخو ولّا الأُخُت ما مَربوط في حاجَه زي دي. عَشان الله نادانا لِلسَّلام.

١ كُورِنْثُوس 7:39

المَرَه مَربوطَه بِالقانون ما دام راجِلا حَي. و لَكِن إذا راجِلا مات، هي حُرَّه عَشان تِتزَوَّج بِواحِد زي ما هي دايِرَه، لَكِن في الرَّب بَس.

١ كُورِنْثُوس 7:7

أنا داير كُل النّاس يَكونو زي ما أنا. لَكِن كُلّو واحِد عِندو هَديتو المَخصوص مِن الله. الواحِد كِدا و التّاني كِدا.

١ كُورِنْثُوس 7:8

و لَكِن أقول لِلما مِتزَوِّجين و الأرامِل، كوَيس ليهُم إذا يِستَمِرّو يَعِيشو زي ما أنا كَمان.

غَلَاطِيَّه 1:19

و ما شُفتَ أي واحِد مِن الرُّسُل إلّا يَعْقُوب، أخو الرَّب.

١ تِيمُوثَاوُس 3:2

و المُلاحِظ لازِم يَكون بِدون عيب، راجِل عِندو مَرَه واحدَه، ماسِك نَفسو، عاقِل، مُحتِرَم، بِفتَح بيتو لِلغَريبين، بِقدَر يَعَلِّم.

١ تِيمُوثَاوُس 4:3

هُم يَمنَعو النّاس مِن العِرِس. و يأمُروم ما ياكلو بَعَض الأكِل. لَكِن الله خَلَقو عَشان المؤمِنين و اليَعرِفو الحَق يَقبَلوهو بِالشُّكر.

١ تِيمُوثَاوُس 5:2

النِّسوان الكُبار في السِّن زي أُمَّهات و الأصغَر زي أخوات، بِكُلّو قَلِب نَضيف.

تِيطُس 1:6

الشّيخ لازِم يَكون بِدون لوم، راجِل عِندو مَرَه واحدَه، و أولادو مؤمِنين و ما يَشتَكو مِنَّهُم بيَعمِلو الدَوشَه ولّا ما بِطيعُو.

عِبرانيين 13:4

خَلّي الزَّواج يَكون مُحتِرَم بِكُل النّاس. و الرّاجِل و المَرَه لازِم يَكونو أُمَنا. عَلَشان الله بِيَحكُم عَلى النّاس البيَعمِلو الزِّنا و الفُجّار.