١ كُورِنْثُوس 16:22 - كِتاب العَهد الجَّديد مِن الكِتاب المُقَدَّس

²² إذا كان واحِد ما بِحِب الرَّب، خَليهو يَكون مَلعون. تَعال، يا رَبَّنا!

١ كُورِنْثُوس 16:22 Iomraidhean Croise

مَتَّى 10:37

البِحِب أبوهو ولّا أُمّو أكتَر مِنّي ما مُستَحِقّني. و البِحِب وَلَدو ولّا بِتو أكتَر مِنّي ما مُستَحِقّني.

يُوحَنَّا 14:15

إذا تَحِبّوني، إنتو ماشين تَحفَظو أوامِري.

يُوحَنَّا 14:21

العِندو أوامِري و يَحفَظا، دا هو البِحِبّني. و الزّول البِحِبّني، أبوي بِحِبّو. و أنا بَحِبّو، و بَوَرّي نَفسي ليهو.“

يُوحَنَّا 14:23

يَسُوع رَدَّ عَليهو: ”إذا واحِد بِحِبّني، هو بِحفَظ كَلامي. و أبوي بِحِبّو. و نِحنا بِنَجي ليهو و نَعمِل بيتنا مَعاهو.

يُوحَنَّا 15:24

أنا عَمَلتَ بِينُم أعمال زول تاني ما عَمَلا. عَلَشان كِدا عِندَهُم خَطيَّه. لَكِن هَسَّع هُم شافو و كِرهوني أنا و أبوي.

يُوحَنَّا 16:14

هو بِمَجِّدني، عَشان هو بياخُد مِن العِندي و بِكَلِّمكُم.

يُوحَنَّا 8:42

يَسُوع قال ليهُم: ”إذا كان الله أبوكُم، كُنتو تَحِبّوني، عَشان أنا مَرَقتَ و جيت مِن الله. أنا ما جيت مِن نَفسي، لَكِن هو رَسَّلني.

أعمال الرُّسُل 23:14

و هُم مَشو لِلقُسُس الكُبار و الشُّيوخ و قالو: ”حَلَفنا بِلَعنَه ما ناكُل حاجَه حَتّى نَكتُل بُولُس.

رُومِيَه 9:3

عَشان انا كُنتَ بَدور أكون أنا نَفسي مَلعون و مَقطوع عَن المَسيح عَشان خاطِر أخواني، جِنسي حَسَب الجِّسِم،

١ كُورِنْثُوس 12:3

عَشان كِدا أخَبِّركُم، واحِد ما بِقول: ”لَعنَه لِيَسُوع!“ و هو يتكَلَّم بِروح الله. و واحِد ما بِقدَر يَقول: ”يَسُوع الرَّب،“ إلّا بِالرّوح القُدُس.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

أفَسُس 6:24

النِّعمَه مَعَ كُل البِحِبّو رَبَّنا يَسُوع المَسيح بِمَحَبَّه ما بِتموت.

فيلِبّي 4:5

خَلّو كُل النّاس يَعرِفو صَبِركُم. الرَّب قَريب!

عِبرانيين 6:10

عَشان الله ما ظالِم، و هو ما بيَنسى عَمَلكُم و المَحَبَّه الإنتو وَرّيتوها فِشان إسمو لَمّا خَدَمتو القِدِّسين، و لِسَّع بِتَخدِموهُم.

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

١ بُطْرُس 2:7

ليكُم البِتآمِنو، هو المُحتِرَم. لَكِن لِلما بِآمِنو: ”الحَجَر الرَّفَضوهو البَنّايين، هو بِقى راس الرُّكُن.“

١ يُوحَنَّا 4:19

نِحنا بِنحِب، عَشان هو حَبّانا في الأوَّل.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

رؤيا 22:20

الشّاهِد بِالحاجات دي يَقول: ”أيوَه، أنا جاي قَريب.“ آمين! تَعال، يا رَب يَسُوع!