١ كُورِنْثُوس 14:3 - كِتاب العَهد الجَّديد مِن الكِتاب المُقَدَّس

³ لَكِن البِتنَبّا، يَكَلِم النّاس عَشان مُساعَدَتُم، و البِشارَه، و التَّعزيَه.

١ كُورِنْثُوس 14:3 Iomraidhean Croise

لُوقَا 3:18

و كان بِبَشِّر النّاس و بِسَاعِدُم بِنَصايح كَتيرَه.

أعمال الرُّسُل 13:15

و بَعَد قِرايَة القانون و الأنبياء، رؤساء بيت الرَّب رَسَّلو ليهُم يَقولو: ”يا أخوان، إذا كان عِندَكُم كِلمَة الشَّجاعَه لِلنّاس، قُولوهو.“

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

أعمال الرُّسُل 15:32

و يَهُوذَا و سِيلَا، و هُم كَمان كانو أنبياء، بِشَّرو الأخوان بِكَلام كَتير، و شَدَّدوهُم.

أعمال الرُّسُل 4:36

و يُوسِف كان لَاوِي مِن قُبرُص. و الرُّسُل سَمّوهو بَرْنَابَا، يَعني إبن الشَّجاعَه.

أعمال الرُّسُل 9:31

و كِدا، ناس الكَنيسَه في كُل اليَهُودِيَّه و الجَّليل و السَّامِرَه كان عِندَهُم سَلام و بِقو شُداد. و كانو يَخافو الرَّب، و عِندَهُم تَعزيَه في الرّوح القُدُس، و كانو يَزيدو في العَدَد.

رُومِيَه 12:8

إذا هَديَّاتو كَلام الشَّجاعَه، خَليهو يَشَجِّع. البِدّي، خَليهو يَدّي و يَكون كَريم. العِندو سُلطَه، خَليهو يَشتَغِل شَديد. العِندو رَحمَه، خَليهو يَرحَم بِفَرَح.

رُومِيَه 14:19

عَلَشان كِدا، خَلّونا نَتبَع الحاجات التَّعمِل السَّلام و الحاجات التَّشَدِّدنا بَعَضَنا بَعض.

رُومِيَه 15:2

خَلّي كُلّو واحِد مِنَّنا يَبسِط قَرِيبو لِخيرو عَشان يَشَدِّدو.

١ كُورِنْثُوس 10:23

”عِندَنا إذِن لِكُلّو شي،“ لَكِن كُلّو شي ما مُساعَدَه. ”عِندَنا إذِن لِكُلّو شي،“ لَكِن كُلّو شي ما يَبني.

١ كُورِنْثُوس 14:12

و كِدا إنتو كَمان. إذا إنتو غَيورين لِلهَدايا المِن الرّوح، أطلُبو عَشان تَزيدو فيها عَشان تَساعِدو الكَنيسَه.

١ كُورِنْثُوس 14:17

بِالحَق إنتَ تَشكُر كوَيس، لَكِن إنتَ ما بِتساعِد التّاني.

١ كُورِنْثُوس 14:26

و كِدا نَقول شِنو، يا أخوان؟ لَمّا تِتلَمّو، كُلّو واحِد مِنَّكُم عِندو مَزمور، ولّا عِندو تَعليم، ولّا عِندو رؤيا، ولّا عِندو لُغَه، ولّا عِندو تَرجَمَه. خَلّي كُلّو حاجَه تَكون لِلمُساعَدَه.

١ كُورِنْثُوس 14:31

عَشان كُلُّكُم تَقدَرو تِتنَبّو واحِد واحِد، عَشان كُلّو يِتعَلَّمو و كُلّو يِتعَزّو.

١ كُورِنْثُوس 8:1

هَسَّع عَن الأكل اليَضبَحوهو لِلأصنام. بِنَعرِف كُلُّنا عِندَنا مَعرِفَه. المَعرِفَه تَعمِل الزّول مِتكَبِّر، لَكِن المَحَبَّه تَبني.

٢ كُورِنْثُوس 1:4

هو بِدّينا تَعزيَه في كُلّو تَعب، عَلَشان نِحنا نَقدَر نَدّي تَعزيَه ليهُم في كُلّو تَعب، بِالتَّعزيَه القِبِلنا مِن الله.

٢ كُورِنْثُوس 2:7

لَكِن هَسَّع لازِم تَغفِرو ليهو و تَشَجِّعوهو عَلَشان الحُزن الشَّديد ما يَبلَعو.

أفَسُس 4:29

ما تَخَلّو كَلام بَطّال يَمرُق مِن خُشومكُم، لَكِن كَلام كوَيس البِساعِد، عَشان يَدّي نِعمَه لِلنّاس اليَسمَعو.

أفَسُس 6:22

أنا رَسَّلتو ليكُم بِالسَّبَب دا عَشان تَعرِفو كيف نِحنا، و عَشانو يَدّيكُم شَجاعَه.

