١ كُورِنْثُوس 15:54 - كِتاب العَهد الجَّديد مِن الكِتاب المُقَدَّس

⁵⁴ و لَمّا دا البِقدَر يَهلِك إتغَيَّر لِلما بِقدَر يَهلِك، و لَمّا دا البِموت إتغَيَّر لِلما بِقدَر يَموت أبَداً، في الوَكِت داك بِتِم الكِلمَه المَكتوبَه: ”الغَلَبَه بَلَعَت الموت.

١ كُورِنْثُوس 15:54 Iomraidhean Croise

لُوقَا 20:36

و ما بِقدَرو يَموتو تاني، عَشان هُم زي المَلائكَه، و هُم أولاد الله، ما دام هُم أولاد القيامَه.

رُومِيَه 1:23

و غَيَّرو مَجد الله الأبَدي بِشَكل صورَة الإنسان البِموت، و طُيور، و حَيوانات، و دَبايب.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

رُومِيَه 6:12

عَلَشان كِدا، ما تَخَلّو الخَطيَّه تَملِك في جِسِمكُم البِموت فِشان تَطيعو شَهوَتو.

رُومِيَه 8:11

و إذا كان الرّوح، القَوَّم يَسُوع مِن بين المَيِّتين، ساكِن فيكُم، القَوَّم المَسيح مِن بين المَيِّتين بِدّي حَياة لِأجسامكُم البِموتو، بِروحو السّاكِن فيكُم.

٢ كُورِنْثُوس 4:11

عَشان نِحنا الحَيين، يَسَلِّمونا كُلّو وَكِت لِلموت عَشان خاطِر يَسُوع، عَشان يَشوفو حَياة يَسُوع كَمان في جِسِمنا البِموت.

٢ كُورِنْثُوس 5:4

و وَكِت ما نِحنا في الخيمَه دي، نِتنَفَّس زي ما نَشيل حِمِل تَقيل. عَلَشان ما عاوزين نَقلَع أجسامنا، لَكِن نَلبَس فوقا، عَلَشان أجسامنا البِموتو يِتغَيَّرو لِأجسام ما بِموتو أبَداً.

٢ تَسَالُونِيكِي 1:10

لَمّا هو بِجي عَشان يَقبَل المَجد مِن قِدِّسِينو. و في اليوم داك، المؤمِنين بِدّوهو إحتِرام بِفَرَح. و إنتو كَمان بِتكونو مَعاهُم، عَلَشان إنتو صَدَّقتو شَهادَتنا ليكُم.

رؤيا 20:14

و الموت و الهاويَه إترَمو في بِركَة النّار. و بِركَة النّار، هي الموت التّاني.

رؤيا 21:4

و الله بِمسَح كُلّو دَمعَه مِن عُيونُم. و ما بِكون في موت بَعَد دا ولّا حُزن ولّا بِكى ولّا وَجَع، عَشان الحاجات المِن الأوَّل فاتو.“