Uusu-uusu A Pol Hurula'aa Hunie Mo Rom 7:7 - Tataroha Diana

⁷ ?Oto nga taa nge kolu kei unue? ?Uri mo Haꞌatolanga kire aaela? !Haꞌike oto ooꞌoo! Mo Haꞌatolanga mone ko si da kie ko saie uri kie oorahaꞌaala. Mala uri mo Haꞌatolanga ke suꞌuri unue uuri, Mwaanie o sae-saehanali, Eksodas 20:17 haꞌalaa nou kaꞌa saie ike leune e aapu eena.

Uusu-uusu A Pol Hurula'aa Hunie Mo Rom 7:7 Iomraidhean Croise

Matiu 5:28

Taꞌe ineu, no ko unue huniꞌomu uri nga iini nge ko toꞌomaaie mola nga keni peꞌie mei sae ni heri-hunilana, ingeie ngeena ko mesi oto hunie a keine wau i laona saena.

Tataroha Diana I Sulie A Jisas Kraes Nge A Luk E Uusue 12:15

Na a Jisas ko heꞌi lae loꞌu peꞌi erenga uurini hunie ahutada, “Omu ke lio talamiu na omu ke kinetaꞌiniꞌomu mwaanie taꞌena nga saehanalinge. Aana tohungana maurihaꞌana iinoni e kaꞌa lae ike i sulie nga taa nge iinoni e toꞌo aana, maꞌalana iinoni ngeena ke toꞌo-toꞌo loꞌu uri taa.”

Tataroha Diana I Sulie A Jisas Kraes Nge A Luk E Uusue 20:16

Maholo kei lae mai, nge kei tohungei horo suuheꞌinie oto mwala aaela ngeena, na kei haꞌahaulaa loꞌu hohola ngeena aana ngaeta mwala aaopa.” Maholo mwala e rongo urine, kire si meni teꞌuri, “!Haꞌike, ke suꞌuri urine!”

Palonga 20:33

“Omu saie oto uri nou kaꞌa saehanalie ike nga mei toꞌoha wa nga kele mei ola aana toꞌolana nga iini aana taꞌena nga maholo.

Uusu-uusu A Pol Hurula'aa Hunie Mo Rom 13:9

Aana mo Haꞌatolanga e unue uuri, Mwaanie o aeꞌaeni ola. Mwaanie o talei horo-horo maesie nga iini. Mwaanie o peli-pele. Mwaanie o sae-saehanalie toꞌo-toꞌolana ngaeta iinoni. Eksodas 20:13-17 Oto mo haꞌatolanga ienini na ahutana mo haꞌatolanga loꞌu kire mani iiꞌo mola i hahana taꞌa-taꞌa haꞌatolanga nge e unue uuri, O ke mana-manata diana hunie mo euhenue iꞌoe oto mala huniꞌo maraamu. Levitikas 19:18

Uusu-uusu A Pol Hurula'aa Hunie Mo Rom 3:20

Nga taꞌa-taꞌa iini e saꞌa iiꞌo oodotaꞌi ike i maana God i tehulaꞌana ko lulu i sulie mo Haꞌatolanga. Aana mo Haꞌatolanga ngeena e da mola hunie kie ke lio saie mo oorahaꞌaanga ikie ni ngeena.

Uusu-uusu A Pol Hurula'aa Hunie Mo Rom 3:5

Ohe nga mo iini kei unue uuri, “Aaelanga ikie ko si da mola hunie uri diananga a God ke iiꞌo haadaꞌi oto liutaa, mala raa-raa ko iiꞌo haadaꞌi liutaa i laona rodohono. Urine kie ko si da hunie mwala ke haꞌapainaꞌaa a God loꞌu liutaa.” Oto mo iini kire ko ere takalo urine kire ko heꞌi dolosi loꞌu uuri, “?Oto aana aaelanga na eeronga ikie ko haataꞌinie mola diananga na walaimolinge a God, e ue kaꞌu a God ko saewasulikie na ko haꞌaloikie loꞌu urine? !Leinge ingeie e kaꞌa oodo ike!” !Haꞌike eena mwae! !Hero-heronga mola ni ngeena! E tohungei melisi mola na e oodo hunie a God ke leie aaelanga.

Uusu-uusu A Pol Hurula'aa Hunie Mo Rom 4:1

?Haꞌalaa e ue aana tohungana oto weuwemami mo Jiu, a Ebraham?

