Uusu-uusu A Pol Hurula'aa Hunie Mo Rom 1:3 - Tataroha Diana

^3-4 i sulie a Kalena, Aalaha ikie a Jisas Kraes. E neꞌi iinoni aana e hute mala iinoni aana komu a Deved Inemauri, taꞌe a Liꞌoa Maaꞌi e taꞌelaꞌinie loꞌu mwaanie maenga aana nanamanga paine a God, na urine e haataꞌi diana aana uri ingeie Kalena God toꞌohuu.

Uusu-uusu A Pol Hurula'aa Hunie Mo Rom 1:3 Iomraidhean Croise

Matiu 1:1

Ie uusu-uusu aana mo naꞌohai weuwana a Jisas Kraes uure oto mai aana pongine a Ebraham lae mai hule aana a Deved Inemauri, na hunie a Jisas Kraes.

Matiu 1:16

na a Jekob aamana Josep nge e toꞌo aana a Meri na a Meri nikana a Jisas, sailana uri a Kraes.

Matiu 1:6

na a Jesi aamana Deved Inemauri. Na a Deved Inemauri aamana Solomon (nge e hute aana huꞌe e toꞌo-toꞌo aana kaꞌu a Iuraea),

Matiu 12:23

Ahutana mwala ko meni pangataꞌinie nga taa a Jisas e asuie, na kire ko teꞌuri, “?Ohe Kalena Deved Inemauri ni ienini, a Kraes?”

Matiu 15:22

Oto ngaeta huꞌe aana hanuena, ingeie nga keni ni Jiu haꞌike, taꞌe keni aana komu ni Kenan. E lae mai saana a Jisas, oto ko soie uuri, “!Kalena Deved Inemauri! Aalaha ineu, o ke aamasieu aana kele pule ineu ko tohungei siꞌohaꞌa oto hiitoꞌo aana liꞌoa aaela e hite aana.”

Matiu 26:63

Taꞌe a Jisas e tolirohu mola. Oto Naꞌohana Mo Naꞌohai Pris ko heꞌi unue loꞌu hunie a Jisas uuri, “No ko unue huniꞌo, uri o ke tohe oodoiꞌemeelu aana satana God Mau-meuriꞌe uri iꞌoe Kalena God toꞌohuu wa haꞌike.”

Matiu 27:43

!Iiei! E nou-norutoꞌo aana a God, na e unue oto maraana uri ingeie Kalena God. Kolu ke lio-lio kaꞌu, ohe a God ko haꞌa-uurie oto molana.”

Matiu 3:17

Na aana maholona noꞌone mei wala e uure mai taꞌau i Lengi ko teꞌuri, “Hahuꞌana kaleku ni ienini, na nou tohungei manata diana hunie, na no ko ilenimwaꞌe oto liutaa haahie.”

Matiu 9:27

Oto aana maholo a Jisas ko lae taꞌau mwaanie numena, e ro mwane kire ulu ko aehota lae i sulie peꞌie soinge uuri, “!Kalena Deved Inemauri, o ke aamasiꞌemereꞌi!”

Tataroha Diana I Sulie A Jisas Kraes Nge A Luk E Uusue 1:35

Oto ensel ko aalamie uuri, “Liꞌoa Maaꞌi kei siho i lengimu, na nanamanga iini e Paine Liutaa kei melusiꞌo. Na aena ngeena kele wee-wee iꞌoe kei maaꞌi na sailana kei lae uri ingeie Kalena a God.

Tataroha Diana I Sulie A Jisas Kraes Nge A Luk E Uusue 1:69

Na uure mwaanie komu a Deved koni-konihe ingeie, e niie iini nanama huni haꞌa-uurikie.

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Tataroha Diana I Sulie A Jisas Kraes Nge A Jon E Uusue 1:34

Nou leesie oto, na no ko unue oto huniꞌomu uri ingeie oto Kalena God.”

Tataroha Diana I Sulie A Jisas Kraes Nge A Jon E Uusue 1:49

Oto a Nataniel ko si teꞌuri hunie a Jisas, “!Poro paine, iꞌoe oto Kalena God! !Iꞌoe oto inemauri nana mo Israel!”

Tataroha Diana I Sulie A Jisas Kraes Nge A Jon E Uusue 10:30

Iꞌemereꞌi a Mamaꞌa taꞌa-taꞌa iinoni mola.”

