١ كُورِنْثُوس 7:22 - كِتاب العَهد الجَّديد مِن الكِتاب المُقَدَّس

²² عَشان الناداهو الرَّب و هو عَبد، هو بِقى حُر في الرَّب. و كِدا كَمان الكان حُر لَمّا الرَّب ناداهو، هو عَبد لِلمَسيح.

١ كُورِنْثُوس 7:22 Iomraidhean Croise

رُومِيَه 1:1

الجَّواب دا مِن بُولُس. أنا خَدّام يَسُوع المَسيح، و الله إختارني عَشان أبَشِّر بِإنجيلو.

١ كُورِنْثُوس 7:21

إنتَ كُنتَ عَبد لَمّا الله ناداك؟ مَعليش. لَكِن إن قِدِرتَ تَبقى حُر، أمسِك الفُرصَه.

١ كُورِنْثُوس 9:19

و لَو أنا حُر مِن كُل النّاس، عَمَلتَ نَفسي خَدّام لِكُل النّاس، عَشان أربَح ناس أكتَر.

١ كُورِنْثُوس 9:21

و لِلنّاس البِدون قانون بِقيت زي ما أنا بِدون قانون. لَكِن أنا مُش بِدون قانون لِلَّه، لَكِن أنا تِحِت قانون لِلمَسيح عَشان أربَح ديل البِدون قانون.

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

غَلَاطِيَّه 5:1

عَشان المَسيح حَرَّرنا بِالحُرّيَّه دي، كونو ثابِتين فيها، و ما تَرجَعو تَطيعو لِنير العُبوديَه.

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

كُولُوسِّي 4:12

و أَبَفْرَاس يَسَلِّم عَليكُم، و هو مِنَّكُم، و خَدّام يَسُوع المَسيح. هو دايماً بِصَلّي بِكُلّو قُوَّتو فِشانكُم، عَلَشان تَثبُتو كامِلين و بِتأكيد تَمام في كُلّو إرادَة الله.

فِلِيمُون 1:16

و بَعَد دا ما تَفتَكِر هو زي عَبد لَكِن أحسَن مِن عَبد. هو زي أخو مَحبوب، خُصوصاً لَي، و كَم بِالأكتَر ليك، في الجِّسِم و في الرَّب.

١ بُطْرُس 2:16

عيشو زي ناس حُرّين، لَكِن ما تِستَعمِلو حُريّاتكُم زي غَطا لِلشَّر. لَكِن عيشو زي خَدّامين الله.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.