١ كُورِنْثُوس 11:26 - كِتاب العَهد الجَّديد مِن الكِتاب المُقَدَّس

²⁶ عَشان كُلّو مَرَّه وَكِت ما تاكلو العيش دا و تَشرَبو مِن الكُبّايَه دي، تَخَبِّرو بِموت الرَّب لِغايَة ما يَجي.

١ كُورِنْثُوس 11:26 Iomraidhean Croise

يُوحَنَّا 14:3

و لَمّا أمشي و أجَهِّز ليكُم مَكان، بَجي تاني و باخُدكُم لِنَفسي. و المَحَل الأنا بَكون فيهو، إنتو تَكونو فيهو كَمان.

يُوحَنَّا 21:22

يَسُوع قال ليهو: ”إذا إرادَتي إنّو يَعيش لِغايَة ما بَجي، دا شِنو ليك؟ إنتَ تَعال وَراي.“

يُوحَنَّا 21:23

و الكَلام دا بِقى مَعروف بين الأخوان، إنّو التِّلميذ داك ما بِموت. لَكِن يَسُوع ما قال ليهو إنّو ما بِموت، لَكِن ”إذا إرادَتي إنّو يَعيش لِغايَة ما بَجي، دا شِنو ليك؟“

أعمال الرُّسُل 1:11

و قالو: ”يا رُجال الجَّليل، مالكُم واقفين بِتعايِنو لِلسَّما؟ يَسُوع دا نَفسو الإترَفَع مِنَّكُم لِلسَّما، هو بِرجَع زي ما شُفتوهو ماشي لِلسَّما.“

١ كُورِنْثُوس 15:23

لَكِن كُلّو واحِد في دورو. المَسيح الأوَّل القام. بَعدين لَمّا المَسيح بِجي، هُم بِتوع المَسيح بِكونو حَيين.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

١ تَسَالُونِيكِي 4:16

عَشان الرَّب نَفسو بِنزِل مِن السَّما، و عِندو كِلمَة الأمر، و صوت رَئيس مَلائكَه، و بوق الله. و المَيِّتين في المَسيح بِقومو في الأوَّل.

٢ تَسَالُونِيكِي 1:10

لَمّا هو بِجي عَشان يَقبَل المَجد مِن قِدِّسِينو. و في اليوم داك، المؤمِنين بِدّوهو إحتِرام بِفَرَح. و إنتو كَمان بِتكونو مَعاهُم، عَلَشان إنتو صَدَّقتو شَهادَتنا ليكُم.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

٢ بُطْرُس 3:10

و لَكِن يوم الرَّب بِجي زي الحَرامي. و في اليوم داك، السَّماوات بِفوتو بِصوت عالي، و النُّجوم بيَهلِكو مِن الحَر، و الأرض و الأشغال الفيها بِنحَرِقو.

١ يُوحَنَّا 2:28

و هَسَّع، يا أولاد، أسكُنو فيهو، عَشان إذا يَظهَر، يَكون عِندَنا تأكيد، و ما نَخجَل مِنّو لَمّا يَجي.

يَهُوذَا 1:14

و أَخْنُوخ، السّابِع مِن آدَم، إتنَبّأ عَن ديل و قال: ”شوفو! جا الرَّب مَعَ آلاف كَتيرَه مِن قِدِّسِينو.

رؤيا 1:7

شوفو! هو جاي مَعَ السَّحاب. و كُلّو عين بِتشوفو، حَتّى ديل الطّعَنوهو. و كُلّو قَبايل الأرض بيبكو عَليهو. أيوَه، خَليهو يَكون كِدا.

رؤيا 22:20

الشّاهِد بِالحاجات دي يَقول: ”أيوَه، أنا جاي قَريب.“ آمين! تَعال، يا رَب يَسُوع!