كُولُوسِّي 4:8

و أنا رَسَّلتو ليكُم لِلسَّبَب دا نَفسو، عَشان إنتو بِتَعرِفو عَن أحوالنا و عَشان هو يَعَزي قُلوبكُم.

١ تَسَالُونِيكِي 2:11

عَشان تَعرِفو كيف كُنّا نَعَزّي كُلّو واحِد مِنَّكُم، زي أبو لِأولادو، و كُنّا نَشَجِّعكُم،

١ تَسَالُونِيكِي 2:3

أدّيناكُم الشَّجاعَه، و دا ما جا مِن غَلَط، ولّا مِن فِكر وَسخان، ولّا بِغِش.

١ تَسَالُونِيكِي 3:2

و رَسَّلنا تِيمُوثَاوُس، أخونا و خَدّام الله مَعانا في إنجيل المَسيح، عَشان يَشَدِّدكُم في إيمانكُم و يَشَجِّعكُم،

١ تَسَالُونِيكِي 4:1

في الآخِر، يا أخوان، إتعَلَّمتو مِنَّنا كيف إنتو لازِم تَعيشو و تَبسِطو الله. و زي ما كُنتو تَعيشو كِدا، هَسَّع نَطلُب ليكُم و نَشَدّشدكُم في الرَّب يَسُوع تَعمِلو زِيادَه و زِيادَه.

١ تَسَالُونِيكِي 4:18

عَشان كِدا عَزّو بَعضَكُم بَعض بِالكَلام دا.

٢ تَسَالُونِيكِي 3:12

و نَدّي أمر لِلنّاس زي ديل بِإسم الرَّب يَسُوع المَسيح. و نَطلُب مِنَّهُم يَشتَغِلو بِسَلام و ياكُلو العيش بِتاعُم.

١ تِيمُوثَاوُس 1:4

ولّا يَخَلّو بالُم لِحِكايات ولّا يَفَتِّشو عَلى الأجيال بِدون نِهايَه. الحاجات ديل يَجيبو الأسئلَه بَدَل مِن تَرتيب الله بِالإيمان.

١ تِيمُوثَاوُس 4:13

لِغايَة ما بَجي، خَلّي بالَك لِلقِرايَه، و بَشِّر و عَلِّم.

١ تِيمُوثَاوُس 6:2

و العِندَهُم أسياد البِآمِنو، ما لازِم يَدّوهُم أقَل إحتِرام عَلَشان هُم أخوان. لَكِن خَلّوهُم بِخدِموهُم خِدمَه أحسَن عَشان العِندَهُم فايدَه مِن خِدمَتُم مؤمِنين و مَحبوبين. عَلِّم الحاجات دي و أدّيهُم نَصيحَه كِدا.

٢ تِيمُوثَاوُس 4:2

بَشِّر بِالكِلمَه، و كون جاهِز في وَكتو و مُش في وَكتو، صَلِّح، و وَبِّخ، و شَجِّع بِكُلّو صَبر و تَعليم.

تِيطُس 1:9

و هو ماسِك بِالكَلام الأمين حَسَب التَّعليم، عَلَشان هو يَقدَر يَدّي الشَّجاعَه بِالتَعليم الحَقيقي و يَوَبِّخ البِقاوِمو.

تِيطُس 2:15

و قول ليهُم الحاجات دي. و إترَجّى و وَبِّخ بِكُلّو سُلطَه. و ما تَخَلّي أي واحِد يَحتَقِرَك.

تِيطُس 2:6

و كِدا كَمان أَدِّي نَصيحَه لِلشَّباب أن يَمسِكو النَفس.

تِيطُس 2:9

آمُر الخَدّامين يَطيعو أسيادُم و يَبسِطوهُم في كُلّو حاجَه، و ما يَعاكِسُم في الكَلام.

عِبرانيين 10:25

و ما نَسيب إجتِماعنا سَوا زي ما بَعض مِن النّاس عِندَهُم عادَه. لَكِن خَلّونا نَشَجِّع بَعَضَنا بَعض و بِالزِّيادَه بِقَدُر ما تَشوفو اليوم يَقَرِّب.

عِبرانيين 13:22

بَسألكُم، يا أخوان، تِتحَمَّلو كِلمَة الشَّجاعَه، عَلَشان كَتَبتَ ليكُم جَواب صَغَيِر.

عِبرانيين 3:13

لَكِن حَزِّرو بَعضَكُم بَعض كُلّو يوم ما دام يَسَمّو الوَكِت النَّهار دا، عَلَشان راس واحِد مِنَّكُم ما بِكون قَوّي مِن غِش الخَطيَّه.

١ بُطْرُس 5:12

كَتَبتَ ليكُم بِكِلمات قَليلَه بِإيد سِلْوَانُس، الحَسبتو أخو أمين. أنا عاوِز أشَجِّعكُم و أشهَد ليكُم إنّو بِالحَق، دي نِعمَة الله. إستَمِرّو فيها.

يَهُوذَا 1:20

لَكِن إنتو، يا مَحبوبين، أبنو نُفوسكُم في إيمانكُم القُدّوس، و صَلّو في الرّوح القُدُس.