١ كُورِنْثُوس 5:11 - كِتاب العَهد الجَّديد مِن الكِتاب المُقَدَّس

¹¹ لَكِن هَسَّع بَكتِب ليكُم، ما تِتلَمّو مَعَ واحِد البِسَمّوهو أخو، إذا هو بيَعمِل زِنا ولّا هو طَمّاع، ولّا يَعبُد الأصنام، ولّا شَتَّم، ولّا مَرّاسي، ولّا حَرامي. و ما تاكلو مَعَ واحِد زي دا.

١ كُورِنْثُوس 5:11 Iomraidhean Croise

مَتَّى 18:17

إذا يابا يَسمَع ليهُم، كَلَّم الكَنيسَه. و إذا يابا يَسمَع لِلكَنيسَه، خَليهو يَكون ليكُم زي واحِد مِن ناس الدُّنيا و البِلِمّو الضَّريبَه.

مَتَّى 23:25

حُزن ليكُم، يا مُعَلِّمين القانون و الفَرّيسيّين، المُنافِقين! إنتو بِتنَضِّفو الفِنجان و الصَّحَن مِن بَرَّه، و لَكِن مِن جُوَّه هُم مَليانين طَمَع و مَحَبَّة النَّفس.

لُوقَا 18:11

و الفرِّيسي وَقَف يَصَلّي في نَفسو كِدا: يا الله، أشكُرَك عَشان أنا ما زي باقي النّاس، الحَراميَّه، و الظّالِمين، و الزانين، و لا زي الرّاجِل دا، البِلِم الضَّريبَه.

لُوقَا 21:34

لَكِن خَلّو بالكُم لِنُفوسكُم، عَشان ما بِتكونو حَزنانين في قُلوبكُم بِحاجات فاضيَه و سَكَر و هُموم الحَياة دي، و اليوم داك بِجي ليكُم زي الفَخ.

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

أعمال الرُّسُل 9:17

و حَنانيّا مَرَق و دَخَل البيت، و خَتَّ إيدينو فوقو و قال: ”يا أخي شَاوُل، الرَّب يَسُوع الظَّهَر ليك في السِّكَّه في الوَكِت الأنتَ جاي هِنا، هو رَسَّلني عَشان عُيونَك بِتكون مَفتوحَه، و إنتَ بِتكون مَليان بِالرّوح.“

رُومِيَه 13:13

خَلّونا نَعيش بِالإحتِرام زي في النَّهار، ما بِالحَفلات البَطّالَه و السُّكر، ولّا بِالفَضيحَه و الخَراب، ولّا بِالمُشاكَلَه و الحَسَد.

رُومِيَه 16:17

أطلُب ليكُم، يا أخوان، تَخُتّو بالكُم لِليَعمِلو إنقِسامات و البِخُتّو في سِكَّتكُم مُخالِف التَّعليم الإتعَلَّمتوهو. خَلّوهُم.

١ كُورِنْثُوس 10:14

عَشان كِدا، يا مَحبوبين، أهرُبو مِن عِبادَة الأصنام.

١ كُورِنْثُوس 11:21

عَشان لَمّا تاكلو، كُلّو واحِد يَمشي قِدّام و ياكُل العَشا بِتاعو. و الواحِد يَجوع و التّاني يَكون سَكران!

١ كُورِنْثُوس 5:13

الله هو اليَحكُم عَليهُم المِن بَرَّه. أطرُدو الزّول الشَّرّير مِن بينكُم.

١ كُورِنْثُوس 6:10

ولّا الحَراميَه، ولّا الطَّمّاعين، ولّا السَّكرانين، ولّا الشَّتَّامين، ولّا السَّرّاقين بِيورَثو مَلَكوت الله.

١ كُورِنْثُوس 6:6

لَكِن الأخو يَرفَع قَضيَّه عَلى الأخو، و داك قِدّام الما مؤمِنين.

