١ كُورِنْثُوس 13:5 - كِتاب العَهد الجَّديد مِن الكِتاب المُقَدَّس

⁵ و المَحَبَّه عِندَها أدَب، و ما تَطلُب حاجَه لِنَفسا، و ما تَزعَل قَوام، و ما تَفَكِّر في الشَّر.

١ كُورِنْثُوس 13:5 Iomraidhean Croise

مَتَّى 5:22

و لَكِن أنا أقول ليكُم، كُل اليَزعَل عَلى أخوهو، هو قَرَّب لِلحُكم. و اليَقَول لِأخوهو: يا بَليد، هو قَرَّب لِلمَجِلس. و اليَقول: يا غَشيم، هو قَرَّب لِنار جَهَنَّم.

مَتَّى 9:4

لَكِن يَسُوع عِرِف أفكارُم و قال: ”لِشِنو تِتفَكَّرو فِكر بَطّال في قُلوبكُم؟

مَرْقُس 3:5

و عايَن ليهُم و حَوَليهو بِزَعل، و كان حَزين عَلَشان قُلوبُم قَوّيَّه. و قال لِلرّاجِل: ”مِد إيدَك.“ و هو مَدّاها، و إيدو بِقَت طَيبَه.

لُوقَا 7:39

و لَمّا شاف كِدا، الفرِّيسي الناداهو قال في نَفسو: ”الرّاجِل دا إذا نَبي كان عِرِف مِنو المَرَه دي، و مِنو هي البِتَلمَسو إنَّها خَاطيَه.“

١ كُورِنْثُوس 10:24

ما تَخَلّي واحِد يَطلُب البِساعِد نَفسو، لَكِن البِساعِد التّاني.

١ كُورِنْثُوس 10:33

زي ما أنا كَمان أبسِط كُل النّاس في كُلّو شي. و ما بَطلُب البِكون لِفايدَة نَفسي، لَكِن البِكون لِفايدَة كَتيرين عَشان يَخلَصو.

١ كُورِنْثُوس 11:18

في الأوَّل، لَمَّن تِتلَمّو في الكَنيسَه، أسمَع إنّو في بينكُم إنقِسامات، و أصَدِّق بَعض مِن دا.

١ كُورِنْثُوس 12:25

عَلَشان ما بِكون إنقِسام في الجِّسِم، لَكِن عَشان الأعضاء يَكونو عِندَهُم فِكرَه واحدَه بَعضَهُم لِبَعض.

١ كُورِنْثُوس 7:36

و لَكِن يِمكِن واحِد يَفتَكِر هو ما يَعمِل المَوافِق عَشان عَزراءو. و إذا هي كِبرَت، و هو لازِم يِتزَوَّج، خَلّوهُم يِتزَوَّجو، زي ما هو داير. هو ما يَعمِل خَطيَّه.

٢ كُورِنْثُوس 5:19

يَعني الله كان يَصالِح الدُّنيا لِنَفسو في المَسيح. و ما يَحسِب ليهُم خَطاياهم. و خَتَّ فينا كِلمَة المُصالَحَه.

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

فيلِبّي 2:21

عَشان كُلّو واحِد مِنَّهُم يَهتَمّو بِأحوال نُفوسُم، و مُش لِحال يَسُوع المَسيح.

فيلِبّي 4:8

و في الآخِر، يا أخوان، كُل الهو حَقيقي، و كُل الهو مُحتَرِم، و كُل الهو عادِل، و كُل الهو نَضيف، و كُل الهو مَحبوب، و كُل الهو خَبَرو كوَيس، إذا فيهو الخير، و مُستَحِق الحَمد، فَكِّرو في الحاجات دي.

٢ تَسَالُونِيكِي 3:7

عَشان إنتو نُفوسكُم بِتَعرِفو كيف لازِم تَعمِلو زي ما نِحنا نَعمِل. عَشان نِحنا ما كُنّا كَسلانين لَمّا كُنّا مَعاكُم،

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

٢ تِيمُوثَاوُس 4:16

أوَّل مَرَّه في قَضيَّتي، و لا واحِد وَقَف مَعاي، لَكِن كُلُّهُم خَلّوني. الله ما يَحسِب دا عَليهُم!

يَعْقُوب 1:19

أعرِفو دا، يا أخواني المَحبوبين. خَلّي كُلّو زول يَكون قَوّام في السَمَع، بِشيش في الكَلام، بِشيش في الزَّعَل.