١ كُورِنْثُوس 9:21 - كِتاب العَهد الجَّديد مِن الكِتاب المُقَدَّس

²¹ و لِلنّاس البِدون قانون بِقيت زي ما أنا بِدون قانون. لَكِن أنا مُش بِدون قانون لِلَّه، لَكِن أنا تِحِت قانون لِلمَسيح عَشان أربَح ديل البِدون قانون.

١ كُورِنْثُوس 9:21 Iomraidhean Croise

أعمال الرُّسُل 15:28

و كان كوَيس لِلرّوح القُدُس و لينا، أن ما نَخُت عَليكُم حِمِل فوق الحاجات الجّايَه دي:

أعمال الرُّسُل 16:4

و هُم كانو بِسافِرو مِن بَلَد لِبَلَد. و كانو بِسَلِّموهُم الأوامِر الجَهَّزوها الرُّسُل و الشُّيوخ الفي أُورُشَلِيم عَشان يَحفَظوها.

أعمال الرُّسُل 21:25

و بِخُصوص الآمَنو بين الأُمَم، كَتَبنا ليهُم و حَكَمنا هُم لازِم يَرفُضو الضَّبَحوها لِلأصنام، و الدَّم، و اللَّحَم مِن بَهايِم مَخنوق، و الزِّنا.“

رُومِيَه 2:12

عَشان كُل البيَعمِلو خَطيَّه بِدون القانون، بِدون القانون بِموتو. و كُل البيَعمِلو خَطيَّه بِالقانون، بِالقانون بِحكُموهُم.

رُومِيَه 2:14

لَمّا الأُمَم الما عِندَهُم قانون يَعمِلو بِالطَّبيعَه الواجِب في القانون، هُم قانون لِنُفوسُم، و لَو ما عِندَهُم قانون.

رُومِيَه 7:22

عَشان بَكون مَبسوط بِقانون الله في جُوَّه نَفسي،

رُومِيَه 7:25

شُكراً لِلَّه بِرَبَّنا يَسُوع المَسيح! عَلَشان كِدا، مِن نَفسي أخدِم قانون الله بِعَقلي، و لَكِن بِالجِّسِم، أخدِم قانون الخَطيَّه.

رُومِيَه 8:4

الله عَمَل دا عَلَشان تَتِم فينا الواجِبات الطَّيبَه بِتاعَت القانون، نِحنا الما ماشين بِحَسَب الجِّسِم، لَكِن بِحَسَب الرّوح.

غَلَاطِيَّه 3:2

بَدور أتعَلَّم مِنَّكُم دا بَس. قِبِلتو الرّوح بِأعمال القانون؟ ولّا بِخَبَر الإيمان؟

غَلَاطِيَّه 6:2

شيلو الأحمال بَعضَكُم بَعض، و كِدا تَكَمِّل قانون المَسيح.

عِبرانيين 8:10

أهو دا الإتِّفاق الأنا بَتَّفِق مَعَ أهل بيت إِسْرَائِيل بَعَد الأيام ديلاك، يَقول الرَّب. أنا بَخُت قَوانيني في عُقولُم، و بَكتِبا عَلى قُلوبُم. و بَكون ليهُم الله، و هُم بِكونو لَي شَعب.