١ كُورِنْثُوس 6:9

ما بِتَعرِفو الظّالمين ما بِيورَثو مَلَكوت الله؟ ما تَغِشّو نُفوسكُم. لا أخلاقُم بَطّالَه، ولّا اليَعبُدو أصنام، ولّا البيَعمِلو زِنا، ولّا المَخَنَّس ولّا اللّوطي،

١ كُورِنْثُوس 7:12

لَكِن التّانيين أقول ليهُم، أنا، مُش الرَّب، إذا كان أخو عِندو مَرَه ما مِآمِنَه، و هي عاوزَه تَعيش مَعاهو، هو ما يَطَلِّقا.

١ كُورِنْثُوس 7:15

و لَكِن إذا الما مؤمِن مَشى، خَليهو يَمشي. الأخو ولّا الأُخُت ما مَربوط في حاجَه زي دي. عَشان الله نادانا لِلسَّلام.

١ كُورِنْثُوس 8:11

و كِدا بِسَبَب مَعرِفتَك، الأخو الضَّعيف يَموت. إتزَكَّر المَسيح مات فِشانو.

غَلَاطِيَّه 2:12

عَشان قُبّال ما بَعض مِن الرُّجال جو مِن يَعْقُوب، هو كان ياكُل مَعَ الأُمَم. لَكِن لَمّا هُم وِصلو، كان يَمرُق مِنَّهُم و يَفَرِّق نَفسو، عَشان خاف مِنَّهُم المُطَهَّرين.

أفَسُس 5:18

ما تَكونو سَكرانين بِالخَمر، البِقود لِلخَراب، لَكِن كونو مَليانين بِالرّوح.

أفَسُس 5:5

عَشان إنتو بِتَعرِفو دا، كُل البيَعمِلو الزِّنا ولّا بِكونو نَجِسين، ولّا طَمّاعين، و اليَعبُدو الأصنام، ديل ما عِندَهُم ميراث في مَلَكوت المَسيح و الله.

كُولُوسِّي 3:5

عَلَشان كِدا، أكتُلو كُلّو حاجَه فيكُم البِتكون مِن الأرض: الزِّنا، و النَّجاسَه، و الشَّهوَه الشَّديدَه، و الشَّهوات البَطّالَه، و الطَّمَع، يَعني عِبادَة الأصنام.

٢ تَسَالُونِيكِي 3:14

إذا كان أي واحِد ما بِطيع كَلامنا في الجَّواب دا، خَلّو بالكُم مِنّو. ما تَقعُدو مَعاهو، عَشان هو بِكون خَجلان.

٢ تَسَالُونِيكِي 3:6

و نَدّيكُم أمر، يا أخوان، بِإسم رَبَّنا يَسُوع المَسيح، كونو بَعيدين مِن كُلّو أخو البِكون كَسلان و الما بِعِيش حَسَب التَّعليم القِبِلتوهو مِنَّنا.

١ تِيمُوثَاوُس 3:3

هو ما بِكون سَكران، ما بِضرُب لَكِن بِكون لَطيف، مُش شاكال ولّا يَحِب القُروش.

١ تِيمُوثَاوُس 6:5

و يَجيب الشَّكلات المُستَمِرَّه بين رُجال عَقلُم خَربان، الاَخَدو مِنَّهُم الحَق. و هُم يَفتَكِرو خوف الله طَريق عَشان يَبقى غَني.

٢ يُوحَنَّا 1:10

إذا واحِد يَجيكُم و ما يَجيب التَّعليم دا، ما تَقبَلوهو في البيت و ما تَقولو ليهو ”سَلام.“

رؤيا 2:14

و لَكِن أنا عِندي حاجات قَليلَه عَليك. إنتَ عِندَك هِناك ناس ماسكين بِتَعليم بَلعام الكان بِعَلِّم بالاق أن يَكون سَبَب لِلخَطيَّه لِبَني إِسْرَائِيل. هو عَلَّمُم أن ياكلو مِن الأكل الكان مَضبوح لِلأصنام و يَعمِلو الزِّنا.

رؤيا 2:20

لَكِن أنا عِندي حاجَه عَليك. إنتَ تَدّي إذن لِلمَرَه إيزابَل البِتقول هي نَبيَّه. و هي تَعَلِّم و تَغِش خَدّاميني حَتّى يَعمِلو الزِّنا و ياكلو مِن الأكل الكان مَضبوح لِلأصنام.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.