Uusu-uusu A Pol Hurula'aa Hunie Mo Rom 12:3 - Tataroha Diana

³ Aana a God e manata diana mone hunieu, nge e lio hilisieu mala Hurulaꞌaa ingeie huniꞌomu mo Aapoloa Aaopa, na e niie noꞌone mei wala ienini hunie ne ke unue huniꞌomu uri nga iini eemiu ke suꞌuri neꞌi-neꞌisae toohaꞌinie maraana, taꞌe omu ke neꞌi-neꞌisae toꞌohuu mola, na omu ke totohoꞌomu maraamiu mola aana hiiwalaimolinge nge a God e niie huniꞌomu e paine uri taa.

Uusu-uusu A Pol Hurula'aa Hunie Mo Rom 12:3 Iomraidhean Croise

Tataroha Diana I Sulie A Jisas Kraes Nge A Luk E Uusue 18:11

Oto Parise ngeena e uure wau maraana mwaanie mwane susulu toꞌoha, ko si aarengaꞌi i sulie maraana, na ko teꞌuri, ‘God, no ko paalaheꞌo aana nou kaꞌa aaela ike mala ngaeta mwala. Nou kaꞌa urihana ike mwala nge kire sai peli, kire sai leu-leu ola, na kire ko mei-mesi. No ko paalaheꞌo aana nou kaꞌa urihana ike mwane susulu toꞌoha waune.

Tataroha Diana I Sulie A Jisas Kraes Nge A Jon E Uusue 3:34

Aana iini nge a God e uusungeꞌinie mai uure taꞌau i Lengi ngeena ko unu-unue walana God oto tarau, aena aana a God e nii taꞌingelu aana Liꞌoa Maaꞌi ingeie oto hunie.

Uusu-uusu A Pol Hurula'aa Hunie Mo Rom 1:5

A Jisas e tohungei haataꞌinie hahuꞌana manata-diananga ingeie hunieu aana e lio hilisieu hunie ne ke neꞌi hurulaꞌaa ingeie, uri hunie ne ke naꞌona mwala aana taꞌena nga komu hunie kire ke haꞌapainaꞌaa satana, na hunie kire ke hiiwalaimoli aana, na hunie kire ke tola i sulie walana.

Uusu-uusu A Pol Hurula'aa Hunie Mo Rom 11:20

Leune e toꞌohuu taane, taꞌe a God e hali aasiꞌi aena aana kire kaꞌa hiiwalaimoli ike. Na iꞌomu oto, omu iiꞌo aana ai diana ngeena mola i sulie omu hiiwalaimoli. Oto mwaanie omu too-toohaꞌiniꞌomu haahie leune, taꞌe omu ke lio talamiu mola.

Uusu-uusu A Pol Hurula'aa Hunie Mo Rom 11:25

Maeni eesiku maaꞌi, saeku uri omu ke sai diana aana oalaꞌinge a God nge mwala kire kaꞌa saie ike oto i naꞌo. No ko ladoa namiu oto ienini mwaanie omu toohaꞌiniꞌomu maraamiu na omu loꞌo-loꞌongaꞌinie uri omu diana loꞌu liutaa aana mo Jiu. Tolahai ola nge e da saena mo Jiu e hau ngeena e kaꞌa maꞌutaꞌa ike, taꞌe kei iiꞌo haꞌawali mola. A God ko maaꞌoohie mola iidu-iidunge ke ahu aana mo iinoni e lio hilisire mwaanie mo Aapoloa Aaopa,

Uusu-uusu A Pol Hurula'aa Hunie Mo Rom 12:16

Omu ke iiꞌo diana mola peꞌie ahutana mwala. Mwaanie omu too-toohaꞌiniꞌomu, taꞌe omu ke mwaꞌe-mwaꞌe mola ni deu i sulie taꞌena nga mei esunge wa huni heꞌimalahune peꞌie taꞌena nga iini. Na mwaanie omu loꞌo-loꞌongaꞌinie uri iꞌomu oto omu saenanau.

1 Korinit 15:10

Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

1 Korinit 3:10

A Jisas Kraes oto poo-pootana nume ngeena, na nga poo-poota aaopa hunie nga iini ke neꞌie loꞌu, haꞌike oto ooꞌoo. A God e niie mai nanamanga hunieu, hunie ne ke neꞌie mwane saenanau diana aana tohu-numanga. Oto ineu nge nou neꞌie poo-pootana nume ngeena, na ngaeta mo mwane ko si tohu nume i lengine. Taꞌe kire ke lio talada mola hunie kire ke tohu diana aana nume ngeena.

