Uusu-uusu A Pol Hurula'aa Hunie Mo Rom 12:2 - Tataroha Diana

² Na mwaanie omu toliꞌaasiꞌomu maraamiu mola huni lae i sulie tolahana walumalau ie, taꞌe omu ke toliꞌaasie a God ke oolisie saemiu, na ke niie nga mo neꞌisaenga haalu nemiu. Aana tolahai ola urine haꞌalaa omu ko lio saie nga taa a God e saetoꞌo aana. Oto omu kei saie nga moi taa kire diana na kire oodotaꞌi nge a God ko ilenimwaꞌe haahiꞌi.

Uusu-uusu A Pol Hurula'aa Hunie Mo Rom 12:2 Iomraidhean Croise

Matiu 13:22

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Tataroha Diana I Sulie A Jisas Kraes Nge A Mak E Uusue 4:19

taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Tataroha Diana I Sulie A Jisas Kraes Nge A Jon E Uusue 14:30

Nou saꞌa iiꞌo tewa ike loꞌu peꞌiꞌomu huni ere-ere peꞌiꞌomu, aana aalaha haahie walumalau ie, a Pwelu Eero-eero, ko lae oto mai. Ingeie e kaꞌa toꞌo aana ike nga nanamanga haahieu,

Tataroha Diana I Sulie A Jisas Kraes Nge A Jon E Uusue 15:19

Mala uri omu ke neꞌie mo iinoni aana walumalau, haꞌalaa walumalau e sai manata diana oto huniꞌomu, mala e manata diana hunie ahutana mo iini ingeie nge kire kaꞌa lae ike i sulie a God. Taꞌe aena aana omu kaꞌa uure ike aana walumalau, taꞌe nou lio hilisiꞌomu mwaanie walumalau, oto aena mei olana nge walumalau ko si ngiduupu huniꞌomu.

Tataroha Diana I Sulie A Jisas Kraes Nge A Jon E Uusue 17:14

Nou nii mangoa oto mo haꞌa-uusulinge iꞌoe hunire, na walumalau e ngiduupu hunire aena aana ikire mo iinoni aana walumalau haꞌike, oto mala ineu nga iinoni aana walumalau haꞌike.

Tataroha Diana I Sulie A Jisas Kraes Nge A Jon E Uusue 7:7

Mwala aana walumalau ie kire saꞌa maalelediꞌomu ike, taꞌe ineu ni kire ko maaleledieu, aena aana no ko lae peꞌi unu haataꞌinie uri nga taa kire ko esuie e aaela.

Uusu-uusu A Pol Hurula'aa Hunie Mo Rom 12:1

Oto aena urinena, maeni eesiku maaꞌi, aena aana mei sae ni aamasinge a God hunikie, no ko eitanaiꞌomu hunie omu ke niiꞌomu maraamiu mala nga uunu-olanga e mauri hunie a God aani niilana sapemiu suli dinge huni esuie mo esunge e oodo i maana God. Mala maurihaꞌamiu ke urine, nge omu kei urihana nga uunu-olanga e maaꞌi na a God e sai ilenimwaꞌe haahie. Taꞌa-taꞌa tohungei tala hunikie mo iinoni kie ke palo-paloa God aana ni otona.

Uusu-uusu A Pol Hurula'aa Hunie Mo Rom 13:14

Taꞌe omu ke toliꞌaasie Aalaha ikie a Jisas Kraes ke naꞌomiu, na omu ke tola i sulie aana taꞌena nga ola omu ko euꞌesuie. Na omu ke suꞌuri neꞌi-neꞌisae aakau hunie omu ke haꞌa-oaie nga mei heri-huninge aaela aana sape.

Uusu-uusu A Pol Hurula'aa Hunie Mo Rom 7:12

Taꞌe maꞌalana e urine, ahutana mo Haꞌatolanga aana walana a God kire mani maaꞌi, na kire oodo, na kire diana.

Uusu-uusu A Pol Hurula'aa Hunie Mo Rom 7:14

Kie saie taane uri mo Haꞌatolanga mo ola diana a God ni ngeena, taꞌe ineu, iinoni ni welumalau mola na nou iiꞌo oto mola mala koni-konihe nana oorahaꞌaa.

Uusu-uusu A Pol Hurula'aa Hunie Mo Rom 7:22

I laona tohungana neꞌisaenga ineu, nou ilenimwaꞌe mola haahie mo Haꞌatolanga a God.

1 Korinit 3:19

Aana saenanaunge aana walumalau ienini e kaꞌa rongo ike mala nga mei ola, aana e lio mola mala pweunge i naꞌona saenanaunge a God. Na e toꞌohuu oto, aana Uusu-uusu Maaꞌi e teꞌuri, A God e sai da mola kira saenanau ke toꞌo i laona mo hune ikire maraada kire lolosiꞌi aana sai-olanga ikire. Job 5:13

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

Kalesia 1:4

Mala a God Aamaka e saetoꞌo aana, a Kraes e toliꞌaasie maraana uri hunie ke mae huni taꞌaasie mo oorahaꞌaa ikie, na hunie ke haꞌa-uurikie hunie kie ke iiꞌo luhetaꞌi mwaanie tolaha tataꞌala ni welumalau.

Epesas 1:18

Nge no ko eitanaie a God hunie ke tahanie saemiu, hunie omu ke lio saie taꞌena nga ola diana nge e haiholotaꞌi huni niiꞌi hunikie, mwala ingeie. Na kie ko maaꞌoohi susutoꞌo peꞌi norutoꞌonga aana God hunie walu ola ngeena.

