Uusu-uusu A Pol Hurula'aa Hunie Mo Rom 2:10 - Tataroha Diana

¹⁰ Taꞌe ahutana mwala nge kire ko lae peꞌi esu diana, a God kei haꞌamanikuluꞌara, na kei haꞌapainaꞌara, na kei niie hanuelamanga hunire. Leune kei reu aana taꞌena nga iinoni diana, maꞌalana ikire mo Jiu wa ikire nga mo Jiu haꞌike.

Uusu-uusu A Pol Hurula'aa Hunie Mo Rom 2:10 Iomraidhean Croise

Matiu 10:13

Mala mwala aana numena ko tola koniꞌomu, hanuelamanga ke oore peꞌire, taꞌe mala kire kaꞌa tola koniꞌomu oto, kire saꞌa hele aana ike hanuelamanga omu unue ngeena.

Tataroha Diana I Sulie A Jisas Kraes Nge A Luk E Uusue 1:79

huni raangie mo iini kire iiꞌo i laona rodohono na i mamalutana maenga, na huni haꞌa-oodohie aeꞌaeka i sulie tala ni henuelama.”

Tataroha Diana I Sulie A Jisas Kraes Nge A Luk E Uusue 12:37

Deidehie mo koni-konihe ngeena nge aalaha ikire e hule na kire ko lio-lio mola ue aana kire dau aakau loosie. No ko unue oto huniꞌomu uri aalaha ikire ngeena kei oolisi aana mo toꞌoni ni esunge, kei haꞌa-iiꞌosire oto hunie ngaunge, na kei raretaꞌinire oto aani haꞌalianga hunire.

Tataroha Diana I Sulie A Jisas Kraes Nge A Luk E Uusue 19:42

Na ko teꞌuri hunie hanuena, “E tohungei diana hunie o ke lio saie siꞌiri tala takoie hanuelamanga, taꞌe o saꞌa saie ike, aena aana e iiꞌo mumuni mwaaniꞌo.

Tataroha Diana I Sulie A Jisas Kraes Nge A Luk E Uusue 22:14

Oto e hule aana maholoi sato hunie ngaunge i seulehi, nge a Jisas na mo hurulaꞌaa kire si iiꞌo huni ngeu.

Tataroha Diana I Sulie A Jisas Kraes Nge A Luk E Uusue 9:48

na ko teꞌuri hunire, “Taꞌena nga iini nge ko tola konie nga kele mwela mala ienini aana sataku, nge ko tola konieu eena. Na taꞌena nga iini nge ko tola konieu, ko tola konie noꞌone iini e uusungeꞌinieu mei eena. Aana a tei hikemiu nge ko haꞌamwai-mweiꞌaa toꞌohuu, ingeie ni oto e paine liutaa.”

Tataroha Diana I Sulie A Jisas Kraes Nge A Jon E Uusue 12:26

Taꞌena nga iini ko sare asu nekue, nge ke lulu i sulieu oto, uri hunie iini euꞌesu ineu ke iiꞌo oto peꞌieu aana leu no ko iiꞌo aana. Na nga iini ko esu nekue, nge a Aamaku ke si haꞌapainaꞌaa i maana mwala.

Tataroha Diana I Sulie A Jisas Kraes Nge A Jon E Uusue 14:27

No ko haꞌa-oorea hanuelamanga oto huniꞌomu, na hanuelamanga ineu no ko niie oto huniꞌomu ie. Nou kaꞌa niie ike mala mwala aana walumalau ko nii-nii, taꞌe no ko nii toꞌohuu. Oto omu ke suꞌuri totolahiꞌe wa omu ke maꞌu-meꞌu.

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Palonga 10:35

Mala uri nga iini ko haꞌamaꞌu aana a God na ko esuie mo ola oodotaꞌi, nge a God kei ilenimwaꞌe haahie, maꞌalana e uure aana taꞌena nga poꞌo ni iinoni uri taa loꞌu i laona walumalau.

Uusu-uusu A Pol Hurula'aa Hunie Mo Rom 14:17

Aana mo ola mala ngaunge na inunge, kire kaꞌa roroꞌa ike i laona Aalahanga a God. Taꞌe mo ola nge Liꞌoa Maaꞌi ko niiꞌi mala oodotaꞌinge na hanuelamanga na ilenimwaꞌenga haꞌalaa kire roroꞌa.

