١ كُورِنْثُوس 12:9 - كِتاب العَهد الجَّديد مِن الكِتاب المُقَدَّس

⁹ و لِتاني، إيمان بِنَفس الرّوح، و لِتاني، هَدايا الشِّفا بِالرّوح الواحِد.

١ كُورِنْثُوس 12:9 Iomraidhean Croise

مَتَّى 10:8

أشفو العَيّانين، قَوِّمو المَيِّتين، نَضِّفو العِندَهُم الجِّزام، طَلِّعو الشّياطين. أخَدتو مَجّاناً، أدّو مَجّاناً.

مَتَّى 21:21

يَسُوع رَدَّ و قال ليهُم: ”أقول ليكُم الحَق، إذا عِندَكُم إيمان، و ما تَشِكّو في قُلوبكُم، إنتو ما بِتَعمِلو بَس الأنا عَمَلتو لِلشَّجَرَه، لَكِن إذا بِتقولو لِلجَّبَل دا: أمشي، أرمي نَفسَك في البَحَر، بِكون كِدا.

مَرْقُس 16:18

و يَرفَعو دَبايب بِإيديهُم، و إذا يَشرَبو أي شي البِكتُل، ما بِجيب ليهُم عَوَجَه أبَداً. و بِخُتّو إيدينُم عَلى العَيّانين، و بِكونو شُداد.“

مَرْقُس 6:13

و طَلَّعو شياطين كَتيرَه، و دَهَنو بِزيت ناس عَيّانين كُتار، و شَفوهُم.

لُوقَا 10:9

و أشفو المَرضانين الفي البيت، و قولو ليهُم: مَلَكوت الله قَرَّب مِنَّكُم.

لُوقَا 9:2

و رَسَّلُم يَبَشِّرو بِمَلَكوت الله و يَشفو المَرضانين.

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

أعمال الرُّسُل 5:15

و النّاس كانو بِجيبو العَيّانين لِلسِّكَك، و بِخُتّوهُم عَلى عَناقريب و بُروش، عَلَشان إذا مُمكِن ضُل بُطْرُس يَقَع عَلى بَعض مِنَّهُم.

١ كُورِنْثُوس 12:28

و الله خَتَّ في الكَنيسَه، الأوَّل رُسُل، التّاني أنبياء، التّالِت مُعَلِّمين، بَعدين عامِلين عَجايِب، بَعَد دا هَدايا الشِّفا، مُساعَدات، تَرتيبات، و أنواع اللُّغات.

١ كُورِنْثُوس 12:30

الكُلّو عِندَهُم هَدايا الشِّفا؟ الكُلّو يِتكَلَّمو بِلُغات؟ الكُلّو يَتَرجِمو؟

١ كُورِنْثُوس 13:2

و إذا كان عِندي هَديَّة النُّبوَّه، و بَعرِف كُل الأسرار، و كُلّو مَعرِفَه، و إذا كان عِندي كُل الإيمان لِغايَة ما أحَرِّك الجِبال، و لَكِن ما عِندي مَحَبَّه، أنا ما حاجَه.

٢ كُورِنْثُوس 4:13

و عِندَنا روح الإيمان زاتو زي ما مَكتوب: ”آمَنتَ، عَلَشان كِدا إتكَلَّمتَ.“ و نِحنا كَمان بِنآمِن، و عَلَشان كِدا بِنِتكَلَّم.

أفَسُس 2:8

عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله،

عِبرانيين 11:33

بِالإيمان هُم غَلَبو مَمالِك، عَمَلو البِر، و قِبلو الوُعود. هُم قَفَلو خُشوم الأُسود،