١ كُورِنْثُوس 9:26 - كِتاب العَهد الجَّديد مِن الكِتاب المُقَدَّس

²⁶ عَشان كِدا، أنا ما بَجري زي واحِد البِجري بِدون تأكيد، و ما بَضرُب زي البِضرُب الهَوا.

١ كُورِنْثُوس 9:26 Iomraidhean Croise

مَتَّى 11:12

و مِن أيام يُوحَنَّا المَعمَدان لِغايَة هَسَّع، مَلَكوت السَّما بِتقَدَّم بِقُوَّه. و النّاس الشُّداد يَمسِكوهو بِقُوَّه.

لُوقَا 13:24

و قال ليهُم: ”إشتَغِلو شَديد، عَشان تَدخُلو مِن الباب الضَّيِّق. عَشان أقول ليكُم، ناس كُتار دايرين يدخُلو، و لَكِن ما يَقدَرو.

١ كُورِنْثُوس 14:9

و كِدا إنتو كَمان، إذا ما تِتكَلَّمو بِّاللُغَه كَلام مَفهوم، كيف واحِد يَعرِف البِتقولوها؟ إنتو بِتِتكَلَّمو في الهَوا.

٢ كُورِنْثُوس 5:1

عَشان بِنَعرِف إذا بيت خيمَتنا المِن الأرض يَخسَر، عِندَنا بُنا مِن الله، بيت أبَدي في السَّما، ما مَعمول بِإيد.

٢ كُورِنْثُوس 5:8

عَلَشان كِدا عِندَنا شَجاعَه كُلّو وَكِت، و نَفتَكِر أحسَن نَسيب بيتنا في الجِّسم و نَمشي نَكون مَعَ الرَّب في بيتو.

غَلَاطِيَّه 2:2

مَشيت عَلَشان الله وَرّاني بِرؤيا. و عَلَّمتَهُم الإنجيل البَبَشِّر بيهو بين الأُمَم. لَكِن عَمَلتَ دا بَراي قِدّام المُحتَرمين، مِن خوف يِمكِن أنا بَجري، ولّا كُنتَ جَريت بِدون فايدَه.

أفَسُس 6:12

عَشان ما نَحارِب دَم و لَحَم، لَكِن الحُكّام و السَّلاطين و رؤساء ضَلام الدُّنيا دي، و جُيوش روحيَّه بِتاعَت الشَّر في مَحَلّات عاليَه.

فيلِبّي 1:21

عَشان الحَياة لَي هي المَسيح، و الموت هو رِبِح.

كُولُوسِّي 1:29

و أنا أتعَب لِدا كَمان، و بَشتَغِل شَديد حَسَب قُدرَتو التَّشتَغِل فِيني بِقُوَّه.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ تِيمُوثَاوُس 2:5

و كِدا كَمان، أي واحِد اليَجري في سَبَق، ما ياخُد التّاج إذا ما يَجري حَسَب القانون.

٢ تِيمُوثَاوُس 4:7

أنا حارَبتَ الحَرب الكَويس، و تَميت سَبَقي، و حَفَظتو الإيمان.

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

عِبرانيين 4:1

الله ساب لينا وَعد عَشان نَدخُل في راحَتو. عَلَشان كِدا، خَلّونا نَخاف عَشان ما نَلقى أي واحِد مِنَّكُم الما قِدِر يَدخُل.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

٢ بُطْرُس 1:10

و عَلَشان كِدا، يا أخوان، جَرِّبو زِيادَه أن تَثَبِّتو إختياركُم و إنتِخابكُم المِن الله. عَشان إذا بِتَعمِلو الحاجات دي، إنتو ما تَقَعو أبَداً.