١ كُورِنْثُوس 15:4 - كِتاب العَهد الجَّديد مِن الكِتاب المُقَدَّس

⁴ و دَفَنوهو، و قام في اليوم التّالِت حَسَب الكُتُب.

١ كُورِنْثُوس 15:4 Iomraidhean Croise

مَتَّى 12:40

عَشان زي ما كان يونان في بَطن السَّمَك الكَبيرَه تَلاتَة أيام و تلاتَه لِيال، كِدا يَكون إبن الإنسان في جُوَّه الأرض تَلاتَة أيام و تلاتَه لِيال.

مَتَّى 16:21

مِن الوَكِت دا، يَسُوع المَسيح بَدا يَوَرّي تَلاميذو هو لازِم يَمشي لِأُورُشَلِيم و بِتعَب كَتير مِن الشُّيوخ و القُسُس الكُبار و مُعَلِّمين القانون، و بِيَكتُلوهو، و في اليوم التّالِت بِقوم.

مَتَّى 20:19

و يَسَلِّموهو لِناس الدُّنيا عَشان يَضحَكو عَليهو، و يَجلِدوهو، و يَصلُبوهو. و هو بِقوم في اليوم التّالِت.“

مَرْقُس 9:31

عَشان كان يَعَلِّم تَلاميذو و يَقول ليهُم: ”إبن الإنسان يَسَلِّموهو لِإيدين النّاس. و هُم بِيَكتُلوهو. و لَمّا يَكتُلوهو، بِقوم بَعَد تَلاتَة أيام.“

لُوقَا 24:26

المَسيح ما كان لازِم يِتوَجَّع بِالحاجات دي و يَدخُل مَجدو؟“

لُوقَا 24:46

و هو قال ليهُم: ”مَكتوب كِدا إنّو المَسيح لازِم يِتوَجَّع و يَقوم مِن بين المَيِّتين في اليوم التّالِت.

لُوقَا 9:22

و قال: ”إبن الإنسان لازِم يِتعَذَب كَتير. و الشُّيوخ، و القُسُس الكُبار، و مُعَلِّمين القانون بِرفُضوهو و بِكتُلوهو. و في اليوم التّالِت هو بِقوم.“

يُوحَنَّا 19:38

بَعَد دا، يُوسِف المِن الرَّامَه سأل بِيلاطُس عَشان ياخُد جِسم يَسُوع. و هو كان تِلميذ لِيَسُوع، و لَكِن في السِّر عَشان الخوف مِن اليَهود. و بِيلاطُس أدّاهو الإذن. عَشان كِدا، جا و أخَد جِسم يَسُوع.

أعمال الرُّسُل 1:3

و بَعَد تَعبو، هو وَرّا نَفسو ليهُم و أدّا ليهُم بينات كَتيرَه الوَرّاهُم هو حَي. و هو كان بِبَيِّن نَفسو ليهُم مُدَّة أربَعين يوم، و بِكَلِّمُم عَن حاجات مَلَكوت الله.

أعمال الرُّسُل 17:31

عَشانو إختار يوم فيهو بِيَحكُم عَلى الدُّنيا بِالعَدل بِالإنسان الجَّهَّزو. و أدّا لِلكُل بيّنَه، لَمّا قَوَّمو مِن بين المَيِّتين.“

رُومِيَه 6:4

و كُنّا مَدفونين مَعاهو بِالمَعموديَّه لِلموت، عَلَشان زي ما المَسيح قام مِن بين المَيِّتين بِمَجد الأبو، نِحنا كَمان نَعيش حَياة جَديدَه.

كُولُوسِّي 2:12

دَفَنوكُم مَعاهو في المَعموديَّه، و قَوَّموكُم مَعاهو كَمان بِالإيمان بِعَمَل الله القَوَّمو مِن بين المَيِّتين.

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

١ بُطْرُس 1:11

و فَتَّشو بِكُلّو قُدرَتُم عَن الوَكِت، هو بِجي مِتين و كيف بِجي. دا الوَكِت روح المَسيح الفيهُم كان يَوَرّيهو، لَمّا شِهِد مِن قَبِل بِأوجاع المَسيح و المَجد البِجي بَعدو.