Uusu-uusu A Pol Hurula'aa Hunie Mo Rom 1:8 - Tataroha Diana

⁸ No ko sare holaꞌi paalahea God haahiꞌomu aana ahutana walumalau ko rongoa oto hiiwalaimolinge iꞌomu. Na i tehulaꞌana a Jisas Kraes mone, nou saie uri a God ko rongo hunie paalahenga ineu ngeena.

Uusu-uusu A Pol Hurula'aa Hunie Mo Rom 1:8 Iomraidhean Croise

Matiu 24:14

Laeliwalanga aana Tataroha Diana i sulie Aalahanga a God kei lae kalie ahutana walumalau hunie ahutana iinoni ke mani rongo. Oto purihaꞌana haꞌamangolana ke si lae mai.”

Tataroha Diana I Sulie A Jisas Kraes Nge A Luk E Uusue 2:1

Aana maholona, inemauri peine ni Rom, a Ogastas, e neꞌie haꞌatolanga hunie ahutana mwala aana mo henue i mamalutana. Haꞌatolanga ngeena e unue uri ahutana iinoni ke mani uusu sata huni toolea wilinge mwaanire.

Palonga 11:28

Oto ngaeta iini aada satana a Agabas, e uure i lengi ko si ere aana nanamanga a Liꞌoa Maaꞌi uri hiolonga kei tola aana ahutana mo leu aana aalahanga ni Rom. Oto mai puri, nge mei ola ienini ko si oa aana maholo a Klodias e neꞌi inemauri ni Rom.

Palonga 28:22

Na melu ko tohungei sare rongoa loꞌongaꞌinge iꞌoe sulie mwala aana taꞌena nga leu kire ko tohungei ere aaelasie hiiwalaimolinge aaopa ngeena.”

Uusu-uusu A Pol Hurula'aa Hunie Mo Rom 10:18

?Oto e ue aana mo Jiu kire kaꞌa lulu i sulie? ?Uri kire rongoa taane tataroha ngeena? !Iau! Kire rongoa taane, aana tataroha ngeena e loho hailiu urihana nga taa mo Uusu-uusu Maaꞌi e unue i sulie haꞌaholanga uuri, Mei tataroha ngeena e lae kalie walumalau, na mo wala ngeena kire hule oto aana ahutana mo henue i laona walumalau. Sam 19:4

Uusu-uusu A Pol Hurula'aa Hunie Mo Rom 16:19

Nou saie uri iꞌomu, omu saꞌa rongo ike hunire, aana ahutana mwala kire mani rongoa oto uri omu ko totola i sulie mola a Aalaha, na aena mei olana nge no ko tohungei ilenimwaꞌe haahiꞌomu. Taꞌe saeku uri omu ke tohungei saenanau i sulie walu ola diana, na omu ke iiꞌo haꞌatau loꞌu mwaanie walu ola aaela.

Uusu-uusu A Pol Hurula'aa Hunie Mo Rom 6:17

Holaꞌinaꞌo, iꞌomu mo koni-konihe a oorahaꞌaa ni ngeena. Taꞌe ienini omu ko tohungei lulu i suli diana aana oto walaimolinge nge haꞌa-uusulilemiu e lae aana, na aena leune kie ko tohungei paalahea God.

1 Korinit 1:4

Suli maholo no ko paalahea God ineu aana e aamasiꞌomu na e niie mo niinge diana namiu i tehulaꞌana a Jisas Kraes.

2 Korinit 2:14

Oto no ko paalahea God oto liutaa, aana a Kraes e aꞌailaꞌasie oohotaa, na oto ie melu lado oto peꞌie a Kraes na melu ko lae-lae oto i sulie mala mo koni-konihe ingeie. A God e asu i lalo aameelu hunie tataroha i sulie a Kraes ke lai hule oto aana ahutana mo henue, mala wasuhaꞌana dango wau-wesu nge e tohungei wesu mangoni oto hiitoꞌo e sai hule aana taꞌena nga leu i laona nume.

Epesas 1:15

Aena urinena, uure oto aana maholo nou rongoa uri omu hiiwalaimoli aana Aalaha ikie a Jisas, na uri omu tohungei manata diana hunie mo iinoni a God,

Epesas 1:16

nou kaꞌa pupulongo ike huni paalahea God haahiꞌomu. Nou sai loꞌongaꞌiniꞌomu mola tarau i laona mo aarengaꞌinge ineu.

Epesas 3:21

Oto no ko eitanai uri mwala ke haꞌamanikuluꞌaa God haahie soihaadaꞌinge ingeie na aena aana a Jisas Kraes oto di, oto di. Ke urine oto.

Epesas 5:20

Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.

Pilipae 1:11

Oto omu ke si honu aana hue-huana oodotaꞌinge nge a Jisas Kraes maraana haꞌalaa ko niie, aani esuilana mo ola diana hunie mwala ke haꞌamanikuluꞌaa God peꞌi paalahelana haahiꞌi.

Pilipae 1:3

No ko paalahea God ineu mola tarau aana ahutana maholo no ko loꞌongaꞌiniꞌomu.

Kolosi 1:3

Oto tarau maholo melu ko aarengaꞌi talamiu, melu ko paalahea a God, Aamana Aalaha ikie a Jisas Kraes,

1 Tesalonaeka 1:2

Suli maholo melu ko aarengaꞌi, melu ko paalahea God haahiꞌomu na melu ko aarengaꞌi talamiu uri a God ke lio i suli diana aamiu.

1 Tesalonaeka 2:13

Melu ko lae peꞌi paalahea God oto liutaa haahie maholo melu lae mai haꞌarongoꞌomu aana walana God, omu rongo peꞌi hiiwalaimolinge aana uri walana God toꞌohuu na e kaꞌa walana ike mola iinoni. Na walana God ngeena ko esu taane oto i lalo aamiu mo iini omu hiiwalaimoli aana.

2 Tesalonaeka 1:3

Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.

2 Timoti 1:3

No ko aarengaꞌi talamu susue rodo na aatowaa, na no ko tohungei sae-saemango haahiꞌo suli maholo no ko aarea God ineu nge no ko esu nana peꞌie mei manatanga rereꞌa oto noꞌone mala mo weuweku kire auꞌesuie.

Pilimon 1:4

Ahutana maholo no ko aare-aarea God talamu, Pilimon, no ko paalahea God oto liutaa haahiꞌo.

Hibru 13:15

Oto aana peꞌinge a Jisas hunikie, kie ke paalahea oto a God tarau peꞌi soi haꞌamanikuluꞌalana satana. Aana urine oto e urihana kie ko esuie mo uunu-olanga i saana God.

1 Pita 2:5

Urine iꞌomu noꞌone omu ke urihana mo heu hunie nume a God. Na neꞌisaenga aana nume a God oto ahutana mo iinoni nge kire ko lulu i sulie aana nanamanga a Liꞌoa Maaꞌi, nge soihaadaꞌinge a God otona. Iꞌomu aana soihaadaꞌinge a God, omu meni neꞌie oto mwala maaꞌi nge kire sai lae oodo taꞌau i naꞌona a God huni uunu-uunu ola i saana. Iau, omu meni neꞌi pris oto, na aana peꞌinge a Jisas Kraes mone, mo ola diana omu ko esuiꞌi nana kire neꞌie mo uuraaꞌinge nge a God ko ilenimwaꞌe haahiꞌi ngeena.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.