١ كُورِنْثُوس 1:7 - كِتاب العَهد الجَّديد مِن الكِتاب المُقَدَّس

⁷ و عَشان كِدا إنتو ما ناقصين في أي هَدِيَّه مِن الرّوح، و إنتو مُستَنّين ظُهور رَبَّنا يَسُوع المَسيح.

١ كُورِنْثُوس 1:7 Iomraidhean Croise

مَتَّى 25:1

في الوَكِت دا، مَلَكوت السَّما بِكون زي عَشَرَه بَنات اَخَدو لَمباتُم، و مَشو يَقابِلو العَريس.

لُوقَا 12:36

و كونو زي ناس مُنتَظِرين سيدُم لَمّا يَرجَع مِن العِرِس، عَلَشان لَمّا يَجي و يَدُق الباب، يَفتَحو ليهو طَوّالي.

لُوقَا 17:30

و بِكون كِدا كَمان في اليوم الفيهو إبن الإنسان يَظهَر.

رُومِيَه 8:19

عَشان الخَليقَه تِستَنّى بِرَجاء شَديد لِغايَة أولاد الله يَظهَرو.

رُومِيَه 8:23

و مُش دا بَس، لَكِن نِحنا كَمان، العِندَنا أوَّل ثِمار الرّوح، نِحنا نَبكي في نُفوسنا مُنتَظِرين لِلَّه اليَعمِلنا أولادو، يَعني فِداء أجسامنا.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

٢ كُورِنْثُوس 12:13

و في أي شي كُنتو ناقصين عَن الكَنايس التّانيين إلّا عَشان أنا ما كُنتَ حِمِل ليكُم؟ أغفِرو لَي الخَطيَّه دي.

غَلَاطِيَّه 5:5

عَشان نِحنا بِالرّوح، بِالإيمان، نِستَنّا رَجاء البِر.

فيلِبّي 3:20

و لَكِن وَطَنّا في السَّما. و نَستَنّا مُخَلِّص مِن هِناك، الرَّب يَسُوع المَسيح.

كُولُوسِّي 3:4

لَمّا المَسيح حَياتنا يَظهَر، في الوَكِت دا إنتو كَمان تَظهَرو مَعاهو في المَجد.

١ تَسَالُونِيكِي 1:10

و يَخَبِّرو كيف إنتو تِستَنّو إبنو مِن السَّما، هو القَوَّمو الله مِن الموت، يَسُوع اليَخَلِّصنا مِن الغَضَب الجّاي.

٢ تَسَالُونِيكِي 1:7

و ليكُم البِتَتعَبو، هو بِدّيكُم راحَه مَعانا في ظُهور الرَّب يَسُوع مِن السَّما في نار مَوَلَّعَه مَعَ مَلائكَتو القَوّيَّه.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

١ بُطْرُس 1:13

عَلَشان كِدا، جَهِّز عُقولكُم لِلعَمَل، أمسِكو نُفوسكُم، و خُتّو رَجاكُم بِالتَّمام في النِّعمَه البِجيبوها ليكُم عِند ظُهور يَسُوع المَسيح.

١ بُطْرُس 4:13

لَكِن أفرَحو، عَشان تَشتَرِكو في أتعاب المَسيح، حَتّى تَفرَحو في ظُهور مَجدو.

١ بُطْرُس 5:4

و لَمّا يَظهَر رَئيس الرُّعاه، بِتاخدو تاج المَجد الما بِفوت.

٢ بُطْرُس 3:12

و إنتو مُنتَظِرين و مِستَعجِلين يوم الله البِجي. عَلَشان اليوم داك بِجيب خَراب السَّماوات بِالنّار، و الحَر الشَّديد بِخرَب النُّجوم.

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

يَهُوذَا 1:21

و أحفَظو نُفوسكُم في مَحَبَّة الله، مُنتَظِرين رَحمَة رَبَّنا يَسُوع المَسيح لِلحَياة الأبَديَّه.