1 Korinit 7:17

Oto ahutaka, kie ke mani saie uri mei meuringe nge nga iini e toꞌo aana maholo a God e soie mai i saana, mei niinge a Aalaha ni ngeena. Oto aena urine omu ke suꞌuri sare toliꞌaasie loꞌu, taꞌe omu ke ilenimwaꞌe mola haahie. Na haꞌatolanga nge no ko lae peꞌi haꞌarongoa ahutana mo soihaadaꞌinge aana ni otona.

2 Korinit 10:13

Na iꞌemeelu, melu saꞌa totohoa ike tolahameelu aana mo haꞌatolanga ikire ngeena, taꞌe iꞌemeelu melu sai ere toohaꞌiniꞌemeelu mola haahie mei ola e malisine melu ke ere urine aana. Oto melu kei ere toohaꞌi mola i sulie mei esunge nge a God e niie huniꞌemeelu, na iꞌomu oto nga aapa aana mei esunge ngeena.

2 Korinit 12:13

Nou peꞌi-peꞌi diana aamiu oto mala ngaeta mo soihaadaꞌinge no ko peꞌire, na peꞌinge ineu huniꞌomu e sada mola aana peꞌinge no ko niie hunire. Taꞌa-taꞌa mei ola mola nou esuie hunire nge nou kaꞌa da huniꞌomu, aana nou kaꞌa unue ike uri omu ke peꞌieu aani toꞌoha. ?Uri omu loꞌongaꞌinie uri nou deu aaela huniꞌomu aana leune? !Haꞌike eena mwae! Mala omu ko loꞌongaꞌinie uri nou deu aaela huniꞌomu aana leune, na omu ke neꞌisae-aasie kaꞌu mola hunieu.

2 Korinit 12:7

Oto uri hunie ne ke suꞌuri toohaꞌinieu haahie walu ola paine nge a God e haataꞌiniꞌi eeku ngeena, e niie loꞌu mei ola huni waelie sapeku. E toliꞌaasie a Satan ke saunie sapeku aana mei olana, mwaanie nou toohaꞌinieu.

Kalesia 6:3

Na mala uri nga iini ko loꞌongaꞌinie uri ingeie oto e paine liutaa, nge ko talei eero-eeroa mola maraana na hule aana ingeie iinoni mwaakule noꞌone mola.

Epesas 3:2

Saꞌa mola omu rongoa taane oto uri i laona aamasinge a God, e niie mei esunge ngeena hunieu uri hunie ne ke peꞌiꞌomu aana.

Epesas 3:4

Na mala uri omu kei saai kohie loꞌu uusu-uusu ienini, nge omu kei lio saie mola uri nou sai diana aana mei oalaꞌinge a Kraes nge e oꞌoꞌo mumuni kaꞌu waite.

Epesas 4:16

na ingeie oto ko konie taꞌena nga sasarai ola aana tohungana leu talana, na ko hele maꞌutaꞌa aana mei sape ngeena. Oto maholo mo sasarai ola aana ko esu diana aana mo euꞌesunge hai aaopaꞌi ikire, nge mo ladoha kei aꞌailaꞌa na kire sai peꞌie loꞌu ngaeta mo sasarai ola. Oto ahutana mei sape laku ngeena kei awaa, na kei lae peꞌi peine loꞌu, na kei honu mola aana manata-diananga.

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Kolosi 1:29

Oto huni esuie leune, no ko tohungei esu waaꞌiniꞌini oto liutaa. Na asunge ineu e aꞌailaꞌa taraꞌasi mola urine aena aana no ko esu aana nanamanga nge a Kraes e niie hunieu.

Kolosi 2:13

Holaꞌinaꞌo e urihana uri omu mae oto mola i tehulaꞌana mo takalonga iꞌomu, na aena aana mo loꞌongaꞌinge aaela mo puꞌo ko oꞌoꞌo aamiu. Taꞌe a God e da omu ke mauri eelihoꞌi loꞌu peꞌie a Kraes, na e saeꞌaasie oto mo oorahaꞌaa ikie mwaanikie.

1 Timoti 1:14

Taꞌe Aalaha ikie e niie hahuꞌana manata-diananga ingeie hunieu, na aena ngeena mone nou eeliꞌu huni hiiwalaimoli aana a Kraes Jisas, na huni mana-manata diana hunie mwala mala ingeie noꞌone e manata diana hunire.

