Uusu-uusu A Pol Hurula'aa Hunie Mo Rom 8:16 - Tataroha Diana

¹⁶ Liꞌoa Maaꞌi ko unu haꞌa-oaie tararuru peꞌie neꞌisaenga ikie uri ikie oto mo kalena God.

Uusu-uusu A Pol Hurula'aa Hunie Mo Rom 8:16 Iomraidhean Croise

Matiu 5:9

Deidehie mo iini nge kire ko esuie hanuelamanga, aena aana a God kei saire aana mo kalena.

Tataroha Diana I Sulie A Jisas Kraes Nge A Luk E Uusue 20:36

na kire saꞌa mae loꞌu. Oto aana iiꞌonga urine nge kire kei iiꞌo oto mola mala mo ensel. Mwala ngeena oto mo kalena God, nge kire taꞌelaꞌi eelihoꞌi loꞌu mwaanie maenga hunie maurihe haalu.

Tataroha Diana I Sulie A Jisas Kraes Nge A Jon E Uusue 1:12

Taꞌe ngaeta mo iini kire takuhie taane, na kire hiiwalaimoli oto aana. Oto e asuie uri ikire oto, kire ke neꞌie mo kalena God.

Palonga 5:32

Na melu leesie walu ola nge a God e asuiꞌi ienini nge melu ko unu tahangaꞌiniꞌi huniꞌomu. Na e kaꞌa ike mola iꞌemeelu nge melu ko ere urine, taꞌe a Liꞌoa Maaꞌi noꞌone, iini nge a God e niie hunie ahutana mo iini ko deu i sulie walana.”

Uusu-uusu A Pol Hurula'aa Hunie Mo Rom 8:14

Mwala nge Liꞌoa Maaꞌi a God ko naꞌoda, ikire oto mo kalena God.

Uusu-uusu A Pol Hurula'aa Hunie Mo Rom 8:19

Taꞌe-taꞌena nga ola a God e haꞌaholaa ko maa-maaꞌoohi peꞌi toꞌue luada huni leesie haataꞌinilana manikuluhaꞌana mo tohungei kalena God.

Uusu-uusu A Pol Hurula'aa Hunie Mo Rom 8:23

Na taꞌe mo olana haꞌike ni ko ngara-ngara urine, taꞌe ikie noꞌone kie ko ngara-ngara mola i manataka. Aana a God e niie Liꞌoa Maaꞌi hunikie mala nga naꞌohai niinge ingeie, na kie ko maaꞌoohi susutoꞌo hunie a God ke haꞌa-ahue konilaka hunie kie ke neꞌie mo tohungei kalena. Na leune kei reu aana maholo a God kei oolisie sapeka peꞌie mei sapei ola haalu.

Uusu-uusu A Pol Hurula'aa Hunie Mo Rom 8:26

Na mala a Liꞌoa Maaꞌi ko peꞌikie huni maaꞌoohi susutoꞌo urine, nge ko peꞌikie noꞌone aana taꞌena nga ola loꞌu kie ko mamaelaꞌa oto aani. Kie kaꞌa saie ike nga taa kie ke aarengaꞌi hunie, wa uri kie kei aarengaꞌi uri taa. Oto Liꞌoa Maaꞌi maraana e lae peꞌi aarengaꞌi talaka aana mo wala hule aana ikie na kie kaꞌa saiꞌi.

Uusu-uusu A Pol Hurula'aa Hunie Mo Rom 9:26

Na e unue loꞌu uuri, Aana leu nge nou ere kaꞌu hunire uuri, “Iꞌomu ngeena nga mwala ineu haꞌike,” taꞌe aana leune noꞌone mwala kei heꞌi haaraꞌinire loꞌu uri ikire mo kalena God nge e iiꞌo huu. Hosea 1:10

Uusu-uusu A Pol Hurula'aa Hunie Mo Rom 9:8

Oto e kaꞌa ike ahutana mo iini e hute aana komu e uure aana mei epu a Ebraham ni uri ikire mo kalena God. Taꞌe mo tohungei kalena God, ikire oto mo iini kire hute aana komu aana hiiwalaimolinge a Ebraham. Aana ikire oto kire hiiwalaimoli aana haiholotaꞌinge a God mala a Ebraham noꞌone e hiiwalaimoli aana haiholotaꞌinge a God

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

2 Korinit 1:22

na e niie Liꞌoa Maaꞌi ingeie ke iiꞌo huu oto i lalo aaka mala haꞌa-ara a God. Liꞌoa Maaꞌi ko haataꞌinie uri ikie mo iinoni a God, na ahutana mo heiholotaꞌinge a God kei oa oto hunikie.

