١ كُورِنْثُوس 1:6 - كِتاب العَهد الجَّديد مِن الكِتاب المُقَدَّس

⁶ و كِدا شَهادَتنا عَن المَسيح إتأكَّدَت فيكُم.

١ كُورِنْثُوس 1:6 Iomraidhean Croise

مَرْقُس 16:20

و لَكِن هُم مَرَقو، و بِشَّرو في كُلّو مَكان. و الرَّب كان يَشتَغِل مَعاهُم و يَثَبِّت الكِلمَه بِالعَلامات الكانَت تَمشي مَعاها.

أعمال الرُّسُل 11:17

إذا كان الله أدّاهُم زات الهَدِيَّه الأدّانا لَمّا آمَنّا بالرَب يَسُوع المَسيح، أنا مِنو حَتّى أقدَر أوَقِّف الله؟“

أعمال الرُّسُل 11:21

و إيد الرَّب كانَت مَعاهُم. و عَدَد كَبير مِن النّاس آمَنو و رَجَعو لِلرَّب.

أعمال الرُّسُل 18:5

و لَمّا سِيلَا و تِيمُوثَاوُس جو مِن مَكِدونيَّه، بُولُس أدّا نَفسو عَشان يَبَشِّر بَس، و يَشهَد لِليَهود يَسُوع هو المَسيح.

أعمال الرُّسُل 20:21

أنا شاهِد لِليَهود و لِناس إغريقيين بِالتّوبَه لِلَّه، و الإيمان بِرَبَّنا يَسُوع المَسيح.

أعمال الرُّسُل 20:24

لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

أعمال الرُّسُل 22:18

و شُفتَ الرَّب يَقول لَي: ’أسرِع و أمرُق قَوام مِن أُورُشَلِيم، عَشانُم ما بِقبَلو شَهادَتَك لَي.‘

أعمال الرُّسُل 23:11

و في اللّيل البَعدو، الرَّب وَقَف جَمبو و قال ليهو: ”شِد حيلَك، زي ما شِهِدتَ لَي في أُورُشَلِيم، كِدا، لازِم تَشهَد في رُومِيَه كَمان.“

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

رُومِيَه 15:19

بِقوَّة العَلامات و العَجايِب، بِقوَّة الرّوح القُدُس. كِدا بَشَّرتَ بِالتَّمام بِإنجيل المَسيح مِن أُورُشَلِيم و الحَواليها لِإِلِّيرِيكُون.

٢ كُورِنْثُوس 12:12

بِالحَق أنا عَمَلتَ في وَسِطكُم عَلامات الرَّسول بِكُلّو صَبر، العَلامات، و العَجايِب، و القُوّات.

غَلَاطِيَّه 3:5

البِدّيكُم روحو و بيَعمِل عَجايِب بينكُم، هو بيَعمِلو عَلَشان إنتو تَحفَظو القانون ولّا عَشان بِتآمِنو السِّمِعتوها؟

٢ تَسَالُونِيكِي 1:10

لَمّا هو بِجي عَشان يَقبَل المَجد مِن قِدِّسِينو. و في اليوم داك، المؤمِنين بِدّوهو إحتِرام بِفَرَح. و إنتو كَمان بِتكونو مَعاهُم، عَلَشان إنتو صَدَّقتو شَهادَتنا ليكُم.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

٢ تِيمُوثَاوُس 1:8

عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

رؤيا 1:2

و هو شِهِد بِكِلمَة الله و بِشَهادَة يَسُوع المَسيح بِكُلّو شي الهو شافو.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 12:11

و هُم غَلَبوهو بِدَم الحَمَل و بِكِلمَة شَهادَتُم. و ما حَبّو حَياتُم كَتير و ما أبو يَموتو.

رؤيا 12:17

و التّنين غَضَب عَلى المَرَه. و مَشى عَشان يَحارِب باقي أولادا، البِحفَظو أوامِر الله و يَمسِكو بِشَهادَة يَسُوع.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“

رؤيا 6:9

و لَمّا فَتَح الخِتِم الخامِس، شُفتَ تِحِت المَضبَح، نُفوس النّاس الكانو مَكتولين عَشان خاطِر كِلمَة الله، و فِشان الشَّهادَه الكانَت عِندَهُم.