Uusu-uusu A Pol Hurula'aa Hunie Mo Rom 15:13

A God oto iini nge kie ko maaꞌoohi susutoꞌo hunie, na no ko eiꞌeitanaie hunie ke haꞌahonuꞌomu aana ilenimwaꞌenga na hanuelamanga paine aena aana omu hiiwalaimoli aana. Na no ko eiꞌeitanaie noꞌone hunie nanamanga aana Liꞌoa Maaꞌi ke tohungei haꞌa-aꞌailaꞌaa hiiwalaimolinge iꞌomu maholo omu ko maaꞌoohi susutoꞌo hunie nga taa e haiholotaꞌinie hunikie.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Uusu-uusu A Pol Hurula'aa Hunie Mo Rom 2:9

Taꞌe-taꞌena nga iinoni ko deu-deu aaela, kire kei sapesalu na haꞌamotaahilada kei lae. Taungei ola urine kei reu aana taꞌena nga iinoni aaela, maꞌalana ikire mo Jiu wa ikire nga mo Jiu haꞌike.

Uusu-uusu A Pol Hurula'aa Hunie Mo Rom 5:1

Oto aana haꞌa-oodohilaka e lae oto urine i sulie hiiwalaimolinge ikie aana God, nge kie ko iiꞌo ni henuelama oto peꞌie a God. Walu ola urine e rau mola hunikie i tehulaꞌana a Jisas Kraes Aalaha ikie,

Uusu-uusu A Pol Hurula'aa Hunie Mo Rom 8:6

Mala nga iini ko neꞌisae paine mola haahie tolahai iinoni aaela, nge kei maesie. Taꞌe mala uri neꞌisaenga iinoni ko iiꞌo susu mola aana Liꞌoa Maaꞌi, nge kei helesie maurihe na hanuelamanga i tehulaꞌana.

Uusu-uusu A Pol Hurula'aa Hunie Mo Rom 9:21

Iinoni nge ko eedu-eedu e sai esuie mola taꞌena nga mei ola i sulie saena, hule aana e sai eedumie mola e ro nime hai aaopaꞌi aana taꞌa-taꞌa rotoi ei. E sai esuie mola ngaeta nime hunie ke lio kohi malisine mo ngeuhe paine, na ngaeta iini loꞌu hunie ngaunge mola i suli dinge.

Uusu-uusu A Pol Hurula'aa Hunie Mo Rom 9:23

Na leu i sapena loꞌu, mala uri ko sare haataꞌinie oto manikuluhaꞌana aana mwala nge e aamasire. Mwala nge e aamasire ngeena, ikire oto e lio hilisire hunie kire ke iiꞌo peꞌie aana leu e manikuluꞌe taꞌau i Lengi.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Pilipae 4:7

Oto hanuelamanga a God nge nga iini e saꞌa neꞌisae talihana, ke si kakalie saemiu na mo loꞌongaꞌinge iꞌomu i lalo aana Kraes Jisas.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

Hibru 2:7

O esuie emi ke mwai-mwei haꞌawali mwaanie mo ensel. Taꞌe maꞌalana e urine, o haꞌa-aalahaꞌemi, na o haꞌamanikuluꞌaꞌemi, na o haꞌapainaꞌaꞌemi.

Jemes 2:22

Nge o leesie hiiwalaimolinge a Ebraham na mo ola nge e asuiꞌi kire mani lae tararuru. Nge e si haꞌawalaimoliꞌaa hiiwalaimolinge ingeie aana nga taa diana e asuie.

Jemes 3:13

Mala uri nga iini hikemiu ko saenanau na saena e taha, oto ke haataꞌinie saenanaunge ingeie aana iiꞌonga oodotaꞌi. Na ke si esuie mo ola diana peꞌie haꞌamwai-mweiꞌanga nge e uure mai mwaanie saenanaunge.

1 Pita 1:7

Walu ola urine, mo ola mola huni leesie uri hiiwalaimolinge iꞌomu e toꞌohuu taane. Hiiwalaimolinge iꞌomu ngeena e kele urihana kol nge holitana e paine. Aana kire sai esu oto hiitoꞌo aana kol lae hule aana kire sai neꞌie i laona dunge paine hunie ke aahe, hunie kire ke toolea tohungei kol nge e manola, na nga mei mada haꞌike loꞌu peꞌie. Mo aasanga ko deu urine noꞌone aana hiiwalaimolinge iꞌomu ngeena, taꞌe hiiwalaimolinge iꞌomu e tohungei hiꞌe loꞌu liutaa aana kol ngeena nge hule aana kei eiꞌaa mola. Oto mala uri hiiwalaimolinge iꞌomu ke susu maꞌalana mo aasanga uri taa ko hite aamiu, nge mwala kei tohungei haꞌapainaꞌaꞌomu na kire kei soi haꞌamanikuluꞌaꞌomu na kire kei laheꞌomu oto hiitoꞌo aana maholo a Jisas Kraes kei ooli loꞌu mei.

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.