١ كُورِنْثُوس 3:16 - كِتاب العَهد الجَّديد مِن الكِتاب المُقَدَّس

¹⁶ ما بِتَعرِفو إنتو هيكَل الله، و روح الله يَسكُن فيكُم؟

١ كُورِنْثُوس 3:16 Iomraidhean Croise

يُوحَنَّا 14:17

ناس الدُّنيا ما بِقدَرو يَقبَلوهو، عَشان هُم ما يَشوفوهو و لا يَعرِفوهو. لَكِن إنتو بِتَعرِفوهو، عَشان هو قاعِد مَعاكُم و بِكون فيكُم.

رُومِيَه 6:16

ما بِتَعرِفو لَمّا تَدّو نُفوسكُم زي خَدّامين عَشان تَطيعو واحِد، إنتو بِالحَق خَدّامين ليهو التَطيعوهو؟ يا لِلخَطيَّه البِسوق لِلموت ولّا لِلطّاعَه البِسوق لِلبِر.

رُومِيَه 6:3

ما بِتَعرِفو كُلُّنا الإتعَمَّدنا بِالمَسيح يَسُوع، إتعَمَّدنا لِموتو؟

رُومِيَه 8:11

و إذا كان الرّوح، القَوَّم يَسُوع مِن بين المَيِّتين، ساكِن فيكُم، القَوَّم المَسيح مِن بين المَيِّتين بِدّي حَياة لِأجسامكُم البِموتو، بِروحو السّاكِن فيكُم.

رُومِيَه 8:9

لَكِن إنتو ما في الجِّسِم لَكِن في الرّوح، إذا روح الله ساكِن فيكُم. و إذا واحِد ما عِندو روح المَسيح، هو ما لِلمَسيح.

١ كُورِنْثُوس 3:17

كان واحِد يَخرَب هيكَل الله، الله بِخرَبو، عَشان هيكَل الله مُقَدَّس، و إنتو الهيكَل داك.

١ كُورِنْثُوس 3:9

عَشان نِحنا عامِلين مَعَ الله، و إنتو زِراعَة الله، بُنا الله.

١ كُورِنْثُوس 5:6

كِبِركُم ما كوَيس. ما بِتَعرِفو خَميرَه صَغَيرَه تَخَمِّر العَجين كُلّو؟

١ كُورِنْثُوس 6:16

ما بِتَعرِفو اليَجمَع نَفسو لِزانيَه هو جِسِم واحِد مَعاها؟ عَشان مَكتوب: ”يَكونو الأتنين جِسِم واحِد.“

١ كُورِنْثُوس 6:19

ما بِتَعرِفو جِسِمكُم هو هيكَل الرّوح القُدُس الفيكُم، القِبِلتوهو مِن الله؟ و إنتو مُش لِنُفوسكُم.

١ كُورِنْثُوس 6:9

ما بِتَعرِفو الظّالمين ما بِيورَثو مَلَكوت الله؟ ما تَغِشّو نُفوسكُم. لا أخلاقُم بَطّالَه، ولّا اليَعبُدو أصنام، ولّا البيَعمِلو زِنا، ولّا المَخَنَّس ولّا اللّوطي،

١ كُورِنْثُوس 9:13

ما بِتَعرِفو اليَخدِمو في الهيكَل ياكلو مِن الهيكَل؟ و ديل اليَخدِمو في مَحَل الضَّبيحَه يَشتَرِكو في ضَبايح المَضبَح؟

١ كُورِنْثُوس 9:24

ما بِتَعرِفو؟ اليَجرو في السَّبَق كُلَّهُم يَجرو، لَكِن واحِد ياخُد الأُجرَه؟ و كِدا، أجرو عَشان تَحَصِّلو عَليها.

٢ كُورِنْثُوس 6:16

و الإتِّفاق شِنو بين هيكَل الله و الأصنام؟ عَشان نِحنا هيكَل الله الحَي، زي ما الله قال: ”أنا بَسكُن فيهُم و أمشي في وَسِطُم، و بَكون ليهُم إلَه، و هُم بِكونو لَي ناس.

١ تِيمُوثَاوُس 3:15

لَكِن إذا إتأخَّرتَ، إنتَ بِتَعرِف كيف النّاس لازِم يَعِيشو بين أهل بيت الله، الهو كَنيسَة الله الحَي، عَمود و أساس الحَق.

٢ تِيمُوثَاوُس 1:14

أحفَظ الحاجَه الطَّيبَه السَّلَّموها ليك بِالرّوح القُدُس السّاكِن فينا.

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

يَعْقُوب 4:4

يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

١ بُطْرُس 2:5

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

١ يُوحَنَّا 4:12

ما في واحِد شاف الله أبَداً. إذا نَحِب بَعَضَنا بَعض، الله يَسكُن فينا و مَحَبَّتو تَبقى كاملَه فينا.