Uusu-uusu A Pol Hurula'aa Hunie Mo Rom 1:9 - Tataroha Diana

⁹ No ko esu nana God aana ahutana saeku aani laeliwalanga aana Tataroha Diana i sulie a Kalena, na a God e leesie noꞌone uri nou kaꞌa mou-mou ike mwaanie aarengaꞌinge talamiu.

Uusu-uusu A Pol Hurula'aa Hunie Mo Rom 1:9 Iomraidhean Croise

Tataroha Diana I Sulie A Jisas Kraes Nge A Mak E Uusue 1:1

Tataroha Diana i sulie a Jisas Kraes, Kalena a God e aehota oto mala

Tataroha Diana I Sulie A Jisas Kraes Nge A Luk E Uusue 18:1

Oto a Jisas e ere ni aalahuunge huni haataꞌinie aana mo pwaarongoisuli ingeie uri kire ke aarengaꞌi tarau mwaanie kire aakohe na mwaanie kire mou-mou mwaanie.

Palonga 12:5

Oto kire ko si tohungei kakali diana aana a Pita i laona nume ni hoꞌo, taꞌe mo iini aana soihaadaꞌinge kire ko aarea mola a God hunie ke peꞌie a Pita.

Palonga 19:21

Purine walu ola ngeena e rau mango, a Pol e hiingeꞌinie uri a Liꞌoa Maaꞌi ko sare uusungeꞌinie huni holaꞌi lae aana e ro poꞌo ni henue i Masedonia na i Akaea, nge ke si lae loꞌu hunie i Jerusalem. Na a Pol ko teꞌuri loꞌu, “Maholo ne kei lai liuhie mo leu ngeena mango, ne kei lai hule loꞌu aana huilume paine i Rom.”

Palonga 24:14

Taꞌe no ko unu oodo-oodo oto aana huniꞌo, uri e toꞌohuu no ko palo-paloa a God mo weuwe iꞌemi, aana ineu no ko lulu i sulie Tala Ni Meurihe. Ikire, kire unue mei hiiwalaimolinge ngeena e kaꞌa diana ike, maꞌalana ineu noꞌone nou hiiwalaimoli aana ahutana walu ola i laona mo Haꞌatolanga a Mosis na mo ola i laona mo Uusu-uusu Maaꞌi mo Propet.

Palonga 27:23

Aana nga rodo, ensel a God ineu nge no ko palo-paloa e hule aaku,

Palonga 3:26

Oto maholo a God e haꞌa-uuresie koni-konihe ingeie a Jisas, nge e holaꞌi uusungeꞌinie huniꞌomu hunie ke niie haꞌadianaꞌanga huniꞌomu aani tola aalihoꞌinilemiu mwaanie mo oorahaꞌaanga iꞌomu.”

Uusu-uusu A Pol Hurula'aa Hunie Mo Rom 9:1

Taꞌe ngaeta mei ola ko da uri no ko tohungei saehuu loꞌu liutaa, aana mwala ineu mo Jiu kire iiꞌo oto loosie maenga huu. Ineu iinoni a Kraes na a Liꞌoa Maaꞌi ko ere haꞌa-oaie uri manataku e taha mola. Oto no ko ere toꞌohuu ni ie, na nou kaꞌa eero ike aana no ko unue uri salunge ineu ngeena kaꞌa mou-mou ike mwaanieu. Na hule aana saeku uri haꞌaloileku ke lae oolisire hunie kire ke lae mai meuri huu oolisieu, haꞌalaa ke diana. Maꞌalana ne ke oopa mwaanie a Kraes oolisire, nge e diana mola aaku aana no ko tohungei aamasire, aana ikire oto mo tohungei iinoni ineu, na mwala oto aana uluhe ineu.

2 Korinit 1:23

Oto ne ke unue oodoiꞌomu aana e ue kaꞌu nou kaꞌa ooli ike mai i seemiu mala nou unue. A God e saie mola manataku, na e saie taane uri nga taa no ko unue e toꞌohuu. Nou kaꞌa lae ike ue hao i Korinit, i sulie nou kaꞌa sare ere aamiu loꞌu na urine kei aasa loꞌu huniꞌomu.

2 Korinit 11:31

Nou sai ere mola i sulie mo aasanga mala maholo nou oꞌoꞌo wau aana huilume i Damaskas na mwane paine haahie huilume ngeena e sasare tapolieu. A porona ko esu aana nanamanga a Aretas Inemauri, oto e uusungeꞌinie mo ramo huni tapolieu, na ngaeta mo ramo kire kakakalie mo maai para aana para paine ahuie huilume ngeena. Taꞌe ngaeta mo iini aana kira hiiwalaimoli kire peꞌieu hunie ne ke tahi mwaanire. Melu hane taꞌau hunie ngaeta maaureꞌi aana para paine ahuie huilume i Damaskas, na kire neꞌieu i laona luluꞌe oto paine, oto kire si uukueu i aano poꞌoi sinaha mwaanie huilumena. Iau, God Aamana Aalaha ikie a Jisas nge kie ko soi haꞌamanikuluꞌaa oto tarau, e saie uri nou kaꞌa eero ike.

Kalesia 1:20

!E toꞌohuu oto mala i Lengi! !Nou kaꞌa eero ike!

Epesas 6:18

Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

Pilipae 1:3

No ko paalahea God ineu mola tarau aana ahutana maholo no ko loꞌongaꞌiniꞌomu.

Pilipae 1:4

Na aarengaꞌinge ineu talamiu no ko aarengaꞌi taraureꞌi peꞌi ilenimwaꞌenga.

Pilipae 2:22

Taꞌe omu lio saie oto asunge diana a Timoti, aana ko peꞌi diana aaku aani laeliwalanga aana Tataroha Diana, mala e ro heꞌi-aamana ko esuie taꞌa-taꞌa mei esunge.

Pilipae 3:3

Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.

1 Tesalonaeka 1:2

Suli maholo melu ko aarengaꞌi, melu ko paalahea God haahiꞌomu na melu ko aarengaꞌi talamiu uri a God ke lio i suli diana aamiu.

1 Tesalonaeka 3:10

Melu ko tohungei aarengaꞌi susue rodo na aatowaa uri hunie melu ke leesiꞌomu keꞌu loꞌu, na uri melu sai peꞌiꞌomu aana taꞌena nga mei ola omu saetoꞌo aana ue hunie hiiwalaimolinge iꞌomu ke ahu.

1 Tesalonaeka 5:17

na omu ke aarea God mola tarau.

1 Timoti 2:7

Aena urine nge lio hilisileku e lae huni houleꞌinie Tataroha Diana na huni neꞌi hurulaꞌaa. No ko ere toꞌohuu na nou kaꞌa eeroꞌo ike uri lio hilisileku e lae huni haꞌa-uusulie mo Aapoloa Aaopa nge ikire nga mo Jiu haꞌike hunie uri kire ke saie walaimolinge na kire ke hiiwalaimoli aana.

2 Timoti 1:3

No ko aarengaꞌi talamu susue rodo na aatowaa, na no ko tohungei sae-saemango haahiꞌo suli maholo no ko aarea God ineu nge no ko esu nana peꞌie mei manatanga rereꞌa oto noꞌone mala mo weuweku kire auꞌesuie.

Pilimon 1:4

Ahutana maholo no ko aare-aarea God talamu, Pilimon, no ko paalahea God oto liutaa haahiꞌo.