١ كُورِنْثُوس 4:15 - كِتاب العَهد الجَّديد مِن الكِتاب المُقَدَّس

¹⁵ عَشان إن كان عِندَكُم عَشَرَة آلاف مِن المُعَلِّمين في المَسيح، ما عِندَكُم أبَهات كَتيرين. عَشان أنا بِقيت أبوكُم في المَسيح يَسُوع بِالإنجيل.

١ كُورِنْثُوس 4:15 Iomraidhean Croise

رُومِيَه 15:20

لَكِن تَرتيبي دايماً كان دا: عَشان أبَشِّر بِالإنجيل في المَحَل الفيهو إسِم المَسيح ما كان مَعروف. عَلَشان ما أبني عَلى أساس واحِد تاني.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

١ كُورِنْثُوس 15:1

و أخَبِّركُم، يا أخوان، بِالإنجيل البَشَّرتَكُم بيهو. و إنتو قِبِلتوهو و تَقومو فيهو.

١ كُورِنْثُوس 3:10

أنا، بِحَسَب النِّعمَه الأدّاني الله، زي بَناء شاطِر، خَتّيت أساس، و تاني يَبني عَليهو. خَلّي كُلّو واحِد يَشوف كيف يَبني عَليهو.

١ كُورِنْثُوس 3:6

أنا زَرَعتَ، و أَبُلُّوس أدّاها مويَه، لَكِن الله، هو الكان بِزيدو.

١ كُورِنْثُوس 3:8

و المُزارِع و البِدّيها مويَه هُم واحِد، و كُلّو واحِد بياخُد أُجرَتو بِحَسَب شُغلو.

١ كُورِنْثُوس 9:12

إذا كان تانيين شُرَكا في السُّلطَه عَليكُم، مُش نِحنا في الأوَّل؟ لَكِن ما نَشتَغِل بِالسُّلطَه دي، لَكِن عِندَنا صَبر عَلى كُلّو شي عَشان ما نَخُت مانِع لِإنجيل المَسيح.

١ كُورِنْثُوس 9:14

و كِدا كَمان، الرَّب أمَر أن ديل اليَنادو بِالإنجيل يَعِيشو مِن الإنجيل.

١ كُورِنْثُوس 9:16

عَشان إذا كان أبَشِّر، ما لَي فَخر، عَشان أنا لازِم أبَشِّر. يا مُصيبتي إذا كان ما أبَشِّر!

١ كُورِنْثُوس 9:18

عَلَشان كِدا أُجرَتي شِنو؟ وَكِت ما أبَشِّر، بَدّي إنجيل المَسيح مَجّاناً، و ما بَشتَغِل بِسُلطَتي في الإنجيل.

١ كُورِنْثُوس 9:23

و أنا أعمِل كُلّو دا عَلَشان الإنجيل، عَشان بَكون شَريك فيهو.

٢ كُورِنْثُوس 4:5

عَشان ما نَبَشِّر بِنُفوسنا، لَكِن بِيَسُوع المَسيح الرَّب. و نِحنا خَدّامين ليكُم عَشان خاطِر يَسُوع.

غَلَاطِيَّه 3:24

و كِدا القانون كان مُعَلِّمنا البِقودنا لِلمَسيح، عَشان نِتبَرَّر بِالإيمان.

غَلَاطِيَّه 3:25

و لَكِن بَعَد ما جا الإيمان، نِحنا بَعَد دا مُش تِحِت مُعَلِّم القانون.

غَلَاطِيَّه 4:19

يا أولادي، زي الأُم لَمّا تَلِد، أنا أتعَب نَفس الوَجَع حَتّى المَسيح يِتصَوَر فيكُم.

٢ تِيمُوثَاوُس 4:3

عَشان الوَكِت بِجي لَمّا النّاس ما يِتحَمَّلَو التَعليم الصَّحيح. لَكِن حَسَب الشَّهوات بِتاعتُم بِلِمّو لِنُفوسُم مُعَلِّمين عَشان يَقولو الهُم عاوزين بِشِدَّه أن يَسمَعو.

تِيطُس 1:4

لِتِيطُس، وَلَدي الحَقيقي في الإيمان العِندَنا سَوا. نِعمَه و سَلام مِن الله الأبو و المَسيح يَسُوع مُخَلِّصنا.

فِلِيمُون 1:19

أنا بُولُس بَكتِب دا بِإيدي. أنا بَدفَع. و ما بَقول ليك إنتَ مَديون لَي حَتّى بِنَفسَك كَمان.

يَعْقُوب 1:18

مِن إرادَة نَفسو هو وَلَدنا بِكِلمَة الحَق عَشان نَكون أوَّل ثِمار مِن كُل الخَلَقو.

١ بُطْرُس 1:23

عَشان إتوَلَدتو مَرَّه تانيَه، ما مِن تيراب يَخسَر، لَكِن مِن الما يَخسَر، بِكِلمَة الله الحَيَّه و المُستَمِرَّه.