١ كُورِنْثُوس 1:9 - كِتاب العَهد الجَّديد مِن الكِتاب المُقَدَّس

⁹ الله أمين، هو النّاداكُم لِشَرِكَة إبنو يَسُوع المَسيح رَبَّنا.

١ كُورِنْثُوس 1:9 Iomraidhean Croise

مَتَّى 24:35

السَّما و الأرض بِفوتو، و لَكِن كَلامي ما بِفوت أبَداً.

يُوحَنَّا 17:21

أنا بَصَلّي عَشان كُلُّهُم بِكونو واحِد، زي ما إنتَ فِيني يا أبوي، و أنا فيك. و بَصَلّي كَمان عَشان هُم بِكونو فينا، فِشان ناس الدُّنيا بِآمِنو إنتَ رَسَّلتَني.

رُومِيَه 11:17

و هُم قَطَعو بَعَض الفُروع مِن شَجَرَة الزّيتون، و جَمَعو ليها فَرَع مِن شَجَرَة زيتون الخَلا. إنتو الأُمَم زي شَجَرَة زيتون الخَلا، و هَسَّع عِندَكُم قِسِم في عِرق شَجَرَة الزّيتون، يَعني اليَهود، و قُوَّة حَياتا.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

رُومِيَه 8:30

و ديل الإختارُم مِن قُبّال، هو ناداهُم كَمان، و ديل الناداهُم، هو بَرَّرُم كَمان، و البَرَّرُم ديل، هو مَجَّدُم كَمان.

رُومِيَه 9:24

و عَلينا نِحنا الهو نادانا، مُش مِن اليَهود بَس، لَكِن مِن الأُمَم كَمان.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

١ كُورِنْثُوس 10:13

ما في تَجرِبَه حَصَلَت ليكُم إلّا زي ما تَجي لِكُل النّاس. لَكِن الله أمين. هو ما يَخَلّيكُم تَكونو مُجَرَّبين فوق ما تَقدَرو. لَكِن لَمّا تَكونو مَجَرَّبين، هو بيَعمِل طَرِيقَة الهُروب عَشان تَقدَرو تِتحَمَّلوها.

١ كُورِنْثُوس 10:16

كُبّايَة البَرَكَه البيها نَبارِك، ما هي شَرِكَة دَم المَسيح؟ العيش النَّكَسِّرو، ما هو شَرِكَة جِسِم المَسيح؟

٢ كُورِنْثُوس 1:18

لَكِن زي ما الله أمين، كَلامنا ليكُم كَمان مُش ”أيوَه“ و ”لا.“

غَلَاطِيَّه 1:15

لَكِن الله، الإختارني مِن بَطُن أُمّي، و ناداني بِنِعمَتو،

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

أفَسُس 3:6

و دا هو السِّر، إنّو الأُمَم يَشتَرِكو سَوا في الميراث، و هُم أعضاء سَوا في جِسِم واحِد. و يَشتَرِكو سَوا في الوَعَد في المَسيح يَسُوع بِالإنجيل.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

١ تَسَالُونِيكِي 2:12

و كُنّا نَوَرّيكُم كيف تَعيشو الحَياة المُستَحِقَّه لِلَّه، و هو اليَناديكُم لِمَلَكوتو و مَجدو.

٢ تَسَالُونِيكِي 2:14

و هو ناداكُم لِدا بِإنجيلنا، عَشان تَقبَلو مَجد رَبَّنا يَسُوع المَسيح.

٢ تَسَالُونِيكِي 3:3

لَكِن الرَّب أمين، و هو بِثَبِّتكُم و بِحفَظكُم مِن الشَّرّير.

٢ تِيمُوثَاوُس 1:9

هو خَلَّصنا و إختارنا إختِيار مُقَدَّس، مُش بِحَسَب أعمالنا، لَكِن بِفِكرو و نِعمَتو. و هو أدّانا النِّعمَه دي في المَسيح يَسُوع مِن قُبّال الوَكِت الأبَدي،

٢ تِيمُوثَاوُس 2:13

و إذا نِحنا مُش أُمَنا، هو يِستَمِر أمين، عَلَشان هو ما بِقدَر يَنكُر نَفسو.“

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

عِبرانيين 10:23

و خَلّونا نَمسِك بِشَهادَة الرَّجاء ثابِتين، عَشان هو الوَعَدنا أمين.

عِبرانيين 11:11

بِالإيمان سَارَه نَفسا كَمان قِبِلَت قُوَّه عَشان تَحمَل وَلَد بَعَد ما بِقَت عَجوزَه عَلَشان هي حَسبَتو أمين، هو الوَعد بِدا.

عِبرانيين 2:17

و عَلَشان كِدا، هو كان لازِم يَكون زي أخوانو في كُلّو حاجَه، عَلَشان يَكون رَئيس قُسُس رَحيم و أمين في حاجات الله. و عَشان يَدفَع عَن خَطايا النّاس.

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

١ يُوحَنَّا 1:3

و نَخَبِّركُم بِالشُّفناهو و سِمِعناهو، عَلَشان تَكون ليكُم كَمان شَرِكَه مَعانا. و شَرِكَتنا هي مَعَ الأبو و مَعَ إبنو يَسُوع المَسيح.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

١ يُوحَنَّا 4:13

بِدا بِنَعرِف نِحنا نَعيش فيهو و هو فينا، عَشان هو أدّانا مِن روحو.

رؤيا 19:11

و بَعدين شُفتَ السَّما مَفتوحَه. و شوف! حُصان أبيَض، و الرّاكِب فوقو إسمو، الأمين و الصّادِق. و هو يَحكُم و يَحارِب بِالعَدل.