Maeni eesiku, maholo nga mwala ko deu huꞌisiꞌomu, mwaanie omu suꞌu eelihoꞌi aana loꞌu hunire, taꞌe toliꞌaasie mola a God ke si haꞌaloire. Aana a Aalaha e unue i laona mo Uusu-uusu Maaꞌi uuri, Leu oto i sapeku hunie suꞌu-olanga. Ineu ni ne ke si oolisie mo aaelanga mwala ko deu huꞌisiꞌomu eeni. Diutronomi 32:35
Uusu-uusu A Pol Hurula'aa Hunie Mo Rom 3:5 - Tataroha Diana5-7 Ohe nga mo iini kei unue uuri, “Aaelanga ikie ko si da mola hunie uri diananga a God ke iiꞌo haadaꞌi oto liutaa, mala raa-raa ko iiꞌo haadaꞌi liutaa i laona rodohono. Urine kie ko si da hunie mwala ke haꞌapainaꞌaa a God loꞌu liutaa.” Oto mo iini kire ko ere takalo urine kire ko heꞌi dolosi loꞌu uuri, “?Oto aana aaelanga na eeronga ikie ko haataꞌinie mola diananga na walaimolinge a God, e ue kaꞌu a God ko saewasulikie na ko haꞌaloikie loꞌu urine? !Leinge ingeie e kaꞌa oodo ike!” !Haꞌike eena mwae! !Hero-heronga mola ni ngeena! E tohungei melisi mola na e oodo hunie a God ke leie aaelanga. Faic an caibideil |
Uusu-uusu A Pol Hurula'aa Hunie Mo Rom 3:5
32 Iomraidhean Croise
Taꞌe saemiu e hau mola hule aana omu kaꞌa sare oonisae loꞌu mwaanie mo takalonga iꞌomu. Oto aena leune omu ko si da mola haꞌaloilemiu ke paine oto loꞌu aana hai dinge nge a God kei haataꞌinie saewasunge ingeie haahie tataꞌalanga mo iinoni. Na maholo nge a God kei leie taꞌena nga iinoni, nge ahutana mwala ke si leesie oodotaꞌinge ingeie.
Oto ahutana mo wala ienini, uusuleni e lae i laona Uusu-uusu Maaꞌi, na mo Haꞌatolanga a God ni otona. Na kie mani saie oto uri nga taa mo Haꞌatolanga e unue, e unue oto hunie mwala ni Jiu nge kire iiꞌo i mamalutana mo Haꞌatolanga ngeena. Aena urinena, nge nga taꞌa-taꞌa iini aada mo Jiu e saꞌa unue ike uri ingeie e kaꞌa lae takalo. Oto ahutana mwala aana walumalau, maꞌalana mo Aapoloa Aaopa wa mo Jiu, taꞌe kire mani sai lio saie mola uri e malisine oto a God ke leire.
No ko unu haꞌamalaa aana mo koni-konihe na mo poro paine urine, aena aana omu meni saie oto tolahada na e mwadaꞌu mola hunie omu kei rongo saie neꞌisaenga nge no ko haꞌa-uusuliꞌomu aana. Holaꞌinaꞌo, omu toliꞌaasie mola mo aapa aana sapemiu huni deu esunge mala koni-konihe nana oorahaꞌaa na tataꞌalanga, hunie aaelanga ke paine loꞌu liutaa. Taꞌe maholo ienini ke suꞌuri urine loꞌu. Omu ke toliꞌaasie oto mo aapa aana sapemiu mola huni deu esunge mala koni-konihe nana God huni esuie mo ola e oodo, hunie omu ke iiꞌo maaꞌi.
Iau, ineu nou ooho kaꞌu oto peꞌie mo iinoni aaela mai Epesas, nge kire aaela liutaa urihana mo ola loo-looꞌa ni meꞌesu. ?Taꞌe mala uri ne ke ooho peꞌire urine i sulie loꞌongaꞌinge ni iinoni mola, haꞌalaa nga taa ni ne kei terie aana? !Nga taꞌa-taꞌa mei ola diana na haꞌike loꞌu! Mala uri mo iini e mae oto kire saꞌa heꞌi meuri loꞌu, nge ne ke neꞌisae mola i sulieu maraaku mala mei neꞌisaenga nge nga mo iini ko unu-unue uuri, Kolu ke ngau-ngeu mola na kolu ke inu-inu, aana kolu kei mae oto i hoꞌowa. Aesaea 22:13
Omu ke leesie kaꞌu mei saehuunge nge a God e asuie aamiu ngeena, aana ko si da omu ko sare asuie walu ola diana, na omu ko sare haataꞌinie uri omu kaꞌa takalo ike mala iini e asuie mei roroꞌanga ngeena. Na mei saehuunge ngeena ko si da omu ko saewasulie mo iini ko deu-deu aaela, na omu ko meꞌuteꞌinie noꞌone haꞌaloinge a God. Na omu ko si sare leesieu oto liutaa. Na loꞌu ko si da omu ko neꞌisae haꞌahiꞌe aana a God, na omu ko sare haꞌaloie mo iini ko deu aaela. Oto aana ahutana walu ola omu ko deuꞌi ngeena, omu ko haataꞌinie oto uri omu rereꞌa mwaanie mei roroꞌanga ngeena.
Sanasan