١ كُورِنْثُوس 4:6 - كِتاب العَهد الجَّديد مِن الكِتاب المُقَدَّس

⁶ عَشان خاطِركُم يا أخوان، خَتّيت دا كُلّو عَلى نَفسي و عَلى أَبُلُّوس، زي مَثَل عَشان تِتعَلَّمو مِنَّنا أن ما تَفَكِّرو في النّاس فوق ما الكِتاب يَقول. و كِدا إنتو ما بِتكونو مِتكَبِّرين الواحِد فوق التّاني.

١ كُورِنْثُوس 4:6 Iomraidhean Croise

أعمال الرُّسُل 18:24

و في الزَّمَن دا، يَهودي إسمو أَبُلُّوس مِن ناس الإسكَندَريَّه جا لِأفَسُس. و هو راجِل عِندو قُدرَه في الكَلام و في الكُتُب.

أعمال الرُّسُل 19:1

و حَصَل لَمّا أَبُلُّوس كان في كُورِنْثُوس، بُولُس فات بِالمَحَلّات العاليَه و جا لِأفَسُس. و هِناك لِقى بَعض مِن التَّلاميذ.

رُومِيَه 12:3

بِسَبَب النِّعمَه الأدّاها لَي الله، بَقول لِكُلّو واحِد فيكُم، ما يَفتَكِر عَن نَفسو فوق ما لازِم يَفتَكِر. لَكِن يَفتَكِر عَن نَفسو بِحُكم عَديل، بِحَسَب قِياس الإيمان الأدّاهو ليهو الله.

١ كُورِنْثُوس 1:12

يَعني كُلّو واحِد مِنَّكُم يَقول: ”أنا لِبُولُس،“ ولّا: ”أنا لِأَبُلُّوس،“ ولّا: ”أنا لِبُطْرُس،“ ولّا: ”أنا لِلمَسيح.“

١ كُورِنْثُوس 1:19

عَشان مَكتوب: ”أنا بَخَسِّر حِكمَة العاقِلين، و أرفُض فَهم الفاهمين.“

١ كُورِنْثُوس 1:31

عَشان كِدا زي ما مَكتوب: ”العاوِز يَمَجِّد، خَليهو يَمَجِّد الرَّب.“

١ كُورِنْثُوس 13:4

المَحَبَّه عِندَها صَبر طَويل، و تَشفُق. المَحَبَّه ما عِندَها حَسَد. المَحَبَّه ما تَحمَد نَفسا و ما مِتكَبِّره.

١ كُورِنْثُوس 3:19

عَشان حِكمَة الدُّنيا دي، هي حاجَه بَليدَه قِدّام الله. عَشان مَكتوب: ”هو ياخُد الشّاطرين بِغِشُّم.“

١ كُورِنْثُوس 3:21

عَلى كِدا، ما تَخَلّي و لا واحِد يَفخَر بِالنّاس، عَشان عِندَكُم كُلّو شي.

١ كُورِنْثُوس 5:2

و إنتو لِسَّع مِتكَبِّرين. لِشِنو ما تَكونو حَزنانين و تَشيلو مِن وَسِطكُم الرّاجِل العَمَل دا؟

١ كُورِنْثُوس 5:6

كِبِركُم ما كوَيس. ما بِتَعرِفو خَميرَه صَغَيرَه تَخَمِّر العَجين كُلّو؟

١ كُورِنْثُوس 8:1

هَسَّع عَن الأكل اليَضبَحوهو لِلأصنام. بِنَعرِف كُلُّنا عِندَنا مَعرِفَه. المَعرِفَه تَعمِل الزّول مِتكَبِّر، لَكِن المَحَبَّه تَبني.

١ كُورِنْثُوس 9:23

و أنا أعمِل كُلّو دا عَلَشان الإنجيل، عَشان بَكون شَريك فيهو.

٢ كُورِنْثُوس 10:12

و نَخاف نَشَبِّه نُفوسنا بِبَعض مِن النّاس البِحمَدو نُفوسُم و نَخاف نَحسِب نُفوسنا مَعاهُم. و لَكِن هُم يَقيسو نُفوسُم بِنُفوسُم، و يَشَبِّهو نُفوسُم بِنُفوسُم، و ما يَفهَمو.

٢ كُورِنْثُوس 10:15

عَلَشانّا ما نَشكُر نُفوسنا بِدون قِياس بِأشغال ناس تانيين. لَكِن عِندَنا رَجاء إنّو زي ما إيمانكُم يِستَمِر يَزيد، كَمان شُغُلنا بينكُم بِزيد حَسَب قِياس خِدمَتنا.

٢ كُورِنْثُوس 10:7

إنتو تَعاينو لِلحاجَه القِدّامكُم. إذا واحِد يَتَّكِل عَلى نَفسو هو لِلمَسيح، خَليهو يَفتَكِر كَمان في نَفسو، نِحنا كَمان لِلمَسيح زي ما هو لِلمَسيح.

٢ كُورِنْثُوس 11:4

عَشان إذا واحِد جا ليكُم و بِبَشِّر بِيَسُوع تاني، غير البَشَّرناكُم بيهو، إنتو تِتحَمَّلو دا كوَيس. ولّا إذا إنتو تَقبَلو روح تاني مِن الرّوح القِبِلتوهو، ولّا إنجيل مُختَلِف مِن القِبِلتوهو، إنتو تِتحَمَّلو دا كوَيس.

٢ كُورِنْثُوس 12:19

و تَفتَكِرو كُل الوَكِت دا نِحنا بِنَعمِل نُفوسنا بارين قِدّامكُم؟ نِحنا نِتكَلَّم قِدّام الله في المَسيح، لَكِن، يا مَحبوبين، بِنَعمِل كُلّو حاجَه، عَشان نَقَويكُم.

٢ كُورِنْثُوس 12:20

أنا بَخاف لَمّا بَجي ليكُم ما بَلقاكُم زي ما أنا عاوِز، و إنتو ما تَلقوني زي ما إنتو عاوزين. أنا بَخاف إنّو بِتكون بينكُم شَكلات و حَسَد و زَعل و إنقِسامات و شَتايِم و وَسوَسَه و كِبِر و دَوشَه.

٢ كُورِنْثُوس 12:6

عَشان إذا عاوِز أشكُر نَفسي، ما بَكون غَشيم، عَلَشان بَقول الحَق. لَكِن أبيت أسَوّي كِدا، عَلَشان واحِد ما يَفتَكِر فِيني فوق ما هو بِشوف فِيني و بِسمَع مِنّي.

٢ كُورِنْثُوس 4:15

و دا كُلّو عَشان فايدَتكُم، حَتّى النِّعمَه بِتزيد أكتَر و أكتَر لِكَتيرين، و الشُّكر بِزيد لِمَجد الله.

كُولُوسِّي 2:18

ما تَخَلّو واحِد يَحكُم عَليكُم عَشان هو مَبسوط مِن التَّواضُع و الحَمد لِلمَلائكَه. الزّول زي دا يتكَلَّم كَتير عَن الحاجات الهو شافا. و عَقلو المُش روحي يَحمِد نَفسو بِأفكار بِدون فايدَه.

١ تَسَالُونِيكِي 1:5

عَشان إنجيلنا ما جا ليكُم بِالكَلام بَس، و لَكِن بِالقُوَّه كَمان، و بِالرّوح القُدُس و بِتأكيد شَديد. بِتَعرِفو كيف مَشينا بينكُم فِشانكُم.

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.