1 Timoti 2:15

Taꞌe kinetaꞌinilana mo huꞌe mwaanie malaahonga aana mo tolahai ola aaela ni welumalau ngeena e sai lae mala uri kire ko toꞌo mwela na kire ko hele susuleꞌi aana hiiwalaimolinge aana a Jisas, na kire ko manata diana hunie mo iinoni, na kire ko iiꞌo maaꞌi. Na kire ke asuie walu ola urine peꞌie haꞌamwai-mweiꞌanga.

1 Timoti 2:9

Na nou saetoꞌo aana noꞌone uri mo huꞌe kire ke haꞌalaunire aana mo tolahai ola diana. Mo huꞌe ke hoꞌosie mo toꞌoni nge kire malisi, na kire ke haataꞌinie haꞌamaꞌunge na iiꞌonga oodotaꞌi ikire aana mo toꞌoni kire ko hoꞌosiꞌi. Na mwaanie kire loꞌongaꞌi oto hiitoꞌo i sulie haꞌalaunilana iihune pwaude, wa aana hoꞌosilana mo leunihe aani kol, wa mo uꞌumaai dehi, wa mo toꞌoni nge holiteni e paine.

Taetas 2:12

Na manata-diananga a God ngeena e haꞌa-uusulikie oto uri hunie kie ke toliꞌaasie mo tolahai ola aaela i maana God. Na kie ke suꞌuri heꞌi lae loꞌu i sulie mo ola nge walumalau ienini ko heri huniꞌi. Taꞌe kie ke nihisie saeka mwaanie aaelanga, na kie ke iiꞌo aani iiꞌonga oodotaꞌi, na aani deu i sulilana mola walu ola nge a God kei ilenimwaꞌe haahikie aani.

Taetas 2:2

O ke haꞌa-uusulie mo rato ni mwane uri kire ke kinetaꞌinie tolahada, na kire ke iiꞌo diana hunie mwala ke haꞌamaꞌu aada, na kire ke iiꞌo mola aani lio i suli diana aada. Hiiwalaimolinge ikire ke susu aana walaimolinge, na kire ke manata diana mola hunie ahutana mwala. Maꞌalana nga taa ko reu-reu, taꞌe kire ke hele maꞌutaꞌa aana hiiwalaimolinge peꞌi maaꞌoohinge susutoꞌo.

Taetas 2:4

hunie mo huꞌe haalu kire ke manata diana hunie mo poro ikire na mo mwela ikire.

Taetas 2:6

Na o ke haꞌa-uusulie loꞌu mo saanau hunie ikire noꞌone kire ke haꞌahili-hilie tolahada mwaanie aaelanga.

Jemes 4:6

Taꞌe niinge aana hahuꞌana manata-diananga a God e paine liutaa aana aaelanga iinoni. Sulie e sai tola konie mo iini ko oonisae, oto mala mo Uusu-uusu Maaꞌi nge e unue uuri, A God e taꞌelaꞌi honosie mo iini kire ko toohaꞌinire, taꞌe e hahuꞌei manata diana hunie mo iini ko haꞌamwai-mweiꞌara. Provebs 3:34

1 Pita 1:13

Oto i tehulaꞌana walu ola ngeena, nge omu ke dau aakau eemiu maraamiu huni esuie mo ola diana, na omu ke kinetaꞌinie tolahamiu mwaanie aaelanga. Na omu ke tohungei norutoꞌo mola aana God, na maaꞌoohi-susutoꞌonga iꞌomu ke maꞌutaꞌa i lengine niinge diana nge a God kei niie huniꞌomu aana maholo a Jisas Kraes kei ooli loꞌu mei.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

1 Pita 5:5

Oto loꞌu huniꞌomu mo saanau, omu ke totola i sulie mo rato. Na oto ahutemiu, omu ke mani haꞌamwai-mweiꞌaꞌomu na omu ke peꞌi-peꞌiꞌomu heiliu. Aana mo Uusu-uusu Maaꞌi e unue uri, A God e kaꞌa saetoꞌo aana ike iini ko too-toohaꞌinie maraana, taꞌe ko haa-haataꞌinie manata-diananga ingeie hunie mo iini ko haꞌamwai-mweiꞌara. Provebs 3:34

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.

3 Jon 1:9

Nou uusu-uusu keꞌu hunie soihaadaꞌinge i sulie leune, taꞌe a Daeotrepis, iini nge ko sare neꞌi naꞌohai mwane aana soihaadaꞌinge, e kaꞌa sare rongo ike hunie nga taa nou unue.