١ كُورِنْثُوس 12:10 - كِتاب العَهد الجَّديد مِن الكِتاب المُقَدَّس

¹⁰ و لِتاني، عَجايِب، و لِتاني، نُبوَّه، و لِتاني، قُدرَه عَشان يَفهَم الفارِق بين الأرواح، و لِتاني، قُدرَه عَشان يتكَلَّم بِأنواع اللُّغات، و لِتاني، تَرجَمَة لُغات.

١ كُورِنْثُوس 12:10 Iomraidhean Croise

مَرْقُس 16:17

و العَلامات دي تَمشي مَعَ المِصَدِّقين. بِإسمي، يَمَرِّقو شياطين، و يِتكَلَّمو بِلُغات جَديدَه،

مَرْقُس 16:20

و لَكِن هُم مَرَقو، و بِشَّرو في كُلّو مَكان. و الرَّب كان يَشتَغِل مَعاهُم و يَثَبِّت الكِلمَه بِالعَلامات الكانَت تَمشي مَعاها.

لُوقَا 24:49

و شوفو، بَرَسِّل ليكُم وَعد أبوي. إستَنّو في أُورُشَلِيم لِغايَة ما تَلبَسو قُوَّه مِن فوق.“

يُوحَنَّا 14:12

الحَق الحَق أقول ليكُم، البِآمِن بي، الأعمال الأنا بَعمِلا، هو كَمان يَعمِلا. و يَعمِل أكبَر مِنَّها، عَشان أنا ماشي لِلأبو.

يُوحَنَّا 16:13

لَكِن لَمّا روح الحَق يَجي، هو بِوَرّيكُم كُل الحَق. عَشان هو ما بِتكَلَّم مِن نَفسو، لَكِن كُل البِسمَع، هو بِتكَلَّم بيهو. و بِوَرّيكُم الحاجات الجّايَه.

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

أعمال الرُّسُل 11:27

و في الأيام ديلاك، أنبياء نَزَلو مِن أُورُشَلِيم لِأَنْطَاكِيَه.

أعمال الرُّسُل 11:28

و قام واحِد مِنَّهُم إسمو أغابوس، و إتنَبّأ بِالرّوح عَن جوع شَديد البِكون في كُل الدُّنيا. و داك حَصَل في أيام كُلُودِيُوس.

أعمال الرُّسُل 19:6

و لَمّا بُولُس خَتَّ إيدينو فوقُم، الرّوح القُدُس جا عَليهُم، و إتكَلَّمو بِلُغات و إتنَبّو.

أعمال الرُّسُل 5:3

و بُطْرُس قال: ”يا حَنانيّا، لِشِنو الشّيطان مَلا قَلبَك حَتّى تَكَضِّب عَلى الرّوح القُدُس، و تاخُد جُزو مِن تَمَن الزِّراعَه لِنَفسَك؟

رُومِيَه 12:6

لَكِن عِندَنا هَدايا مُختَلِفَه، بِحَسَب النِّعمَه الأدّاها لينا. العِندو هَديَّة النُّبوَّه، خَليهو يَشتَغِل بيهو بِحَسَب إيمانو.

رُومِيَه 15:19

بِقوَّة العَلامات و العَجايِب، بِقوَّة الرّوح القُدُس. كِدا بَشَّرتَ بِالتَّمام بِإنجيل المَسيح مِن أُورُشَلِيم و الحَواليها لِإِلِّيرِيكُون.

١ كُورِنْثُوس 11:4

كُلّو راجِل يَصَلّي ولّا يِتنَبّا و رَاسو مُغَطّى يَشتِم رَاسو.

١ كُورِنْثُوس 13:8

المَحَبَّه ما تَقَع أبَداً. إذا كان في نُبوات، هُم بِتَخلَصو، و اللُّغات عِندَهُم نِهايَه، و المَعرِفَه بِتَخلَص.

١ كُورِنْثُوس 14:13

بِالسَّبَب دا، الزّول البِتكَلَّم بِلُغَه، خَليهو يَصَلّي عَشان يَتَرجِمو.

١ كُورِنْثُوس 14:39

عَشان كِدا، يا أخواني، حِبّو شَديد أن تِتنَبّو، و ما تَمنَعو البِكَلِّم بِلُغات.

غَلَاطِيَّه 3:5

البِدّيكُم روحو و بيَعمِل عَجايِب بينكُم، هو بيَعمِلو عَلَشان إنتو تَحفَظو القانون ولّا عَشان بِتآمِنو السِّمِعتوها؟

١ تَسَالُونِيكِي 5:20

ما تَقولو النُّبوات ما مُهِمَّه.

عِبرانيين 2:4

و الله كَمان شِهِد بيهو مَعاهُم بِالعَلامات و العَجايِب و القُوّات المُختَلِفَه و هَدايات الرّوح القُدُس، الهو قَسَّمُم حَسَب إرَادَتو.

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

رؤيا 2:2

أنا بَعرِف أعمالَك و تَعبَك و صَبرَك، و إنتَ ما تَقدَر تِتحَمَّل الشَّرّيرين. و إنتَ جَرَّبتُم البِسَمّو نُفوسُم رُسُل، لَكِن هُم مُش رُسُل، و لِقيتُم كاضِبين.