Uusu-uusu A Pol Hurula'aa Hunie Mo Rom 4:15

Iau, mala ko urine, e neꞌi ola mwaakule mola ni ngeena, aena aana mo Haꞌatolanga ko si da a God ko haataꞌinie saewasunge ingeie, aana mwala ko deu huꞌisie mo Haꞌatolanga ngeena mola tarau. Taꞌe mala uri nga mo Haꞌatolanga ke suꞌuri iiꞌo loꞌu, haꞌalaa nga iini hunie ke dau huꞌisie haꞌatolanga haꞌike noꞌone.

Uusu-uusu A Pol Hurula'aa Hunie Mo Rom 5:20

A God e niie mai mo Haꞌatolanga aana Mosis hunie mwala ke lio saie uri oorahaꞌaanga kire ko lae peꞌi esuie e tohungei aaela. Taꞌe maholo nge oorahaꞌaanga ko peine mola urine, manata-diananga a God ko si peine loꞌu mola liutaa aana.

Uusu-uusu A Pol Hurula'aa Hunie Mo Rom 6:15

?Oto kie kei ue eena, aana hahuꞌana manata-diananga a God e luhesikie oto mwaanie kie iiꞌo loꞌu i mamalutana mo Haꞌatolanga? ?Oto uri e diana mola hunie kie ke dau loꞌu mola mala saeka? !Haꞌike! !E kaꞌa urine ike!

Uusu-uusu A Pol Hurula'aa Hunie Mo Rom 7:11

Iau, oorahaꞌaa e toolea mo wala aana mo Haꞌatolanga na e eeroau huni deu huꞌisiꞌi, hunie ne ke roroꞌa aani, na ne ke mae haahiꞌi.

Uusu-uusu A Pol Hurula'aa Hunie Mo Rom 7:13

?Oto e ue? ?Uri mo Haꞌatolanga diana ngeena ni kire ko horo maesieu? !Haꞌike! Taꞌe oorahaꞌaa ni ko horo maesieu, maꞌalana e asuie leune aana mo ola diana. Oto urine kie sai lio saie oto uri oorahaꞌaa mei ola uri taa, aana mo Haꞌatolanga ko haataꞌinie uri oorahaꞌaa mei ola e tohungei aaela ni ngeena.

Uusu-uusu A Pol Hurula'aa Hunie Mo Rom 7:5

Maholo kie oꞌoꞌo ue i sulie tolahaka maraaka, oorahaꞌaa e paine mola haahie sapeka hunie kie ke saetoꞌo aana walu ola e aapu nge mo Haꞌatolanga e uure honosiꞌi. Oto kie lae peꞌi esuie mola mo ola aaela nge hule aana kire ko horo maesikie mola.

Uusu-uusu A Pol Hurula'aa Hunie Mo Rom 7:8

Taꞌe oorahaꞌaa e toolea mo wala aana Haꞌatolanga ngeena, na e da mola uri ne ke saehanalie walu ola e aapu ngeena, na uri ne ke sare liu holosie loꞌu ahutana mo Haꞌatolanga. Taꞌe mala uri nga mo Haꞌatolanga ke suꞌuri iiꞌo loꞌu, haꞌalaa oorahaꞌaa e neꞌie mola mei ola mwaakule.

1 Korinit 15:56

Oorahaꞌaa kaꞌu mola e niie nanamanga huni waelie mwala hunie maenga. Na Haꞌatolanga a Mosis mola e niie nanamanga hunie oorahaꞌaa.

Epesas 5:3

Oto aeni-olanga peꞌie nga iinoni, wa taꞌena nga masinge loꞌu urine, wa saehanalilana toꞌo-toꞌolana ngaeta mwala, e kaꞌa tohungei adongamiu ike. Omu ke iiꞌo haꞌataulie mola taꞌena nga ola urine, hule aana nga iini kaꞌa sai kele siho aamiu aana nga mei ola urine, aana iꞌomu mo iinoni a God.

Kolosi 3:5

Aena urine, omu ke horo aasie oto ahutana mo neꞌisaenga aaela mwaanie maurihaꞌamiu mala masinge, na dau-olanga taꞌe wau peꞌie nga iini, na hari-huninge ni sape, na saehanalilana mo ola aaela. Na omu ke suꞌuri saehanalie toꞌolana ngaeta mwala, aena aana palolana mo god eero-eero ni ngeena.

1 Tesalonaeka 4:5

Omu ke suꞌuri talei deu i sulie mo heri-huninge aaela iꞌomu aani mesinge mala mo iini kire puꞌo na kire kaꞌa saie ike a God.

Hibru 7:19

E asuie leune aana Haꞌatolanga a Mosis e kaꞌa sai haꞌa-oodohie ike nga iini. Taꞌe oto ie, a God e tahanie hunikie tala nge kie sai norutoꞌo aana. Na tala ngeena e diana loꞌu liutaa aana Haꞌatolanga a Mosis aana e sai toolekie mai karaꞌinie a God.