Tataroha Diana I Sulie A Jisas Kraes Nge A Jon E Uusue 10:36

?Oto e ue omu ko si unue uri no ko ere mwakataꞌinie a God aana nou unue uuri, ‘Ineu a Kalena God.’? Ineu kaꞌu oto iini a God e lio hilisieu na e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 20:28

Oto a Tomas e tolana aalamie a Jisas, na ko teꞌuri, “!Iꞌoe oto Aalaha ineu, na God ineu!”

Tataroha Diana I Sulie A Jisas Kraes Nge A Jon E Uusue 20:31

Mo iini ie uusuleni e lae mola uri hunie omu ke hiiwalaimoli aana a Jisas uri ingeie a Kraes, Kalena God, na hunie omu ke manataꞌinie maurihe huu aani hiiwalaimolinge aana.

Tataroha Diana I Sulie A Jisas Kraes Nge A Jon E Uusue 5:25

“No ko unue oto toꞌohuu huniꞌomu uri maholo ko nanauhie oto mai, na e hule mone oto, hunie mo iini maurihaꞌada e mae kei rongoa walaku a Kalena God. Na mo iini ko rongo peꞌi hiiwalaimolinge aaku kei hele aana maurihe.

Tataroha Diana I Sulie A Jisas Kraes Nge A Jon E Uusue 7:42

Aana mo Uusu-uusu Maaꞌi e unue uri a Kraes kei uure oto aana komu a Deved Inemauri, na kei hute oto i Betlehem, aana huilume nge a Deved Inemauri e oꞌoꞌo aana.”

Palonga 2:30

Taꞌe aana a Deved ingeie nga propet, oto e saie mola uri a God e haiholotaꞌinie hunie kei niie nga iini aana komu a Deved hunie ke inemauri mala a Deved maraana. Na iini nge kei lae mai urine kire haaraꞌinie a Kraes.

Palonga 3:13

God mo weuwaka, iini a Ebraham na Aesak na Jekob kire mani palo-paloa oto waite, ingeie oto nge ko haꞌamanikuluꞌaa koni-konihe ingeie a Jisas. Taꞌe iꞌomu ni omu niie wau i nimana a Paelat hunie horoꞌilana maꞌalana a Paelat e sare toliꞌaasie hunie ke iiꞌo luhetaꞌi, taꞌe iꞌomu nge omu uure honosie mwaanie e toliꞌaasie.

Palonga 8:36

Kirerue lae-lae i sulie tala ngeena, na kirerue ko lae i hule oto aana wai, oto poro paine ngeena ko teꞌuri, “!Lio kaꞌu! Wai oto ie. ?Nga taa ni e uure honosieu mwaanie nou loto maaꞌi oto molana?”

Palonga 9:20

E oodo mola wau i laona mo nume ni palo-palo mo Jiu, na ko tarohaꞌinie oto a Jisas uri ingeie oto Kalena God toꞌohuu.

Uusu-uusu A Pol Hurula'aa Hunie Mo Rom 1:9

No ko esu nana God aana ahutana saeku aani laeliwalanga aana Tataroha Diana i sulie a Kalena, na a God e leesie noꞌone uri nou kaꞌa mou-mou ike mwaanie aarengaꞌinge talamiu.

Uusu-uusu A Pol Hurula'aa Hunie Mo Rom 4:1

?Haꞌalaa e ue aana tohungana oto weuwemami mo Jiu, a Ebraham?

Uusu-uusu A Pol Hurula'aa Hunie Mo Rom 9:5

Mo weuwada oto i naꞌo mala a Ebraham na a Aesak na a Jekob, ikire mo naꞌohai mwane nge a God e lio hilisire, na a Kraes e hute oto noꞌone mai mala iinoni aana komu ikire ngeena. Na ingeie oto a God, na ko aalaha haahie taꞌena nga ola, na e diana hunie kie ke paalahea taraureꞌi oto di. !Iau! !Ke urine oto!

1 Korinit 1:9

Aana a God, iini nge e soiꞌomu hunie omu ke iiꞌo ruru peꞌie a Kalena, e sai deu i sulie walana, na a Kalena oto Aalaha ikie a Jisas Kraes.