Epesas 2:2

Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

Epesas 5:17

Omu ke suꞌuri pweu, taꞌe omu ke lio saie nga taa nge a Aalaha e saetoꞌo aana omu ke asuie.

Kolosi 1:9

Aena urinena, uure aana hai dinge melu rongoa tataroha i suliꞌomu, melu ko lae peꞌi aarengaꞌi talamiu. Na melu ko eitanaie a God uri omu ke sai diana aana nga taa a God e saetoꞌo aana omu ke asuie, na uri omu ke honu mola aana saenanaunge na lio sai-olanga a Liꞌoa Maaꞌi e sai niie hunikolu.

Kolosi 3:10

na omu toolea oto loꞌu maurihe haalu. Na a Haꞌahola ko haꞌa-haꞌa-haaluꞌomu aani saenanaunge i sulie maraana, hunie nunune ke pai-peine i laona manatamiu.

Kolosi 4:12

A Epapras noꞌone ko niie wau mei wala ni saediananga huniꞌomu. Ingeie nga koni-konihe toꞌohuu a Kraes Jisas na ngaeta iini eemiu. Ingeie ko esu namiu tarau aani eitanailana a God hunie omu ke sai diana aana walu ola a God e saetoꞌo aana omu ke asuiꞌi, na hunie omu ke asuiꞌi oto toꞌohuu mala mo rato aana tolahana Kraes.

1 Tesalonaeka 4:3

Aana a God e saetoꞌo aana uri omu ke iiꞌo maaꞌi na omu ke haꞌahili-hiliꞌomu mwaanie masinge,

Taetas 3:5

aana e haꞌa-uurikie. Na e kaꞌa haꞌa-uurikie ike aena aana helelaka e diana, taꞌe e haꞌa-uurikie mola aena aana e aamasikie. Kie hute haalu aena aana Liꞌoa Maaꞌi e haꞌarereꞌakie hunie kie ke toꞌo aana mei meu-meuringe haalu i lalo aana.

Jemes 1:27

Taꞌe asunge toꞌohuu aana soihaadaꞌinge nge a God Aamaka e saetoꞌo aana oto uri huni peꞌie mo reiꞌinge, na mo nao nge kire maitale, na huni kinetaꞌiniꞌo maraamu mwaanie tataꞌalanga aana walumalau.

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.

1 Pita 1:14

Holaꞌinaꞌo, maholo na omu kaꞌa sai diana aana ue nga mei ola, omu talei lae taꞌewau oto mola i sulie saemiu. Taꞌe omu ke suꞌuri lae loꞌu i sulie mo saehanalinge aaela iꞌomu ngeena. !Suꞌuri loꞌu! Taꞌe aana maholo ienini omu ke tola i sulie oto a God mala mo mwela diana ingeie.

1 Pita 1:18

Omu saie kaꞌu oto uri a God e holi eelihoꞌi oto aamiu mwaanie mo tolahai ola aaela nge omu too-tooleꞌi mei mwaanie mo weuwemiu oto wau i naꞌo. Na e kaꞌa holi eelihoꞌi ike aamiu aana nga mei ola nge e sai aaela mola mala siliva wa kol.

1 Pita 2:3

Omu ke lulu i sulie haꞌa-uusulinge ingeie urine aana omu lio oodoie oto tolahana a Aalaha, na omu saie oto uri e diana oto liutaa.

1 Pita 4:2

Oto maholo omu iiꞌo ue mai i laona walumalau ie, omu ke suꞌuri lulu i sulie walu ola aaela mola mala saemiu. !Suꞌuri! Omu ke lulu i sulie mola nga taa a God e saetoꞌo aana.

2 Pita 1:4

Oto aena urine, e niie oto mo tohungei niinge paine e lae oto i diana nge e haiholotaꞌiniꞌi hunikie. Na aena aana mo olana mone, kie ko si toꞌo aana nanamanga huni tehisie taꞌena nga tolahai ola aaela aana walumalau, na kie sai lado oto peꞌie a God hunie kie ke toꞌo aana maurihe diana peꞌie.

2 Pita 2:20

Mala uri mwala ke sai diana aana a Jisas Kraes Aalaha ikie, haꞌalaa kire sai iiꞌo luhetaꞌi mola mwaanie mo tolahai ola aaela aana walumalau ie. Taꞌe mala uri kire kei ooli loꞌu takoie mo tolahai ola aaela ngeena, nge mauringe ikire ke si aaela oto mwaanie holaꞌinaꞌo eena.

1 Jon 3:13

Oto omu ke suꞌuri pangataꞌi, maeni eesiku, mala uri walumalau ko ngiduupu huniꞌomu.

1 Jon 5:19

Kie manataꞌinie oto noꞌone uri ikie mo kalena God, maꞌalana ahutana mwala loꞌu i laona walumalau kire iiꞌo mola i mamalutana a Pwelu Eero-eero.

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

Haataꞌinge 13:8

Ahutana mwala ni welumalau kire kei paloa ola loo-looꞌa ngeena, taꞌe mo iinoni a God haꞌike, aana Kalei Sipu nge horoꞌilana e lae e uusue satada oto i laona uusu-uusu ni meurihe ingeie oto wau i naꞌona haꞌaholalana walumalau.