١ كُورِنْثُوس 16:15 - كِتاب العَهد الجَّديد مِن الكِتاب المُقَدَّس

¹⁵ إنتو بِتَعرِفو ناس بيت اسْتِفَانَاس أوَّل ثِمار أَخَائِيَه، و كيف هُم أدّو نُفوسُم لِخِدمَة القِدِّسين. أطلُبو ليكُم، يا أخوان،

١ كُورِنْثُوس 16:15 Iomraidhean Croise

أعمال الرُّسُل 18:12

و لَمّا كان غَالِيُون مُدير أَخَائِيَه، اليَهود قامو بِنَفس واحدَه عَلى بُولُس، و جابوهو لِلمَحكَمَه.

رُومِيَه 12:13

شارِكو مَعَ المُحتاجين بين القِدِّسين. أفتَحو بُيوتكُم لِلغَريبين.

رُومِيَه 15:25

لَكِن هَسَّع أنا ماشي لِأُورُشَلِيم عَشان أخدِم القِدِّسين هِناك.

رُومِيَه 15:31

صَلّو عَشان أخلَص مِن الما مؤمِنين في اليَهُودِيَّه، و عَشان خِدمَتي لِأُورُشَلِيم تَكون مَقبولَه لِلقِدِّسين هِناك.

رُومِيَه 16:2

عَلَشان تَقبَلوها في الرَّب زي ما يِستَحِق لِلقِدِّسين. و تَساعِدوها في أي شي تَحتاج ليهو مِنَّكُم. عَشان هي ساعَدَت كَتيرين و ساعَدَتني أنا كَمان.

رُومِيَه 16:5

سَلِّمو كَمان عَلى الكَنيسَه الفي بيتُم. سَلِّمو عَلى أَبَيْنِتُوس حَبيبي الهُوَ أوَّل ثِمار آسيا لِلمَسيح.

١ كُورِنْثُوس 1:16

و كَمان عَمَّدتَ أهل بيت اسْتِفَانُوس. و فوق دا ما أتزَكَّر أنا عَمَّدتَ أي زول تاني.

١ كُورِنْثُوس 16:1

و عَن لَمَّة القُروش فِشان القِدِّسين. زي ما أمَرتَ كَنايس غَلَاطِيَّه، كِدا أعمِلو إنتو كَمان.

١ كُورِنْثُوس 16:17

أنا مَبسوط عَشان اسْتِفَانَاس و وَفُرْتُونَاتُوس و وَأَخَائِيكُوس جو، عَشانُم مَلو النّاقِص مِنَّكُم.

٢ كُورِنْثُوس 8:4

و طَلَبو مِنَّنا مَرّات كَتيرَه عَشان نَقبَل مِنَّهُم النِّعمَه و الشَّرِكَه في الخِدمَه دي لِلقِدِّسين.

٢ كُورِنْثُوس 9:1

و بِخُصوص الخِدمَه لِلقِدِّسين، ما في إحتِياج أكتِب ليكُم.

١ تِيمُوثَاوُس 5:10

و النّاس يَعرِفوها بِأعمالا الكوَيسَه. هي كانَت رَبَّت الأولاد، و فَتَحَت بيتا لِلغَريبين، و غَسَّلَت كِرعين القِدِّسين، و ساعَدَت المَظلومين، و أدَّت نَفسَها لِكُلّو عَمَل كوَيس.

فِلِيمُون 1:7

عَشان عِندَنا فَرَح كَتير و تَعزيَه مِن مَحَبَّتَك. عَلَشانَك، يا أخوّي، أدّيت راحَه لِقُلوب القِدِّسين.

عِبرانيين 6:10

عَشان الله ما ظالِم، و هو ما بيَنسى عَمَلكُم و المَحَبَّه الإنتو وَرّيتوها فِشان إسمو لَمّا خَدَمتو القِدِّسين، و لِسَّع بِتَخدِموهُم.

١ بُطْرُس 4:10

خَلّي كُلّو واحِد مِنَّكُم يَخدِم التّانيين بِالهَدِيَّه القِبِلا، مِثِل وُكَلا طَيبين لِنِعمَة الله المُختَلِفَه.

رؤيا 14:4

ديل هُم الما نَجَّسو نُفوسُم مَعَ النِّسوان، عَشان هُم نُضاف. و هُم يَتبَعو الحَمَل لِأي مَحَل الهو يَمشي ليهو. و كانو مُشتَرين مِن بين النّاس، أوَّل ثِمار لِلَّه و لِلحَمَل.