Uusu-uusu A Pol Hurula'aa Hunie Mo Rom 13:12 - Tataroha Diana

¹² !Ko dengi oto! Oto kie ke toliꞌaasie oto mo tolahai ola aaela aana rodohono, na aana ikie oto mo iinoni aana matapwanga, nge kie ke hele aana loꞌu mo tolahai ola diana mala ikire oto mo reisinge ikie honosie rodohono.

Uusu-uusu A Pol Hurula'aa Hunie Mo Rom 13:12 Iomraidhean Croise

Uusu-uusu A Pol Hurula'aa Hunie Mo Rom 13:14

Taꞌe omu ke toliꞌaasie Aalaha ikie a Jisas Kraes ke naꞌomiu, na omu ke tola i sulie aana taꞌena nga ola omu ko euꞌesuie. Na omu ke suꞌuri neꞌi-neꞌisae aakau hunie omu ke haꞌa-oaie nga mei heri-huninge aaela aana sape.

1 Korinit 10:11

Walu ola ienini e rau aada huni haꞌapasulikie mo iini kie ko meu-meuri ue siꞌiri aana mo dinge ooreta. Na uusuleni e lae oto huni haꞌananaukie.

1 Korinit 7:29

No ko ere urine, maeni eesiku maaꞌi, aana kele maholo oꞌoruꞌe oto mola e si oore. Oto aehota siꞌiri, omu ke neꞌisae paine mola aana God. Oto mo iini omu tola huꞌe, omu ke suꞌuri loꞌongaꞌinie iiꞌo-rurunge mala mei naꞌohai ola iꞌomu.

2 Korinit 10:4

Mo reisinge nge melu ko ooho aani, kaꞌa mo ola ike aana walumalau, taꞌe mo reisinge kire honu aana nanamanga a God, na hule aana kire sai aꞌailaꞌasie mo maelonga a God maꞌalana kire nanama loꞌu uri taa.

2 Korinit 6:7

Melu haataꞌinie uri iꞌemeelu mo koni-konihe a God toꞌohuu aana melu sai ere mola aana walaimolinge. A God e niie mai nanamanga ingeie nameelu, na melu toꞌo aana oodotaꞌinge mala talo huni deu honosie mo maelonga. Na oodotaꞌinge e urihana noꞌone nga reisinge huniꞌemeelu, huni haataꞌinie mo takalonga ikire.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

Epesas 5:11

Omu ke suꞌuri esuie mo ola aana rodohono nge kire neꞌi ola aaela. Taꞌe omu ke haataꞌinie mola aana mwala uri tolahai ola ngeena e kaꞌa kohi ike.

Epesas 5:8

Holaꞌinaꞌo iꞌomu maraamiu omu oꞌoꞌo kaꞌu noꞌone i laona rodohono, taꞌe aena aana omu neꞌi iinoni oto a Aalaha, oto omu iiꞌo oto i laona raa-raa. Oto omu ke dau diana oto mala mwela aana raa-raa,

Hibru 10:25

Nga mo iini kire lalawasie oto lokonga tararuru hunie palonga, taꞌe kie ke suꞌuri lalawa urine, na kie ke peꞌikie hailiu huni uure maꞌutaꞌa loꞌu, aena aana hai dinge a Aalaha ko karaꞌini oto mai.

Hibru 12:1

Oto pulitaa oto paine ienini kire haataꞌi diana aana tala aana hiiwalaimolinge ngeena, na kire loko kali-kelikie oto huni toꞌo-toꞌomaaie hurunge ni hiiwalaimolinge ikie. Aena urine, kie ke toliꞌaasie taꞌena nga ola ko liu-liu honosikie mwaanie hiiwalaimolinge aana God, na kie ke toliꞌaasie noꞌone mo walo ni oorahaꞌaa nge ko hiriꞌikie oto tarau. Oto kie ke huru aꞌailaꞌa taraꞌasi aana hurunge nge a God e totohoa oto naka huni huru aana.

Jemes 1:21

Oto omu ke neꞌi aasie mwaaniꞌomu ahutana mo ola tataꞌala na taꞌena nga ola aaela nge ko peine hailiu. Na omu ke haꞌamwai-mweiꞌaꞌomu hunie omu ke tola i sulie mo haꞌananaunge maaꞌi a God nge hasileni e lae oto i manatamiu, aana kire sai haꞌa-uuriꞌomu.

Jemes 5:8

Na iꞌomu noꞌone omu ke maaꞌoohi susutoꞌo urine. Na omu ke suꞌuri aakohe aani maaꞌoohinge susutoꞌo, sulie e karaꞌinie oto Aalaha ikie kei ooli mei.

1 Pita 2:1

Oto aena urinena, mwaanie omu heꞌi lulu i sulie loꞌu mo neꞌisaenga aaela huni waelie ngaeta iini. Omu ke suꞌuri heꞌi eero loꞌu, na omu ke suꞌuri lupweꞌi eeroa mwala, na omu ke suꞌuri saehanalie mo ola ngaeta iini, wa omu ke lae peꞌi ere aaelasie ngaeta mwala.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

2 Pita 3:11

Oto aena aana ahutana walu ola kei meni aaela mango oto urine, omu ke lio-lio diana aana mau-meuringe iꞌomu. Omu ke iiꞌo maaꞌi na omu ke lae peꞌi iiꞌo oodotaꞌi mola i sulie saena God.

2 Pita 3:9

Ngaeta mwala kire ko loꞌo-loꞌongaꞌinie uri Aalaha ikie ko tohungei haꞌahiru huni haꞌa-oaie mo heiholotaꞌinge ingeie i sulie oolinge mai ingeie. Taꞌe kire kaꞌa lio saie ike loꞌongaꞌinge ingeie, aana a God ko maaꞌoohi mola hunie mwala kire ke oonisae na kire ke aaliꞌu loꞌu i saana mwaanie kire aiꞌaa aana leilada kei lae.

1 Jon 2:18

Maeni mwela ineu, mo dinge ooreta i naꞌona a Kraes kei ooli loꞌu mei oto ienini. Omu rongoa oto i naꞌo uri maelonga a Kraes kei lae mai. Oto ie mo maelonga hunge a Kraes ko haataꞌi oto, na aena urinena kie si saie uri haꞌamangolana walumalau e karaꞌini oto.

Haataꞌinge 1:3

Deidehie iini nge ko saa-saaie uusu-uusu aana mo erenga lalai ienini, na deidehie mo iini nge kire ko rongoa na ko lulu i sulie, aena aana ko karaꞌinie oto maholo ahutana mo ola ie kei aehotaa.

Haataꞌinge 22:10

Oto ensel ngeena e heꞌi unue loꞌu hunieu uuri, “O ke suꞌuri mumunie uusu-uusu aana haataꞌinge ienini, aena aana maholo hunie mo ola ienini kei reu e karaꞌini oto.