١ كُورِنْثُوس 14:20 - كِتاب العَهد الجَّديد مِن الكِتاب المُقَدَّس

²⁰ يا أخوان، ما تَكونو أولاد في أفكاركُم. كونو أولاد صُغار في الشَّر، لَكِن في أفكاركُم كونو كامِلين.

١ كُورِنْثُوس 14:20 Iomraidhean Croise

مَتَّى 11:25

في الوَكِت داك يَسُوع قال: ”أشكُرَك، يا أبو، رَب السَّما و الأرض، عَشانَ إنتَ دَسيت الحاجات دي مِن الفاهمين و المِتعَلِّمين، و وَرّيتا لِلاطفال.

مَتَّى 18:3

و قال: ”الحَق أقول ليكُم، إذا ما بِتَرجَعو و تَكونو زي الأولاد، ما بِتَدخُلو مَلَكوت السَّما أبَداً.

مَتَّى 19:14

لَكِن يَسُوع قال: ”خَلّو الأولاد يَجو لَي، و ما تَمنَعوهُم، عَشان مَلَكوت السَّما لِأولاد زي ديل.“

مَتَّى 19:4

رَدَّ عَليهُم و قال: ”ما قَريتو هو الخَلَقُم مِن البِدايَه خَلَقُم راجِل و مَرَه؟

مَرْقُس 10:15

أقول ليكُم الحَق، الما يَقبَل مَلَكوت الله زي وَلَد، ما بِدخُلو أبَداً.“

لُوقَا 18:17

الحَق أقول ليكُم، أي واحِد الما بِقبَل مَلَكوت الله زي وَلَد صَغَيِر، ما بِدخُلو أبَداً.“

رُومِيَه 1:13

أنا ما عاوِزكُم تَكونو بِدون مَعرِفَه، يا أخوان، مَرّات كَتيرَه قَرَّرتَ أجي ليكُم فِشان ألقى ثِمار مِنَّكُم كَمان، زي في الأُمَم التّانيين. و لَكِن مَنَعوني لِغايَة هَسَّع.

رُومِيَه 16:19

عَشان كُل النّاس سِمِعو بِطاعَتكُم. و عَلَشان كِدا أنا مَبسوط بيكُم. و لَكِنّي دَايِركُم تَكونو فاهمين لِلخير و بُسَطاء لِلشَّر.

١ كُورِنْثُوس 13:11

لَمّا كُنتَ وَلَد، كُنتَ بَتكَلَّم زي وَلَد، و كُنتَ بَفتَكِر زي وَلَد، و كُنتَ بَحسِب زي وَلَد. و لَكِن لَمّا بِقيت راجِل، وَقَّفتَ حاجات الوَلَد.

١ كُورِنْثُوس 14:19

و لَكِن في الكَنيسَه، أنا داير أتكَلَّم خَمسَه كِلمات بِفَهمي، عَشان أعَلِّم بيها التّانيين، مِن أن أتكَلَّم أكتَر مِن عَشَرَة آلاف كِلمَه بِلُغَه غَريبَه.

١ كُورِنْثُوس 2:6

لَكِن نِتكَلَّم بِحِكمَه بين الكامِلين، و الحِكمَه دي ما مِن الزَّمَن دا، ولّا مِن مُديرين الزَّمَن دا، البِكونو بِدون فايدَه.

أفَسُس 4:13

و هو بيَعمِل كِدا لِغايَة ما كُلُّنا بِنَجي لِوَحدَة الإيمان و مَعرِفَة إبن الله، لِإنسان كامِل، لِقِياس مَليان بِتاع كَمال المَسيح.

فيلِبّي 1:9

و أهي دي الصَّلاه بِتاعي: أن مَحَبَّتكُم تَزيد أكتَر و أكتَر في المَعرِفَه و في كُلّو فَهم،

فيلِبّي 3:15

كُلُّنا الكامِلين، خَلّينا نَفتَكِر كِدا. و إذا عِندَكُم فِكر تاني في أي شي، الله يَوَرّيكُم داك كَمان.

١ بُطْرُس 2:2

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.