١ كُورِنْثُوس 12:13 - كِتاب العَهد الجَّديد مِن الكِتاب المُقَدَّس

¹³ عَشان كُلُّنا بِروح واحِد إتعَمَّدنا لِجِسِم واحِد، إذا كُنّا يَهود ولّا ناس إغريقيين، خَدّامين ولّا العِندَهُم حُرّيَّه. و هو أدّانا كُلُّنا روح واحِد عَشان نَشرِبو.

١ كُورِنْثُوس 12:13 Iomraidhean Croise

مَتَّى 3:11

أنا بَعَمِّدكُم بِمويَه لِلتّوبَه. و لَكِن هو البِجي بَعَدي قَوّي مِنّي. و أنا ما كوَيس حَتّى أشيل جِزَمو. هو بِعَمِّدكُم بِالرّوح القُدُس و النّار.

لُوقَا 3:16

رَدَّ عَليهُم يُوحَنَّا: ”صَحيح، أنا بَعَمِّدكُم بِالمويَه، لَكِن بِجي واحِد قَوّي مِنّي. و أنا ما مُستَحِق أفِك جِزَمو. و هو بِعَمِّدكُم بِالرّوح القُدُس و النّار.

يُوحَنَّا 1:16

و نِحنا كُلُّنا أخَدنا مِن خيرو الكَتير، نِعمَه فوق نِعمَه.

يُوحَنَّا 1:33

و أنا ما كُنتَ عارِفو، لَكِن الرَّسَّلني عَشان أعَمِّد بِالمويَه، هو قال لَي: البِتشوف الرّوح نازِل و يِستَنّى عَليهو، دا هو البِعَمِّد بِالرّوح القُدُس.

يُوحَنَّا 3:5

يَسُوع قال ليهو: ”الحَق الحَق أقول ليك، إذا كان واحِد ما بِتوَلَد مِن المويَه و الرّوح، هو ما بِقدَر يَدخُل مَلَكوت الله.

يُوحَنَّا 4:10

يَسُوع قال ليها: ”إنتي إذا كُنتي تَعرِفي هَديَّة الله، و مِنو هو البقول ليكي: أدّيني عَشان أشرَب، كُنتي طَلَبتي مِنّو، و هو كان أدّاك مويَه حَيَّه.“

يُوحَنَّا 4:14

لَكِن البِشرَب مِن المويَه الأنا أدِيها ليهو، ما بِيَعطَش تاني أبَداً. عَشان المويَه الأنا بَدّيها ليهو، بَتَبقى فيهو عين مويَه يَطلَع لِلحَياة الأبَديَّه.“

يُوحَنَّا 6:63

الرّوح هو البِدّي حَياة، لَكِن الجِّسم ما فيهو فايدَه. الكَلام البَقولو ليكُم هَسَّع، هو روح و حَياة.

أعمال الرُّسُل 1:5

عَشان يُوحَنَّا عَمَّد بِالمويَه، و لَكِن إنتو بِتِتعَمَّدو بِالرّوح بَعَد أيام قَليلَه.“

رُومِيَه 3:22

و بِر الله دا بِالإيمان بِيَسُوع المَسيح، لِكُل البِآمِنو. عَشان ما في فارِق،

رُومِيَه 3:29

الله لِليَهود بَس؟ هو ما لِلأُمَم كَمان؟ أيوَه، لِلأُمَم كَمان.

رُومِيَه 4:11

و أخَد عَلامَة الطَّهور زي خِتِم لِلبِر الكان عِندو بِإيمان لَمّا هو لِسَّع ما كان مُطَهَّر. و بِدا بِقى أبو لِكُل البِآمِنو و هُم لِسَّع ما مُطَهَّرين، عَلَشان يَحسِبو ليهُم البِر كَمان.

١ كُورِنْثُوس 10:2

و كُلُّهُم إتعَمَّدو لِمُوسَى في السَّحابَه و في البَحَر المالِح.

غَلَاطِيَّه 3:23

و لَكِن قُبّال ما الإيمان جا، نِحنا كُنّا مَحفوظين تِحِت القانون، و مَقفول عَلينا حَتّى الإيمان الجّاي يَظهَر.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

أفَسُس 3:6

و دا هو السِّر، إنّو الأُمَم يَشتَرِكو سَوا في الميراث، و هُم أعضاء سَوا في جِسِم واحِد. و يَشتَرِكو سَوا في الوَعَد في المَسيح يَسُوع بِالإنجيل.

أفَسُس 4:5

في رَب واحِد، و إيمان واحِد، و مَعموديَّه واحدَه،

أفَسُس 5:26

عَشان يَقَدِّسا و يَنَضِّفا بِغَسيل المويَه بِالكِلمَه.

أفَسُس 6:8

عَلَشان إنتو بِتَعرِفو كُلّو واحِد اليَعمِل حاجَه طَيبَه، هو بِقبَل زيهو مِن الرَّب، إذا هو عَبد ولّا حُر.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

كُولُوسِّي 3:11

هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.