١ كُورِنْثُوس 8:3 - كِتاب العَهد الجَّديد مِن الكِتاب المُقَدَّس

³ و لَكِن إذا كان واحِد يَحِب الله، دا مَعروف عِند الله.

١ كُورِنْثُوس 8:3 Iomraidhean Croise

مَتَّى 7:23

و بَعدين بَكَلِّمُم: ما عِرِفتَكُم أبَداً. أمشو مِنّي، إنتو البِتَعمِلو الخَطيَّه.

يُوحَنَّا 10:14

أنا هو الرّاعي الصّالِح. أنا بَعرِف خِرفاني، و خِرفاني بِيِعرِفوني.

يُوحَنَّا 21:17

يَسُوع قال ليهو مَرَّه تالتَه: ”يا سِمْعَان إبن يُوحَنَّا، إنتَ بِتحِبّني؟“ و بُطْرُس كان حَزنان عَشان يَسُوع قال ليهو تالِت مَرَّه: ”إنتَ بِتحِبّني؟“ و قال ليهو: ”يا رَب، إنتَ بِتَعرِف كُلّو حاجَه. إنتَ بِتَعرِف أنا بَحِبَّك.“ و يَسُوع قال ليهو: ”أحرِس خِرفاني.

رُومِيَه 11:2

الله ما أبى شَعبو العِرفو مِن قُبّال. ما بِتَعرِفو اليَقَول الكِتاب عَن إِيلِيَّا؟ كيف هو سأل الله كَتير ضِد إِسْرَائِيل و قال:

١ كُورِنْثُوس 13:12

عَشان نِحنا بِنشوف هَسَّع في مِرايا في الضُّلُمَّه، لَكِن في الوَكِت داك وَش لِوَش. هَسَّع بَعرِف بَعض المَعرِفَه، لَكِن في الوَكِت داك بَعرِف بِالتَّمام زي ما هُم عِرفوني بِالتَّمام.

١ كُورِنْثُوس 2:9

لَكِن زي ما هو مَكتوب: ”العين ما شافَتو، و الأضان ما سِمِعَت بيهو، و ما دَخَل فِكِر زول عَن كُل الجَّهَّزو الله لِلبِحِبّوهو.“

غَلَاطِيَّه 4:9

لَكِن هَسَّع إنتو تَعرِفو الله، ولّا بِالأكتَر، الله يَعرِفكُم. كيف تَرجَعو لِلقَوانين الضَّعيفَه و المِسكينَه؟ بِتدورو تَكونو عَبيد ليها مَرَّه تانيَه؟

٢ تِيمُوثَاوُس 2:19

و لَكِن أساس الله الثّابِت يَقوم، و فوقو الخِتِم دا: ”الرَّب بِيَعرِف النّاس بِتاعو،“ و: ”كُلّو واحِد البِعتَرِف بِإسم الرَّب لازِم يَكون بَعيد مِن الخَطيَّه.“

يَعْقُوب 1:12

مُبارَك الرّاجِل البِتحَمَّل التَجرِبَه. عَشان إذا مَرَّه بِالإمتِحان، هو بِقبَل تاج الحَياة الوَعَد بيهو الرَّب لِلنّاس البِحِبّوهو.

يَعْقُوب 2:5

أسمَعو، يا أخواني المَحبوبين، الله ما إختار مَساكين الدُّنيا دي عَشان يَكونو غَنيين في الإيمان و وُرّاث المَلَكوت الوَعَد بيهو لِلبِحِبّوهو؟

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

١ يُوحَنَّا 4:19

نِحنا بِنحِب، عَشان هو حَبّانا في الأوَّل.

١ يُوحَنَّا 4:7

يا مَحبوبين، خَلّونا نَحِب بَعَضَنا بَعض، عَشان المَحَبَّه هي مِن الله، و كُلّو واحِد البِحِب، هو مَولود مِن الله و بِعرِف الله.

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.

رؤيا 2:19

أنا بَعرِف أعمالَك و مَحَبَّتَك و إيمانَك و خِدمَتَك و صَبرَك. و بَعرِف أعمالَك الأخيرَه أكتَر مِن الفي الأوَّل.

رؤيا 2:9

أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.