2 Korinit 5:5

Na a God e pwaokie oto hunie ke urine, na e niie oto Liꞌoa Maaꞌi hunikie huni haataꞌinie uri leune kei reu oto toꞌohuu taane aana maholo hunie.

2 Korinit 6:18

Na ineu ne ke si neꞌie oto Aamamiu, na iꞌomu, omu ke neꞌie kaleku mwane na kaleku keni. Ineu a God, iini e aalaha haahie walutana nga ola, nge no ko ere ienini. 2 Samuel 7:14

Kalesia 3:26

Oto omu meni neꞌi kalena a God oto aana omu lado peꞌie a Jisas Kraes aena aana omu hiiwalaimoli aana.

Kalesia 4:6

Oto huni haataꞌinie uri kie neꞌie oto mo kalena a God toꞌohuu, a God e uusungeꞌinie mai Liꞌoa Maaꞌi aana a Kalena hunie ke iiꞌo i laona maurihaꞌaka. Na Liꞌoa ngeena ko si haataꞌinie uri kie sai soie a God Aamaka aana “Mamaꞌa.”

Epesas 1:13

Oto iꞌomu mo Aapoloa Aaopa noꞌone, omu neꞌi iinoni a God aana maholo omu rongoa mei wala toꞌohuu aana Tataroha Diana uri a God ko sare haꞌa-uuriꞌomu. Omu hiiwalaimoli oto aana Kraes ni ngeena, na huni haataꞌinie uri a God oto e toꞌo aamiu, e niie Liꞌoa Maaꞌi nge e haiholotaꞌinie oto huniꞌomu.

Epesas 4:30

Omu ke suꞌuri haꞌasaehuuꞌaa Liꞌoa Maaꞌi a God, iini nge a God e niie namiu domana uri nga haꞌa-ara huni haataꞌinie uri ingeie e toꞌo aamiu, na uri aana Dinge Ooreta kei luhesiꞌomu taꞌingelu mwaanie oorahaꞌaa.

1 Jon 3:1

!Leesie kaꞌu! Aamaka i Lengi e tohungei manata diana paine hunikie mo iini kie ko lulu i sulie a Jisas. Manata-diananga ingeie hunikie e paine liutaa, kaꞌu hule aana e haaraꞌinikie oto aana maeni kalena, na e kaꞌa satai ola mwaakule mola, taꞌe ikie mo kalena oto toꞌohuu. Na aena aana mwala aana walumalau kire kaꞌa manataꞌinie ike a God, nge kire kaꞌa manataꞌinikie noꞌone.

1 Jon 3:10

Oto i leune kie sai lio saie uri a tei nge e neꞌi kalena God, na a tei e neꞌi kalena a Pwelu Eero-eero. Aana taꞌena nga iini nge helelana e kaꞌa oodotaꞌi, wa ke manata diana hunie aasine, ingeie nga kalena God haꞌike.

1 Jon 3:2

Iau maeni malahuku, kie neꞌi mwela oto a God, na kie kaꞌa saie ue uri a God kei oolisikie loꞌu uri taa taꞌau i Lengi. Taꞌe kie saie taane oto uri maholo a Kraes kei ooli loꞌu mei, kie kei hei-oolisi mala ingeie, aana kie kei leesie tohungana manikuluhaꞌana.

1 Jon 4:13

A God e niie oto Liꞌoa Maaꞌi ingeie naka, na aena leune kie sai diana aana uri kie iiꞌo susu oto i lalo aana God na ingeie oto i lalo aaka.

1 Jon 5:10

Taꞌena nga iini ko hiiwalaimoli aana Kalena God, e saie uri nga taa a God e unue e toꞌohuu. Taꞌe iini e kaꞌa hiiwalaimoli aana a God, nge ko unue oto uri a God e sai eero, aena aana e kaꞌa hiiwalaimoli ike aana nga taa a God e unue i sulie a Kalena.

Haataꞌinge 21:7

Taꞌena nga iini nge kei aꞌailaꞌa taraꞌasi honosie aaelanga kei toꞌo aana mo ola ienini. Na ne kei neꞌie oto God ingeie, na ingeie kei neꞌie oto kaleku.