1 Korinit 10:18

Omu ke loꞌongaꞌi keꞌu i sulie mwala ni Israel. Mo iini nge kire ko ngeue nga taa nge niilana e lae hunie a God, kire ko meni ado oto aana uunu-olanga ngeena peꞌie a God eena.

Kalesia 4:4

Taꞌe e lae mai hule aana maholo oto hunie, nge a God e uusungeꞌinie mai a kalena i laona walumalau. E hute mai aani iinoni na e iiꞌo oto i mamalutana mo Haꞌatolanga a Mosis.

1 Tesalonaeka 1:10

Na kire ko laladoa noꞌone uri omu ko maaꞌoohie oto a Kalena kei lae mai uure taꞌau i Lengi. Ingeie oto a Jisas nge e taꞌelaꞌi mwaanie maenga, na ko haꞌa-uurikie mwaanie saewasunge a God nge ko lae mai aana dinge ni leinge.

1 Timoti 2:5

E taꞌa-taꞌa God mola, na e taꞌa-taꞌa iinoni mola huni haꞌa-uureruru i matolana mo iinoni na a God, na a Haꞌa-uureruru ngeena oto mola a Kraes Jisas. Ingeie oto maraana e neꞌi iinoni,

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

2 Timoti 2:8

O ke loꞌo-loꞌongaꞌinie mola a Jisas, aana ingeie a Kraes, iini a God e haiholotaꞌinie kei haꞌa-uurie mo iinoni ingeie. E haꞌa-oaie walana mo propet aana e uure mwaanie komu a Deved Inemauri. Na e taꞌelaꞌi mwaanie maenga mala no ko unu-unue oto tarau maholo no ko laengaꞌinie Tataroha Diana

1 Jon 1:3

Melu ko haꞌarongoꞌomu urine aana nga taa melu leesie na melu rongoa, hunie uri iꞌomu noꞌone omu ke iiꞌo ruru peꞌiꞌemeelu aana iiꞌo-rurunge peꞌie a Mamaꞌa na a Kalena, Jisas Kraes.

1 Jon 3:23

Na mei haꞌatolanga ingeie ni otona, uri hunie kie ke hiiwalaimoli aana Kalena, a Jisas Kraes, na hunie kie ke manata diana hunikie hailiu, mala e unue oto hunikie.

1 Jon 3:8

Taꞌe iini nge ko oora-oorahaꞌaa oto mola, iini a Pwelu Eero-eero eena, aena aana a Pwelu Eero-eero ingeie e uure ni oorahaꞌaala oto mai aehotalana. Na Kalena God e lae oto mai huni oho aasie mola mo esunge a Pwelu Eero-eero ngeena.

1 Jon 4:15

Oto aena urinena, taꞌena nga iini ko hiiwalaimoli na ko unu tahangaꞌinie uri a Jisas ingeie oto Kalena God, nge a God ko iiꞌo susu oto i lalo aana, na ingeie i lalo aana God.

1 Jon 5:1

Taꞌena nga iini ko hiiwalaimoli aana a Jisas uri ingeie a Kraes, a Haꞌa-uuritaka nge a God e haiholotaꞌinie kaꞌu huni uusungeꞌinie mai, nge iinoni ngeena e hute haalu mala ngaeta kalena God. Na taꞌena nga iini ko manata diana hunie Mamaꞌa i Lengi, nge ke manata diana noꞌone hunie mo iini nge e hute aana.

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.

1 Jon 5:5

?A tei ni e aꞌailaꞌa honosie walumalau? Iini nge ko hiiwalaimoli uri a Jisas ingeie Kalena God haꞌalaa.

2 Jon 1:7

No ko haꞌa-aamasitoꞌoꞌomu mola aana leune, aena aana mo haꞌa-uusuli eero-eero hunge kire lae hailiu oto i laona walumalau. Ikire ngeena kire ko haꞌa-uusuli aana uri a Jisas Kraes e kaꞌa neꞌi iinoni ike. Mo iini urine ikire mwala eero-eero, na ikire mo maelonga a Kraes.

Haataꞌinge 2:18

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Taeataera uuri. “Ineu, Kalena a God, iini nge e ro maaku domana oto eeso-eesohai dunge, na mo aeꞌaeku kire wana-wana oto mala hau e sae ni pelu-pelu, no ko unue huniꞌomu uuri.