١ كُورِنْثُوس 14:6 - كِتاب العَهد الجَّديد مِن الكِتاب المُقَدَّس

⁶ و هَسَّع، يا أخوان، إذا أجيكُم و أتكَلَّم بِلُغات، الفايدَه ليكُم شِنو إذا ما أكَلِّمكُم بِرؤيا ولّا بِمَعرِفَه ولّا بِنُبوَّه ولّا بِتَعليم؟

١ كُورِنْثُوس 14:6 Iomraidhean Croise

مَتَّى 11:25

في الوَكِت داك يَسُوع قال: ”أشكُرَك، يا أبو، رَب السَّما و الأرض، عَشانَ إنتَ دَسيت الحاجات دي مِن الفاهمين و المِتعَلِّمين، و وَرّيتا لِلاطفال.

مَتَّى 16:17

و يَسُوع قال ليهو: ”مُبارَك إنتَ، يا سِمْعَان إبن يُونَا. عَشان ناس ما وَرّوهو ليك، لَكِن أبوي الفي السَّما.

مَتَّى 16:26

عَشان شِنو الفايدَه لِلزّول إذا بِلقى فايدَة الدُّنيا كُلَّها، و لَكِن يَوَدِّر نَفسو! ولّا الزّول بِبَدِّل شِنو بِنَفسو؟

أعمال الرُّسُل 2:42

و كانو بِستَمِرّو في تَعليم الرُّسُل و الشَّرِكَه و كَسر العيش و الصَّلاه.

رُومِيَه 15:14

أنا نَفسي، يا أخواني، مِتأكِّد إنتو نُفوسكُم مَليانين كُلّو حاجَه طَيبَه، كاملين في كُلّو مَعرِفَه، قادرين يَعَلِّم بَعضَكُم بَعض.

رُومِيَه 16:17

أطلُب ليكُم، يا أخوان، تَخُتّو بالكُم لِليَعمِلو إنقِسامات و البِخُتّو في سِكَّتكُم مُخالِف التَّعليم الإتعَلَّمتوهو. خَلّوهُم.

رُومِيَه 6:17

لَكِن شُكراً لِلَّه! إنتو الكُنتو خَدّامين لِلخَطيَّه قُبّال دا، طِعتو بِقُلوبكُم حَق التَّعليم القِبِلتوها.

١ كُورِنْثُوس 10:33

زي ما أنا كَمان أبسِط كُل النّاس في كُلّو شي. و ما بَطلُب البِكون لِفايدَة نَفسي، لَكِن البِكون لِفايدَة كَتيرين عَشان يَخلَصو.

١ كُورِنْثُوس 14:1

أتبَعو المَحَبَّه، و لَكِن حِبّو شَديد الهَدايا الرّوحيَّه، خُصوصاً عَشان تِتنَبّو.

١ كُورِنْثُوس 14:7

الحاجات الما عِندَهُم حَياة البِدّو صوت زي زِمبارَه ولّا رَبابَه، إذا ما يَعمِلو فارِق بين الأصوات، كيف واحِد يَعرِف البِضرُب بيهو؟

٢ كُورِنْثُوس 11:6

و لَو أنا ما شاطِر في الكَلام، أنا عِندي مَعرِفَه. و نِحنا وَرّيناكُم دا في كُلّو طَرِيقَه و في كُلّو حاجَه.

٢ كُورِنْثُوس 12:1

أنا لازِم أشكُر نَفسي و لَو ما في فايدَه فيهو. أنا بَجي لِرؤيا و أخبار مِن الرَّب.

٢ كُورِنْثُوس 12:7

و عَلَشان ما بَفتَكِر عَن نَفسي أنا زول كَبير بِسَبَب الرّؤيَه دي العَظيمَه جِدّاً، أدّاني شوك في جِسمي. و الشّوك دا كان مُرسَل مِن الشّيطان عَشان يَعَذِّبني فِشان ما أرفَع نَفسي كَتير.

أفَسُس 1:17

عَشان إلَه رَبَّنا يَسُوع المَسيح، أبو المَجد، يَدّيكُم روح الحِكمَه و رؤيا عَشان تَعرِفو مَعرِفَه كاملَه.

أفَسُس 3:4

و لَمّا إنتو تَقرو دا، بِتَقدَرو تَفهَمو مَعرِفَتي في سِر المَسيح.

فيلِبّي 3:15

كُلُّنا الكامِلين، خَلّينا نَفتَكِر كِدا. و إذا عِندَكُم فِكر تاني في أي شي، الله يَوَرّيكُم داك كَمان.

٢ تِيمُوثَاوُس 2:14

زَكِّرُم بِالحاجات دي، و حَزِّرُم قِدّام الرَّب أن ما تَشاكِلو عَن كِلمات الما فيها فايدَه. عَلَشان دا يَخَرِّب ديل البِسمَعو.

٢ تِيمُوثَاوُس 3:10

و لَكِن إنتَ تِبِعتَ تَعليمي، و مَشيَتي، و قَصدي، و إيماني و صَبري، و مَحَبَّتي، و إحتِمالي،

٢ تِيمُوثَاوُس 3:16

عَشان الكِتاب كُلّو إتنَفَّس بِالله، و عِندو فايدَه لِلتَعليم، و عَشان يَوَبِّخ، و يَصَلِّح، و يَعَلِّم الحَياة الفي البِر،

٢ تِيمُوثَاوُس 4:2

بَشِّر بِالكِلمَه، و كون جاهِز في وَكتو و مُش في وَكتو، صَلِّح، و وَبِّخ، و شَجِّع بِكُلّو صَبر و تَعليم.

تِيطُس 3:8

الكِلمَه دي أمينَه. و أنا عاوزَك تَشهَد بِتأكيد لِلحاجات دي، عَلَشان ديل، الآمَنو بِالله، بِهتَمّو عَشان يَعمِلو أعمال كوَيسَه. و الحاجات دي طَيبَه و عِندَها فايدَه لِلنّاس.

عِبرانيين 13:9

ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

٢ بُطْرُس 1:5

و بِالسَّبَب دا زاتو، أعمِلو الأحسَن عَشان تَزيدو لِإيمانكُم خير، و تَزيدو لِلخير مَعرِفَه.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.

٢ يُوحَنَّا 1:9

و الما بِستَمِر في تَعليم المَسيح و يَجري قِدّامو، ما عِندو الله. و البِستَمِر في تَعليم المَسيح، هو عِندو الأبو و الإبن، هُم الإتنين.